1 Timoti 1:1 - FỊAFỊA BAỊBỤLỤ

¹ Pọlụ, Kịrayịsị Jizọsị fịrịmẹnjịḅọ ḅe, Tamụnọ wamịna Ḅọrọmaḅọ ḅe na Kịrayịsị Jizọsị wamịna ḅiokpọ ḅe na tọn ḅara ḅụ:

1 Timoti 1:1 Iomraidhean Croise

Devidi-Anume 106:21

Ini ịn ḅọrọma Tamụnọ ḅe kẹ ḅioḅọrọmam, kụrọ akọrịnama kẹ Ijiputi ḅụ ịn ḅọrọma ḅọ ḅe.

Ayịzaya 12:2

Tamụnọ anie ị̀ ḅọrọmaḅọọ; arị ọ̀ kẹ ḅiokpọma tẹ ḅalafaa ḅịa. KỊNỊNYANAḄỌ ḅe kụrọ na ịnyọ na kẹ ị̀ pịrịarị; Ori ị̀ ḅọrọmaḅọọ.

Ayịzaya 43:11

“Yẹrị kịngẹ anie KỊNỊNYANAḄỌ ḅee, kpọkpọ gbọrụḅọ ḅe tẹ inetẹ ọ́ ḅọrọma ḅẹ ḅọ ḅee.

Ayịzaya 43:3

Kẹ gotẹ ọkọ ḍukoarị, yẹrị anie KỊNỊNYANAḄỌ ị́ Tamụnọ ḅe. Izirẹlị tẹkẹarị Fịafịa Ḅọ ḅe, ị́ ḅọrọmarị ḅọ ḅe. Arị Ijiputi ḅụ ḅara-siin tẹ ị́ ḅọrọma ḅa; à Sudanị na Sẹba na ḅụ ḅara-siin ḅa.

Ayịzaya 45:15

Izirẹlịapụ tẹkẹarị Tamụnọ ḅe tẹ amịna atomi ḅọrọmarị ḅọ ḅe, anie amịna ḅụụ kikimarị Tamụnọọ.

Ayịzaya 45:21

Ó ḅo ọmịna ḅịḅị ḍuko ḅẹrẹ-siri ḅụ; yee ḅẹrẹ pakịrịarị apụ ma jụmọ-jụmọ na ḅẹrẹ-ḅiya. Iḅere-iḅerea kụra ḅio ḅụ paka ḅẹ ye ḍuko ḅọ tụḅọ? Yẹrị-yaa, KỊNỊNYANAḄỌ ḅe, amịna atomi ḅọrọmarị Tamụnọ ḅe? Jen tamụnọ ofori.

Ayịzaya 49:26

À mịẹ tẹ í ponomarị apụ ma jụmọ-jụmọ ḅaa ḅa; kịnị-ḅa na owi ịganị na iru tọrụ-ḅaaḅaa ḅara kẹ ịna tọrụ ḅaa ḅa. Anịtẹso tomi mamgba nimi ḅa mịnẹ yẹrị anie KỊNỊNYANAḄỌ ḅe, ị́ ḅọrọma tẹ ị́ kẹ ị́ sịḅị ḅẹ tomḅọ mịẹarị ḅọ ḅe. In nimi ḅa mịnẹ yẹrị anie Izirẹlị kụrọtẹ Tamụnọ.

Ayịzaya 60:16

Sịẹ-sịẹ na amadapụ na í ḍikiḍiki ḅa Gbala iyingiḅọ amịna tụḅọ ḍikiḍikiarị ye ọkụ. Í nimi ḅa mịnẹ yẹrị KỊNỊNYANAḄỌ ḅe ị́ ḅọrọma tẹ, Mịnẹ Izirẹlị opu kụrọ Tamụnọ ḅe omoni ḅara ḅio ị́ pakama-ḅo tẹ.

Ayịzaya 63:8

KỊNỊNYANAḄỌ ḅe ḅẹẹm, “Ini ma ị̀ atomii; ini oḅori kẹ ị̀ sịn ḅịa.” Tẹ mie ḅụ ori ịn ḅọrọmam,

Hosiya 13:4

KỊNỊNYANAḄỌ ḅe ḅẹẹarị, “Yẹrị anie KỊNỊNYANAḄỌ ọmịna Tamụnọ ḅe, anie Ijiputi ḅụ ọmịna tọrọkọ-sụn tẹ ọ́ pakama-ḅo ḅọ ḅe. Ì sikima ó jen Tamụnọ nyana-a. Yẹrị kịngẹ anie ọmịna ḅọrọmaḅọọ.

Luku 1:47

ì tẹmẹ ḅioḅẹlẹarị Tamụnọ ị̀ Ḅọrọmaḅọ ḅe gotẹ,

Luku 2:11

Mị gbọrụ ene mẹ ḅụ, Devidi ama ḅụ, ọ́ mịna Ḅọrọmaḅọ iyi tẹ — Kịrayịsị KỊNỊNYANAḄỌ ḅe!

