1 Timoti 2:2 - FỊAFỊA BAỊBỤLỤ

² kẹ amadapụ na, kụrọ-ḅara ḅụ simearị apụ mamgba na pịrịị, mịẹtẹ wa gbene na dein na ḍumo kọn ḅarị ḅara, kụn goyegoye kẹ Tamụnọ pịrị na-iḅi ye mịẹ ḅara na ḅụ.

1 Timoti 2:2 Iomraidhean Croise

2 Samụẹlị 20:19

Yẹrị anie inima tẹ Izirẹlị ḅụ dein ḅara na, minini nyana ḅara sime apụ ma ḅẹ gbọrụḅọ; ị́ gbọrụ opu ama tẹ Izirẹlị ḅụ iyingiḅọ sọ wararị ama fama ḅẹ ḍọkịarị; í tiegotẹ KỊNỊNYANAḄỌ ḅe sime anga mẹ mẹnị-ọkị ḅẹ ḅii ḅẹ?”

Ẹzịra 6:10

mịẹtẹ ịn kẹ ḅụụ ḅẹlẹma agba mịẹ So-ḅio ḅẹ Tamụnọ ḅe pịrị, tẹ tẹkẹ kẹ Amadaḅọ ḅe na, ori owiapụ-awọmẹ ma na ḍumo pịrị ḅẹ ḅara.

Nehimaya 1:11

Yei KỊNỊNYANAḄỌ, yee ị́ í ḅeri-tokoloma ị́ fịrịmẹnjịḅọ tẹkẹ na, ị́ afịrịmẹnjịapụ ma tẹ ị́ ẹrẹ mangịma mẹ ḅẹlẹma apụ ma tẹkẹ na naa; tẹ mịmgba ị́ fịrịmẹnjịḅọ mịẹ ye mẹ ori na iḅi, tẹ ḅị tomḅọ ḅe ḍiki-tọrụ ḅụ ọkụrụkụrụ nyana ọ̀ pịrị.” Mịọkụ, yẹrị anie ò ḅio-koruḅọ.

Devidi-Anume 72:1

Yei Tamụnọ, ị́ karakara mịẹ mẹ kẹ amadaḅọ ḅe toluma tẹ ọ̀ kẹ ḅẹrẹkọn; yee ori ị́ na sọ tẹ aḍụa ofori ḅẹrẹkọn,

Egberima-Ẹkwẹn 24:21

Ị̀ tụḅọ, KỊNỊNYANAḄỌ ḅe ḍiki-ḅalafaa, pịkị amadaḅọ ḅe kụn. Kọngọ kụrọma ịn pịrịarị apụ na gbọrụ mịẹ sọ nyana ma;

Jerimaya 29:7

Àrị ọ́ mịẹ tẹ ọmịnị ikoliapụ ḅara kẹ mu tẹ opu ama ma, ọmịnị arị iḅi ḅẹ ḅara gotẹ kọrịnama kọrịị. Ọmịnị in gotẹ ị̀ tẹkẹẹ, kẹ gotẹ ọkọ ḍukoarị, ịn lọkọlọkọ kụma, ọmịnị sọ lọkọlọkọ ḅa.

Luku 1:6

Ini maa apụ mamgba Tamụnọ tọrọkọ iḅi ḍumo kọnm, anie ịn pịkị KỊNỊNYANAḄỌ ḅe oloko mamgba koko kpaịnma ḅara.

Luku 2:25

Anị sakị ḅụ Jeruselemu ḅụ ịn kẹ Simiyọnị sịn gbọrụ owiḅọ simem. Ḅị ḅọ ḅe karakara iḅi tomḅọ, tẹ Tamụnọ ḍiki-ḅalafarị ḅọ, ọ̀ pịkị Izirẹlị ḅọrọma ḅẹ sakị mẹ koruarị. Fịafịa Tẹmẹ ḅe ọ̀ ḅụụ sime

Fịrịmẹnjịapụ 10:22

Ịn nwẹnị pakịrị, “Ọmụ-alaḅọ Kọnilọsị wa kẹ fịrịmam. Ori ḅe iḅi tomḅọọ, pịkị Tamụnọ tẹkẹarị ḅọ, tẹ Juu-ḅẹ-apụ mamgba sọ kẹ ye-sịn lama wararị ḅọ. Tamụnọ enjẹlị ọ̀ ḅẹẹm ori ị́ sịn ọ̀ warị ḅoo, tẹ í ḍuko ḅẹ ye pokii.”

Fịrịmẹnjịapụ 24:16

Mie ḅụ, à pịkị arị inetẹ ḅara, inetẹ ḅara mịẹarị sakị mamgba, mịnẹ Tamụnọ tọrọkọ na tomina tọrọkọ na ị̀ tẹmẹ ḅioḅẹngbọ fịafịa.

Romu 12:18

Í inetẹ ḅara, inetẹ ḅara mịẹ tẹ ḅẹḅọ-ḅẹḅọ na dein ḅụ angaa.

Filipayị 4:8

Kunoma ye, ị̀ amịnapụ, ọmịnị arị iḅi-aị ma tẹ tokini gbẹẹ aị ma kẹ ọmịna akuroma ḅụ sụa ḅinmaa: arị aị ma tẹ karakara na, iḅi-yemịẹ-ḅara na, kura na, fịafịa na, ḅụụ-ḅẹlẹma na, pịkị kụn na nyana wararị aị ma.

1 Tẹsalonịka 4:11

Ọ́ kẹ ọ́ mịẹ ḅẹ tẹ kẹ ḅioḅẹngbọ sụa wararị ye sọma, tẹ gbene ḍumo kọn, tẹ sime ọ́ pịrị tẹ ọ́ mịẹ ḅẹ ye kẹ ye sịn, tẹ ḅarana ḍọkị tẹ fị, ḅọrọ tẹ sakị ḅụ wa ḍuko ọ́ pịrị tẹ gbọrụ ḅara mẹ ḅụ.

Hiburu 12:14

Ọ́ ḅụụkụrọma tẹ ḅẹḅọ-ḅẹḅọ na dein ḅụ simee, tẹ pịkị fịafịa ḍumo kọn, kẹ gotẹ ọkọ ḍukoarị, anieofori kụma gbọrụḅọ-sọ KỊNỊNYANAḄỌ ḅe ẹrị ḅịa.