1 Timoti 1:3 - FỊAFỊA BAỊBỤLỤ

³ À ḅiiarị ị́ Ẹfisọsị ḅụ sime, anie à so Masidoniya muarị saakị à ḍuko kụrọma ị́ pịrị ḅara mẹ. Anịanga ja atomi emi tẹ iruo aị tolumarị, tẹ í in kiki ḅẹ ḅara.

1 Timoti 1:3 Iomraidhean Croise

Fịrịmẹnjịapụ 18:19

Tẹ in mu Ẹfisọsị la tẹso, Pọlụ nwẹnị Pirisila na Akịwila na koroma so. Ò mu ama-warị mẹ ḅio ḅẹ Juu-ḅẹ-apụ ma na ḅịḅị-ọkịyam.

Fịrịmẹnjịapụ 18:21

Anie nakara ò soarị sakị ori ịn ḅẹẹm, “Anị Tamụnọ ḅụụ-ḅẹlẹm ḅẹḅẹ, à pịkịma ọ́ ḍọkụma-ḅo ḅa.” Mie ḅụ ọ̀ nwẹnị Ẹfisọsị ḅụ arụ ḅụkụlọ tẹ so.

Romu 15:26

Gbala Masidoniya na Akaya na ḅẹ asọsị ma tọn-pẹlẹ tẹ mịnẹ ịn ḅara foofoma ḅara kẹ ye pịrị tẹ kẹ ḅarasụa Jeruselemu ḅụ simarị Tamụnọ atomi ma ḅụ igoin-apụ ma pịrị ḅa.

Romu 16:17

Ị̀ amịnapụ, arị ọ́ tẹkẹm ó tomi kẹ ogbo-ogbo puu tẹ tomina minini pịkị iḅoarị apụ na, ọ́ tarị ḍawọ aị ma na tụḅụrụ wararị aị tolumarị apụ na ẹbị lamaa. Ọmịnị ịna ḅụ ḅụụ ḅelemaa!

2 Kọrịntị 11:4

Kẹ gotẹ ọkọ ḍukoarị, ó ḅioḅẹlẹ ḅara kẹ wẹrịso ḅẹḅọ-ḅẹḅọ pịrị tẹ mḅọ kịrị Jizọsị ḍuko ọ́ pịrịarị, wa ḍuko ọ́ pịrị tẹ ḅọ ḅe-a; mịọkụ ọ́ daa-ọkịarị tẹmẹ ḅe na iḅi-oku mẹ na tarị wa ḍuko ọ́ pịrị iḅi-oku mẹ na Tẹmẹ ḅe na ḅụ gbọrsịḅị kịrị ḅele fa wararị.

Ẹfisọsị 4:14

Anịsakị wa ḅarị ḍọkọḍọkọ kala awọmẹ kịka tẹ tomi ḅịḅị finji tẹ ḍuko ye ḍuko ye, ọnụngọ na fẹrụ na sọ tẹ wa kẹ gbin ama-ḅara na ere-ḅara na da ḅịa, anie oḅori kẹ kịnị sịn ye tolumapụ, tẹ ịna aka na epele na ḅụ ja apụ da irimarị apụ ma kuroma ḅoarị aị ma.

Filipayị 2:24

Tẹ à KỊNỊNYANAḄỌ ḅe ḅụ ḅiokpọ wararị ḅara ḅụ, yẹrị sọ inetẹ ala-a sakị ḅụ ḅo ọ́ la ḅa.

1 Timoti 4:11

Mịna ịn mịẹ ḅẹ aị ma ḍuko ịn pịrị tẹ pịkị mịna aị ma kẹ in tolumaa.

1 Timoti 4:6

Ị́ ma ịn mịẹ ḅẹ aị ma ḍuko mịnapụ ma pịrị kụma, ị́ Kịrayịsị Jizọsị iḅi fịrịmẹnjịḅọ sọ ḅa, anie ḅioju nwẹnị minini ẹkwẹn ma na, í ḍukamẹnjịarị karakara tolumaye mẹ na kẹ tẹmẹ fịye sọma fị-fị.