Fịrịmẹnjịapụ 9:15

KỊNỊNYANAḄỌ ḅe nwẹnị ọ̀ ḅẹẹ, “Muu, gbala yẹrị ọ̀ sẹlẹ ọkị tẹ mịnẹ ori ị̀ fịrịmẹnjịḅọ sọọ, tẹ mịẹtẹ Ja asịẹ ḅẹ apụ na, ịna amadapụ na, Izirẹlịapụ na ị̀ ẹrẹ naa tẹ ì nimi ḅẹ ḅara.

Romu 1:1

Pọlụ, Kịrayịsị Jizọsị fịrịmẹnjịḅọ ḅe, anie Tamụnọ sẹlẹ-ọkịm mịnẹ ori Iḅi-Oku mẹ ḍuko wasama ḅẹ ḅọ ḅe, mie mị ḍiri mẹ kẹẹ tẹ kẹ ọ́ fịrịma ye.

1 Kọrịntị 1:1

Yẹrị Pọlụ, Tamụnọ ḅụụ-ḅẹlẹ tẹ tọnm Kịrayịsị Jizọsị fịrịmẹnjịḅọ sọọ ḅẹẹ ḅọ ḅe na, wamịna mịnaḅọ Sosịtinisi na:

1 Kọrịntị 9:17

À nwẹnị ì ḅiotọn kọrịnama kọrịarị ḅẹ kụma, à gbẹẹ-ye nyana ḅa; kụma kọrị ị̀ gbarị ḅịa kọrịnama ḅara mie à kẹ anị kọrịarị; kẹ gotẹ ọkọ ḍukoarị, Tamụnọ mị fịrị mẹ saakị ị̀ pịrịm à mẹnjịị.

2 Kọrịntị 1:1

Yẹrị Pọlụ, Tamụnọ minini ḅara ḅụ, Kịrayịsị Jizọsị fịrịmẹnjịḅọ ḅe, na Timoti wamịna iyimbere ḅe na: Mị ḍiri mẹ kẹẹ tẹ kẹ Tamụnọ sọsị mẹ, tẹ Kọrịntị ḅụ simearị ye mẹ na, bebe Akaya ḅụ simearị Tamụnọ atomi mamgba na fịrịmarị:

Galesiya 1:1

Yẹrị Pọlụ, Jizọsị Kịrayịsị na Tamụnọ Ḍaḅọ ḅe tẹ fị ḅụ ọ̀ saakịma ḅọ ḅe na ḅarana sịn tẹ kẹ fịrịmẹnjịḅọ mịẹ ḅọ ḅe, tomina sịn-ḅịḅị ḅụ-a, pịkị tomi mịẹ ye ḅụ-a, mie mị ḍiri mẹ kẹẹ tẹ kẹ ọ́ fịrịmarị.

Galesiya 1:11

Ị̀ amịnapụ, yee à ḍuko ọ́ pịrị, mịnẹ à ḍukoarị iḅi-oku mẹ tomina ḅara ḅo-a.

Kọlọsị 1:27

Tamụnọ tọn ḅara anie, ọ̀ mịẹtẹ ori atomi ma ọ̀ tọn wẹrịtẹ kikima sime ye mẹ nimi, anie ọ̀ kẹ tomi mamgba pịrị ḅẹ tẹ kikima wararị ngọ mẹ na ebube na. Tẹ kikima wararị ye mẹ anie, Kịrayịsị ọmịna ḅụụ ḅio emi, anie fiearị ọmịnị sọ, sọ tẹ Tamụnọ ebube mẹ nyana ḅa.

2 Tẹsalonịka 2:16

Yee wa Nyanaḅọ Jizọsị Kịrayịsị ḅioju, na Tamụnọ wamịna Ḍaḅọ, wa ḅẹlẹma tẹ amịna ḍiki-ḅụụjịrị ḅụ gbarị-a ḅiokpọ na ḅiokpọmaye na kẹ wa pịrịarị ḅọ ḅe,

1 Timoti 1:12

Àrị ịmịẹtẹ kẹ Kịrayịsị Jizọsị wa Nyanaḅọ ḅe ḅẹẹm, anie ịnyọ kẹ ị̀ pịrị tẹ à kẹ ị̀ kọrịnama-kọrịarịḅọ ḅe. Àrị ịmịẹtẹ kẹ ọ̀ ḅẹẹm, ori ị̀ kẹ ḅiokoromam mịnẹ àrị ọ̀ fịrị mẹnjị na-iḅim, tẹ ị̀ tọn ye mẹ gotẹ,

1 Timoti 2:3

Miemẹ iḅim, tẹ anị pịkị Tamụnọ, wamịna Ḅọrọmaḅọ ḅe ḅụụ ḅẹlẹarị,

1 Timoti 2:7

tẹ anie mie in gotẹ ị̀ fịrịma ye, Ja asịẹ ḅẹ apụ ma fịrịmẹnjịḅọ na ye-tolumaḅọ na ḅara ḅụ, à mu minini na karakara na oku mẹ ḍuko wasama. Àrị iruo ye ḍuko-a; karakara mẹ mie à ḍukoarị!

