1 Timoti 2:1 - FỊAFỊA BAỊBỤLỤ

¹ Ọkọẹrẹsị, ye mamgba ḅụ tarị ye, à ḍuko kụrọma ọ́ pịrịarị, ọ́ Tamụnọ ḅara ye ḅii-ḅii tẹ, pịkị ọ̀ tẹkẹ tẹkẹ tẹ ịmịẹtẹ kẹ ọ̀ ḅẹẹ tomi mamgba pịrịị;

1 Timoti 2:1 Iomraidhean Croise

Ẹzịra 6:10

mịẹtẹ ịn kẹ ḅụụ ḅẹlẹma agba mịẹ So-ḅio ḅẹ Tamụnọ ḅe pịrị, tẹ tẹkẹ kẹ Amadaḅọ ḅe na, ori owiapụ-awọmẹ ma na ḍumo pịrị ḅẹ ḅara.

Devidi-Anume 72:19

Ọmịnị ori ebube ẹrẹ mẹ tokini mu ḅẹẹ-sakị ḅẹẹ-sakị la! Yee ori ebube bebe tomikiri mẹ ḅin. Amẹnị! Amẹnị!

Jerimaya 29:7

Àrị ọ́ mịẹ tẹ ọmịnị ikoliapụ ḅara kẹ mu tẹ opu ama ma, ọmịnị arị iḅi ḅẹ ḅara gotẹ kọrịnama kọrịị. Ọmịnị in gotẹ ị̀ tẹkẹẹ, kẹ gotẹ ọkọ ḍukoarị, ịn lọkọlọkọ kụma, ọmịnị sọ lọkọlọkọ ḅa.

Fịrịmẹnjịapụ 17:30

Elemu sakị tomi nimi-a ḅụ mịẹ-mịẹ aị ma Tamụnọ arị ḍiki-tọrụsin tẹ, kụma mịọkụ ọ̀ tọn kịnị mamgba pịrịarị, in sime anga, sime anga, mịnẹ ini ịna si etela ma ḅụ pịkịị.

Romu 1:8

Tarị ye, à Jizọsị Kịrayịsị ẹrẹ ḅụ ọmịnị-mgba gotẹ ịmịẹtẹ kẹ ị̀ Tamụnọ ḅẹẹm, bebe tomikiri mẹ ọmịna minini mẹ gbolomaye naa tẹ mẹ ẹrẹsị.

Romu 6:17

Tamụnọ mịẹ tẹẹ! Tụkụmaye, tarị tarị ọmịnị omoni sọ si pịrị simem sọ, ó ḅo ọmịna ḅioḅẹngbọ mamgba kẹ ịn kẹ ó tolumaye mẹ daa-ọkị tẹ anị ḅẹẹ ḅara ḍiki anga tẹ.

1 Kọrịntị 15:3

Yẹrị daa-ọkị ye mẹ mie à da-saḅama ọ́ pịrị ye, anie kpọma ḍuko ḅẹ ọkụ ofori ḅara kẹ iḅiọkụ yela wararị ye mẹ: mịnẹ Kịrayịsị wamịna asi gotẹ fịịm, Fịafịa Ḍiri mẹ ḅio anị kẹẹ koro ḅara ḅụ;

2 Kọrịntị 8:6

Mie ḅụ, wa ḍuko kụrọma Tayịtọsị, mị ḅẹlẹma karakara kọrịnama mẹ saakị ḅọ ḅe pịrịm, mịnẹ ọ̀ ḅara sin ma tẹ ḅarasụa ọ́ pịrị tẹ ọ́ kọrị fama.

Ẹfisọsị 3:13

Ọkọẹrẹsị, sisi àrị ọ́ tẹkẹm, àrị ó gotẹ ẹrịarị tọrụsiẹrị mẹ ọmịna ḅioḅẹngbọ lọkọma ma; anịmgba ọmịna iḅi.

Ẹfisọsị 5:20

Wa Nyanaḅọ Jizọsị Kịrayịsị ẹrẹ ḅụ, sakị mamgba ọ́ ḅẹẹye-ḅẹẹye gotẹ ịmịẹtẹ kẹ Tamụnọ Ḍaḅọ ḅe ḅẹẹ.

