1 Timoti 1:2 - FỊAFỊA BAỊBỤLỤ

² Mị ḍiri mẹ kẹẹ tẹ kẹ Timoti, mininiye mẹ ḅụ ị̀ karakara tụḅọ ḅe fịrịmarị. Yee Tamụnọ Ḍaḅọ ḅe na Kịrayịsị Jizọsị wa Nyanaḅọ ḅe na, ḍiki-ḅụụjịrị na ọkụrụkụrụ na dein na kẹ ị́ pịrị.

1 Timoti 1:2 Iomraidhean Croise

Romu 1:7

Ọkọẹrẹsị à mị ḍiri mẹ kẹẹ tẹ kẹ ọmịnị Romu ḅụ, Tamụnọ ḅẹlẹmarị tẹ, sịn tẹ mịnẹ ó ḅo ori atomi sọ ḅẹ apụ mamgba fịrịmarị. Yee Tamụnọ, wamịna Ḍaḅọ ḅe na Wanyanaḅọ Jizọsị Kịrayịsị na ḍiki-ḅụụjịrị na dein na sime ọ́ pịrị.

Galesiya 1:3

Yee Tamụnọ, wamịna Ḍaḅọ ḅe na, KỊNỊNYANAḄỌ Jizọsị Kịrayịsị ḅe na, ḍiki-ḅụụjịrị na, dein na, kẹ ọ́ pịrị.

1 Tẹsalonịka 3:2

simearị ogbo, Timoti, wamịna mịnaḅọ tẹ wamịnị na Kịrayịsị gboloma Iḅi Oku ḍuko kọrịnama mẹ kọrị Tamụnọ pịrịarị ḅọ ḅe kẹ ọ́ fịrịmam. Wa ọ̀ fịrịmam ò ḅo ịwọ ịnyọ kẹ ọmịna ḅụụ suu, tẹ ḅarasụa ọ́ pịrị ọmịna minini ḅụ,

1 Timoti 1:12

Àrị ịmịẹtẹ kẹ Kịrayịsị Jizọsị wa Nyanaḅọ ḅe ḅẹẹm, anie ịnyọ kẹ ị̀ pịrị tẹ à kẹ ị̀ kọrịnama-kọrịarịḅọ ḅe. Àrị ịmịẹtẹ kẹ ọ̀ ḅẹẹm, ori ị̀ kẹ ḅiokoromam mịnẹ àrị ọ̀ fịrị mẹnjị na-iḅim, tẹ ị̀ tọn ye mẹ gotẹ,

1 Timoti 1:18

Ị̀ tụḅọ Timoti, à mị oloko mẹ kẹ ị́ ḅara sụarị, anie ịkịankoro ẹkwẹn ma tẹ ḅọrọtẹ sakị ḅụ ḍuko tẹ aị ma na kura wararị ye mẹ, í gboloma ye ḅụ. Arị ẹkwẹn ma ọkị tẹ kẹ owuna-aị sọma ị́ ḅụụ pịrịị, mịẹtẹ ị́ iḅiọkụ owu sọ ḅẹ ḅara,

1 Timoti 6:20

Timoti, ịn kẹ ị́ ḅarasụa wararị ye mẹ wẹrị kpaịnmaa. Ofori-ofori ẹkwẹn na oḅori ye anụnụa, tẹ ja atomi kura-a ḅara kẹ “Nimi” sịn-arị ye mẹ ḍiki ḅụụ kịẹn.

2 Timoti 1:2

Timoti, ì iḅi tụḅọ ḅe, pịrị yee: Yee Tamụnọ Ḍaḅọ ḅe na Kịrayịsị Jizọsị wa Nyanaḅọ ḅe na, ḍiki-ḅụụjịrị na, ọkụrụkụrụ na, dein na kẹ ị́ pịrị.

2 Timoti 2:1

Ị́yẹrị kịngẹ kụma, ị̀ tụḅọ, wa Kịrayịsị Jizọsị na gbọrụ ḅụ emi ye ḅụ ḅo wa laarị ḍiki-ḅụụjịrị mẹ ḅụ kụrọ-sịẹ simee.

Tayịtọsị 1:4

À mị ḍiri mẹ kẹẹ Tayịtọsị, wa nyana gboloma wararị mininiye mẹ ḅụ ì iḅi tụḅọ ḅe fịrịmarị. Yee Tamụnọ Ḍaḅọ ḅe na, Kịrayịsị Jizọsị wamịna Ḅọrọmaḅọ ḅe na, ḍiki-ḅụụjịrị na dein na kẹ ị́ pịrị.

Tayịtọsị 2:2

Omongi owiapụ ma toluma tẹ ịn tọrụ dein tẹ sịḅịḅio kuḅu ḅara sime, tẹ ịna ḅụụ ọlọ; ịn karakara minini na, ḅẹlẹma na ye-inema alama na nyana-a.

Tayịtọsị 3:15

Ị̀ na mị anga emi apụ mamgba í ḅiim. Ḅii-ḅịḅị kẹ mininiye mẹ ḅụ wamịna ikiapụ ma pịrịị. Tamụnọ ḍiki-ḅụụjịrị ọmịnị-mgba na simee.

1 Pita 1:2

Tamụnọ Ḍaḅọ ḅe wẹrịtẹ ye tọn ḅara ḅụ ori ọ́ sẹlẹ-ọkị tẹ ọ́ kẹ fịafịa atomi mịẹm, ọ̀ Tẹmẹ ḅe ḅụ, tẹ ó Jizọsị Kịrayịsị ḅịḅị poki tẹ ori ọmbie mẹ ọmịnị asana fịafịama ḅẹ ḅara. Yee ḍiki-ḅụụjịrị na, dein na, ḅintẹ ḅara kẹ ọmịna nye sọ.

2 Jọnị 1:3

Yee Tamụnọ Ḍaḅọ ḅe na, Jizọsị Kịrayịsị, Ḍaḅọ ḅe Tụḅọ ḅe na, ḍiki-ḅụụjịrị na, ọkụrụkụrụ na, dein na kẹ wa pịrị; karakara na ḅẹlẹma na ḅụ.

3 Jọnị 1:4

Ì ḅioḅẹlẹma, Kịrayịsị ḅụ ị̀ awọmẹ ma, karakara mẹ ḅụ angarị ye mẹ nẹngị ye ofori.

Judu 1:2

Yee Tamụnọ ọkụrụkụrụ na, dein na, ḅẹlẹma na kẹ ọ́ pịrị, ḅintẹ ḅara ḅụ.