1 Timoti 4:10

Wa ḍumo wararị Tamụnọ ḅe, inweni-mgba Ḅọrọmaḅọ ḅe, jen-a jen-a, ini ma tẹ minini apụ ma, kẹ ḅiokpọma wararị ẹrẹsị, wa ḅụụ-kọsị tẹ kụrọma kọrịnama kọrịarị.

Tayịtọsị 1:3

tẹ anị ḅẹ karakara sakị ḅụ ọ̀ nwẹnị anị mịẹfinji ori oku mẹ ḅio. Miemẹ Tamụnọ kẹ ị̀ ḅara sụam, tẹ ori Tamụnọ, wamịna Ḅọrọmaḅọ ḅe, tọn ḅara ḅụ àrị anị ḍuko wasamarị.

Tayịtọsị 2:10

pịkị ịna aị furu ma. Anie nakara, sakị mamgba ịn mịẹtẹ ini ẹrị mịnẹ ini iḅi atomi, pịkị ḅioḅẹngbọ kẹ ḅụụ ḅụ gbana na-iḅi apụ, mịẹtẹ ịn mịẹarị ye, mịẹarị ye ḅụ tomi Tamụnọ, wamịna Ḅọrọmaḅọ ḅe gbolomaye tẹ wa tolumarị ye mẹ tokini ḅarị ḅara.

Tayịtọsị 2:13

anie wa sime tẹ wa kẹ ḅiokpọmarị bomatẹ Ene mẹ koruarị sakị mẹ, tẹ wamịna opu Tamụnọ ḅe na wamịna Ḅọrọmaḅọ Jizọsị Kịrayịsị ḅe na ebube mẹ tolu paka ḅarị sakị mẹ.

Tayịtọsị 3:4

Kụma wamịna Tamụnọ wamịna Ḅọrọmaḅọ ḅe ori iḅi-yemịẹ-ḅara na, ḅẹlẹma na mịẹfinji tẹso,

Tayịtọsị 3:6

Tamụnọ, wamịna Ḅọrọmaḅọ Jizọsị Kịrayịsị ḅe ḅụ ḅọrọ tẹ ḅaka ḅara kẹ ọ̀ Fịafịa Tẹmẹ ḅe ọsụma wamịna ọgọnọ saram,

1 Pita 1:21

Ọ̀ ḅụụ mie ọ́ ḅọrọ tẹ Tamụnọ minini ye, anie fịị ḅụ ọ̀ saakịma tẹ ebube kẹ ọ̀ pịrị ḅọ ḅe; anie ḅụ, ọmịna minini na ḅiokpọ na Tamụnọ ḅụ sọ ḍiḅi wararị.

1 Pita 1:3

Ó yee wa ịmịẹtẹ kẹ Tamụnọ pịkị wa Nyanaḅọ Jizọsị Kịrayịsị Ḍa ḅe ḅẹẹ! Ori opu ọkụrụkụrụ mẹ ẹrẹsị ori ịwọ ḍumo kẹ wa pịrịm, fịị ḅụ Jizọsị Kịrayịsị saakịma ḅụ. Miemẹ ḍumo wararị ḅiokpọmaye kẹ wamịna ḅụụ ḅio ḅinmam,

2 Pita 1:1

Sayịmọnị Pita, Jizọsị Kịrayịsị omoniḅọ, pịkị ọ̀ fịrịmẹnjịḅọ ḅe ḅara ḅo ḍiri ịn kẹ: Inima tẹ wamịna Tamụnọ pịkị wa Ḅọrọmaḅọ Jizọsị Kịrayịsị karakara mịẹ ḅụ ḅọrọ tẹ wa nyana yelatẹ minini ye mẹ nyana wararị apụ ma pịrị ḍiri mẹ:

1 Jọnị 4:14

Tẹ wa ḅarana tọrụngbọ kẹ ẹrị tẹ ḍuko ja apụ pịrịarị, mịnẹ Ḍaḅọ ḅe ọ̀ Tụḅọ ḅe kẹ fịrịma tẹ ó ḅo tomikiri ḅẹ atomi Ḅọrọmaḅọ sọm.

Judu 1:25

ori ngẹrị Tamụnọ ḅe, wamịna Ḅọrọmaḅọ ḅe, wa Nyanaḅọ Jizọsị Kịrayịsị ḅụ, ebube, ḅaka, opu, ḅẹrẹtọn-kụrọ na sime ọ̀ pịrịm, ḅọrọtẹ aḅụọ mamgba ḅụ, pịkị mịọkụ sọ, mu ḅẹẹ-sakị ḅẹẹ-sakị la! Amẹnị.