Ẹfisọsị 6:18

Ọ́ tẹkẹ ḅụ mie mẹmgba mịẹ, Tamụnọ ḅara ḅụ ḅarasụa ḅii ḅụ. Paka ye, paka ye sọ, ọ́ tẹkẹẹ, Tẹmẹ ḅe ọ́ kẹ tọrọkọ sụn-arị ḅara ḅụ. Miemẹ ẹrẹsị, ọmịnị ẹbị, ịnyọ pịkị ọ́ ta ma; sakị mamgba ọ́ tẹkẹ Tamụnọ atomi mamgba pịrịị.

Filipayị 1:3

Àrị ọ́ kẹ ḅiokoroma sakị goyegoye àrị ó gotẹ ịmịẹtẹ kẹ ị̀ Tamụnọ ḅẹẹarị;

Filipayị 4:6

Ó gberie-sọ gotẹ ḅụụ-ḅalaḅala ma, kụma ọmịna tẹkẹ mamgba ḅụ, ọ́ Tamụnọ ḅara ọmịna ḅụụ-fụkamarị aị ma ḅii, tẹ sakị mamgba ịmịẹtẹ ḅẹẹarị ḅioḅẹngbọ kẹ ḅii.

1 Tẹsalonịka 3:12

Yee KỊNỊNYANAḄỌ ḅe mịẹtẹ ọ́ nyana jụmọ-jụmọ pịrị ḅẹlẹma na, tomi mamgba pịrị ḅẹlẹma na ḍụḅa tọrọkọ-tọrọkọ mu, tẹ ḍụḅa ḅo wa nyana ọ́ pịrị ḅẹlẹma na gbasị.

2 Tẹsalonịka 1:3

Wamịna amịnapụ, sakị mamgba wa ó gotẹ ịmịẹtẹ kẹ Tamụnọ ḅẹẹ nyanam. Wa ọkọ mịẹ mẹ kuram, kẹ gotẹ ọkọ ḍukoarị, ọmịna minini mẹ ḍụḅa tọrọkọ-tọrọkọ muarị, anịsakị ọ́ nyana jụmọ-jụmọ pịrị ḅẹlẹma mẹ pịkị kụrọ tarị ḅara nẹngị tẹ.

1 Timoti 2:4

anie ḅiiarị ḅẹḅọ-ḅẹḅọ ḅọrọma tẹ karakara mẹ nimi ḅẹẹ ḅọ ḅe.

1 Timoti 5:5

Gbọrụḅọ-sọ nyana-a diḅọ-fịtẹ-ẹrẹḅọ ma, á ḅarasụa-pịrịḅọ nyana-a ḅara ḅụ, árị á ḅiokpọ mẹmgba kẹ Tamụnọ ọgọnọ gbana tẹ, ọ̀ tẹkẹ tẹ ọ̀ ḅarasụa ḅiiarị ḍin na eneḅaka na ḅụ.

2 Timoti 2:24

KỊNỊNYANAḄỌ ḅe fịrịmẹnjịḅọ mẹ mḅọ kamụ-sọ-sọ-a. Mḅọ iḅi ḅara kẹ kịnị mamgba na mịẹ, iḅi tẹ pịkị ye-inemarị ye-tolumaḅọ sọ,

Tayịtọsị 2:11

Kẹ gotẹ ọkọ ḍukoarị, Tamụnọ ọ̀ kẹ tomi mamgba ḅọrọma ḅẹ ḍiki-ḅụụjịrị mịẹfinji tẹ.

Tayịtọsị 3:2

Ḍuko ịn pịrị ịn gbọrụḅọ ḅụ sọ siye ḍuko ma, kụma dein na ikia na ḅara simee, tẹ sakị mamgba gbene ḍumo kẹ ḅẹḅọ-ḅẹḅọ na anga.

Hiburu 6:11

Wa ḅii lamarị ye anie, ọmịna ḅụ ọrụḅọ-ọrụḅọ mḅọ nyana ḅio-sẹsẹ mẹ ọlọ mu kunoma la, mịẹtẹ ọ́ kẹ ḅiokpọma wararị aị ma ḅo ọmịna ḅara la ḅarị ḅara.

Jemụsị 5:16

Anị ḅara ḅụ, ó si-go jụmọ-jụmọ pịrịị, tẹ pịkị tẹkẹ jụmọ-jụmọ pịrịị, mịẹtẹ ọ́ gwọ ḅarị ḅara. Karakaraye-mịẹḅọ kọn-arị tẹkẹ mẹ kụrọ nyana wararị, anị ḅii ye mịẹ ḅụ.