1 Timoti 5:7

Ma ịn mịẹ ḅẹ aị ma ḍuko ịn pịrị, mịẹtẹ gbọrụḅọ-sọ ḅarị ịna ḅụ mịẹkọn ḍọkị ḅịa ḅara.

1 Timoti 6:10

Kẹ gotẹ ọkọ ḍukoarị, igbigi ḅẹlẹma ḅụ mie kịrị-kịrị asi paka-ḅoarị. Ja apụ anị nyana ḅẹ ḅio-sẹsẹ nyana nwenii tẹ mininiye mẹ ḅụ etela-iri fa so tẹ, tẹ tọnwa akururu pịkị ịna aḅioḅẹngbọ kan sara tẹ.

1 Timoti 6:17

Tọn mị ḍumo mẹ ḅẹ ngọ-kọn apụ pịrị, ini anị kẹ kịnị aḅịḅị dama, kụma ini ịna ḅiokpọ kẹ Tamụnọ ọgọnọ gbana, tomikiri ḅẹ ngọ tẹ tomḅọ ḅaa ḅụ anị sime ḅẹ ḅara nimi-a ye mẹ ọgọnọ-a. Kụma ori Tamụnọ ḅe mie kịẹn-a ḅara kẹ ye goyegoye kẹ wa pịrị tẹ wa anị ḅẹ tọrụ-ḅẹlẹ nyanarị.

1 Timoti 6:3

Ḅẹḅọ-ḅẹḅọ, tẹ jen kịrị ye tolumarị ḅọ, tẹ wa Nyanaḅọ Jizọsị karakara ẹkwẹn ma na wamịna Tamụnọ nimi ḅara mẹ tẹ wa tolumarị ye mẹ na kura-aye tolumarị ḅọ,

2 Timoti 1:18

Yee KỊNỊNYANAḄỌ ḅe ori ọkụrụkụrụ kẹ ọ̀ pịrị anị ene mẹ ḅụ! Anịsakị Ẹfisọsị ḅụ ọ̀ mịẹ ị̀ pịrị ye ḍụḅa la ḅara í nimim.

2 Jọnị 1:7

Oḅori-kẹ-kịnịsịn-arị tọnwa-apụ paka anga, anga mu tẹ, bebe tomikiri mẹ ḅụ; arị atomi ma anie Jizọsị Kịrayịsị ḅo tomḅọ sọm mẹ pikiarị apụ. Ọkọ sime tomḅọ mẹ anie oḅori kẹ kịnị sịn ḅọ, pịkị Kịrayịsị-na-tụḅụrụḅọ.

Mịẹfinji 2:14

Kụma à ḍuko ị́ ọgọnọ gbana ḅẹ boowa kala aị emi: ị́ ogboku simearị ja apụ Balamụ tolumaye mẹ ḍukamẹnjịarị, anie Balakị toluma tẹ ori Izirẹlịapụ ma da irima tẹ ini ịn kẹ oru pịrị tẹ fịye fị tẹ, pịkị sẹfị ma-ḅọrọ ḅọ ḅe.

Mịẹfinji 2:20

Kụma à kẹ ị́ ọgọnọ gbanarị ye anie, ị́ anị amịna ḅụụ kẹ Tamụnọ ọkị-ḅo ḅọ sịn-arị, Jezibẹlị nwẹn-sịn ẹrẹḅọ ma wẹrịso tẹ árị á ḅụụ ḅẹlẹ ye, ḅẹlẹ ye mịẹarị. Á tolumarị ye ḅụ árị ị̀ afịrịmẹnjịapụ ma da irima mu sẹfị amịẹaị ḅụ suuarị, pịkị ịn kẹ oru gbin tẹ fịye fị ḅụ na.