1 Samụẹlị 8:4 - FỊAFỊA BAỊBỤLỤ

⁴ Anịtẹso Izirẹlị ḅẹ omongiapụ mamgba nwẹnị ḅo kobiri gboloma tẹ Rama ḅụ Samụwẹlị dama-ḅo,

1 Samụẹlị 8:4 Iomraidhean Croise

2 Samụẹlị 3:17

Abụna nwẹnị Izirẹlị ḅẹ omongiapụ ma na ḅịḅị-ọkịya, tẹ ḅẹẹm, “Sakị kẹlẹ ḅọrọtẹ sakị ḅụ, ọmịnị ama-da ọ́ pịrị ḅẹ ḅara ḅụ Devidi ḍọkị simem.”

2 Samụẹlị 5:3

Anieḅụ Izirẹlị ḅẹ omongiapụ mamgba Hẹbụrọnị ḅụ amadaḅọ ḅe ḍọkụma-ḅom; tẹ Amadaḅọ Devidi, Hẹbụrọnị ḅụ KỊNỊNYANAḄỌ ḅe tọrọkọ ini na ọḅọkụ fịm, tẹ ịn nwẹnị pulo kẹ Devidi sịḅị sara, tẹ ọ̀ kẹ amadaḅọ mịẹ Izirẹlị pịrị.

Paka-so 24:1

KỊNỊNYANAḄỌ ḅe nwẹnị Mozizi ḅẹẹ, “Ị́yẹrị na, Erọnị na, Nadabụ na, Abihu na, Izirẹlị ḅẹ omongiapụ ma ḅẹ kịnị atesi oyi finji na iwo ị̀ ḍọkụma-ḅo tẹ ala-jụ sime tẹ sunsin.

Paka-so 3:16

Mu tẹ Izirẹlị ḅẹ omongiapụ mamgba kobiri ḅo gboloma, tẹ ịn ḅẹẹ, ‘KỊNỊNYANAḄỌ ḅe, ọmịna atẹngịapụ ma sịḅị-tuu pịrị Tamụnọ ḅe, anie Ebira-amụ na Ayịzịkị na pịkị Jekọbụ na sịḅị-tuu pịrị Tamụnọ ḅe amịna ḅụụ pakama ì ḍie tẹẹ,’ ḅẹẹarị, ‘àrị ọmịnị na, Ijiputi ḅụ ịn kẹ ọ́ mịẹ tẹ aị ma na kẹ elekima sụa tẹ.

1 Samụẹlị 1:19

Dede-funfun ḅụ ịn saakịm, tẹ KỊNỊNYANAḄỌ ḅe tọrọkọ sunsinm; anịtẹso ịn pịkịma-so Rama ḅụ ịna warị mum. Tẹ Ẹlịkena ọ̀ ta Ana na nimiam, tẹ KỊNỊNYANAḄỌ ḅe á kẹ ḅiokoromam;

1 Samụẹlị 11:3

Jabẹsị ḅẹ omongiapụ ma nwẹnị ọ̀ ḅẹẹ, “Sọnọma aḍin ḅọrọma wa pịrị mịẹtẹ wa oku kẹ Izirẹlị ḅẹ ye-yọ mẹmgba fịrịma ikelema-koro ḅarị ḅara. Wa ḅọrọma ḅẹ gbọrụḅọ-sọ ofori-ofori, anịrẹ wa wamịna-aḅụụ saakị ị́ pịrị ḅa.”

1 Samụẹlị 7:17

Anịtẹrẹmẹ ori ọḅụ pịkị-so Rama mu ḅa, gbala anịjụ mẹ anie ori ama ẹrẹsị, tẹ anịjụ mẹ ḅụ sọ ọ̀ karakara ḅẹrẹkọn Izirẹlị pịrịm. Tẹ ori anịjụ gbọrụ agbamịẹ-anga nama KỊNỊNYANAḄỌ ḅe pịrịm.

1 Samụẹlị 8:10

Anieḅụ Samụwẹlị KỊNỊNYANAḄỌ ḅe ẹkwẹn-aḅịḅị mamgba ḍuko tomi ma tẹ ọ̀ ḅara ḅụ amadaḅọ ḅiiarị apụ ma pịrịm.