1 Timoti 2:3 - FỊAFỊA BAỊBỤLỤ

³ Miemẹ iḅim, tẹ anị pịkị Tamụnọ, wamịna Ḅọrọmaḅọ ḅe ḅụụ ḅẹlẹarị,

1 Timoti 2:3 Iomraidhean Croise

Ayịzaya 45:21

Ó ḅo ọmịna ḅịḅị ḍuko ḅẹrẹ-siri ḅụ; yee ḅẹrẹ pakịrịarị apụ ma jụmọ-jụmọ na ḅẹrẹ-ḅiya. Iḅere-iḅerea kụra ḅio ḅụ paka ḅẹ ye ḍuko ḅọ tụḅọ? Yẹrị-yaa, KỊNỊNYANAḄỌ ḅe, amịna atomi ḅọrọmarị Tamụnọ ḅe? Jen tamụnọ ofori.

Luku 1:47

ì tẹmẹ ḅioḅẹlẹarị Tamụnọ ị̀ Ḅọrọmaḅọ ḅe gotẹ,

Romu 14:18

Tomḅọ mị ḅọkọ ḅụ ḅọrọ tẹ fịrịmẹnjị Kịrayịsị pịrịarị sakị mie mḅọ Tamụnọ ḅioḅẹlẹma tẹ tomi pịkị mḅọ mịẹarị ye mẹ kẹ iḅiye sịn ḅarịye.

Filipayị 1:11

Karakara iḅi-yemịẹ-ḅara ọmịna ḍumo ḅụ ḅin ḅa, anie Jizọsị Kịrayịsị ngẹrị inetẹ pakama-ḅo tẹ kẹ ebube na tokini na kẹ Tamụnọ pịrịarị aị.

Filipayị 4:18

Ọkọẹrẹsị, mie gbala ḅọrọ ọ́ kẹ ị̀ pịrị ye goyegoye ḅo ị̀ ḅara la tẹ nwẹn ḅẹẹ ḍiri. Anị waa ḅara sime tẹ! Ẹpaforoditosị da ḅo ị̀ pịrị ḍiepịrị-aị ma mịẹtẹ mịọkụ ị̀ ḅụụ-fụkamarị aị mamgba à nyana fama tẹ. Arị kịkarị ye anie, iḅiọkụ kụnụarị dọkịma-agba tẹ mịẹ Tamụnọ pịrị ye, ọkị na-iḅi tẹ ò ḅioḅẹlẹmarị ye.

Kọlọsị 1:10

Anịtẹso ó ḅo inetẹ KỊNỊNYANAḄỌ ḅe ḅiiarị ḍumo ḅara, kọn tẹ pịkị sakị mamgba ò ḅioḅẹlẹma ḅarịye mịẹ ḅa. Ọmịna ḍumo iḅi amịẹaị ḅara-ḅara pakama-ḅo ḅa, tẹ ọ́ Tamụnọ nimi tọrọkọ-tọrọkọ mu ḅa.

1 Tẹsalonịka 4:1

Anị ḅẹ kunoma ye, wamịna amịnapụ, ọ́ kọn tẹ Tamụnọ ḅioḅẹlẹma ḅarị ḍumo ọ́ nwẹn ḍawọm wamịna ḅara. Ye wẹrịtẹ sime-ḅara ḅụ, anị ḍumo ḅara mẹ mie ọ́ pịkị kọn na-iḅi ye. Tẹ mịọkụ, KỊNỊNYANAḄỌ Jizọsị ḅe ẹrẹ ḅụ, wa ọ́ tẹkẹ lamarị, mịnẹ ọmịnị iḅi ọkọ nẹngị ḍumo sọ kọn.

1 Timoti 1:1

Pọlụ, Kịrayịsị Jizọsị fịrịmẹnjịḅọ ḅe, Tamụnọ wamịna Ḅọrọmaḅọ ḅe na Kịrayịsị Jizọsị wamịna ḅiokpọ ḅe na tọn ḅara ḅụ:

1 Timoti 4:10

Wa ḍumo wararị Tamụnọ ḅe, inweni-mgba Ḅọrọmaḅọ ḅe, jen-a jen-a, ini ma tẹ minini apụ ma, kẹ ḅiokpọma wararị ẹrẹsị, wa ḅụụ-kọsị tẹ kụrọma kọrịnama kọrịarị.

1 Timoti 5:4

Kụma awọmẹ na taa-awọmẹ na nyana wararị diḅọ-fịtẹ-ẹrẹḅọ ma, yee arị awọmẹ ma na taa-awọmẹ ma na Tamụnọ etela ḅụ ịn mịẹ na-iḅi aị ma kẹ tarị ịna warị ḅio saakị, ịna ḍapụ-na-iyingiapụ-na, ịna opu ḍapụ-na-iyingiapụ-na ḍikiḍiki ḅụ; kẹ gotẹ ọkọ ḍukoarị, anie mie Tamụnọ ḅụụ-ḅẹlẹarị ḅara.

2 Timoti 1:9

Ori wa ḅọrọma tẹ wa sịnm wa ori atomi sọọ, wamịna kọrịnama ḅụ-a, kụma ori tọn ḅara na ó ḍiki-ḅụụjịrị na ẹrẹsị. Kịrayịsị Jizọsị ḅụ mie ọ̀ ḅọrọ tẹ mị ḍiki-ḅụụjịrị mẹ kẹ wa pịrị ye, tomikiri mẹ amụ tẹmẹ-a kụra-ḅio,

Hiburu 13:16

Iḅi mịẹ na, ḅarasụa jụmọ-jụmọ pịrị na mẹ ọ́ kẹ ḅioḅọrọma ma, kẹ gotẹ ọkọ ḍukoarị, mịna agba aḅara ma mie Tamụnọ ḅụụ-ḅẹlẹarị ye.

1 Pita 2:20

Ọmịnị ọ́ mịẹ siye ḅẹ fomuye daarị kụma tọ tokini ḅịḅị sime ọ́ pịrị? Kụma ọmịnị ọ́ mịẹ kuraye ḅụ ḅẹ tọrụsiẹrị ẹrịarị ḅẹḅẹ, Tamụnọ anị gotẹ ó boma ḅa.

1 Pita 2:5

Ó ḍumo wararị aḍụḅarị ḅara kẹ ḅoo, tẹ ọmịna aḅụụ kẹ pịrịị, ini ọ́ kẹ tẹmẹ ḅụ ḅẹ Tamụnọ-warị nama, anịanga ḅụ ọ́ fịafịa agbamịẹapụ fịrịmẹnjị tẹ Tamụnọ ọkị gbẹẹ tẹmẹ ḅụ ḅẹ agba mịẹ ọ̀ pịrị ḅa, Jizọsị Kịrayịsị ḅe ḅụ.