1 Samụẹlị 8:3 - FỊAFỊA BAỊBỤLỤ

³ Anịsọ ori owiapụ-awọmẹ ma ori etela ma ḅụ mẹnjị-a, kụma tọrụ pịkị akaka-ḅio sọye fị ḍọkịm; ini ọḅụ-fịm, tẹ karakara ḅẹrẹ pịkị iḅom.

1 Samụẹlị 8:3 Iomraidhean Croise

2 Samụẹlị 15:4

Abusalọmụ nwẹnị pịkị kẹ sụa ḍuko ḅa, “yei, mimgbe yẹrị nwẹnị ama mẹ ḅẹ ḅẹrẹkọnḅọ namịna! Anịtẹrẹmẹ mie ogbo-ogbo, anịanịa mịẹ ḅẹ ye nyanaḅọ-nyanaḅọ ị̀ ḍọkụma-ḅo ḅarịye, anịsakị à karakara ḅẹrẹ kọn mḅọ pịrị ḅa.”

Devidi-Anume 15:5

Ò ye gbana-a ḅara kẹ igbigi kẹ kịnị ḅọlọarị tẹ kịnị inetẹ ọḅụ kẹ ọ̀ pịrị fị tẹ ò tomḅọ nimi-a ye ḍuko mḅọ sịḅị gbana ḅịa. Mịna aị mịẹarị ḅọ, mịẹarị ḅọ sakị mamgba mḅọ la-la ye ofori.

Devidi-Anume 26:10

si mịẹarị atomi ma sakị mamgba ịn tẹlẹma sime wararị ini ọḅụ-fị.

Paka-so 18:21

Anie sikima, owiapụ mamgba ḅụ, ịnyọ nyana tẹ Tamụnọ ḍiki-ḅalafarị owiapụ ḅara, owiapụ tẹ kịnị ḅioḅẹngbọ-kẹ-sịrẹrẹ-niḅi apụ, tẹ ọḅụ-fị ḍiki-ḅioḅuarị apụ sẹlẹẹ; tẹ ọkọ sime apụ kẹ ḅẹrẹtọn-apụ sọma kịnị maa ẹndẹ oyia asi finji-finji na; kịnị sọnọa si, sọnọa si na; kịnị amesi oyi finji-finji na; oyi apụ, oyi apụ na pịrịị.

Paka-so 23:6

“Igoinḅọ gboo ogbo ḅụ ḅẹrẹ pịkị iḅo ma.

Paka-so 23:8

Ọḅụjụ igbigi da fị ma, gbala ọḅụ-fị fịrịmẹnjị-opuapụ atọrụngbọ pụnma tẹ inima tẹ kuraye mịẹarị apụ ma etela mẹ simarị.”

Nimi Tolumaḅọ 2:19

anịsakị tụḅọ nimi, anị ḅọ mẹ ye-nimiḅọ, anịanịa ye-nimia-ḅọ sọ ḅarị ḅoto? Anịsọ, ori mie à tomikiri mẹ ḅụ tọrụsiẹrị, lịlị, tẹ ì ye-nimi ḅụ nyana ḅo ye mẹmgba ḅụ ḅẹrẹtọn ḅarị ye. Miemẹ sọ ḅintẹ ḅara kẹ anị fieye nimi-a ye.

Ayịzaya 1:23

Ọmịna sịḅịdapụ ma kọngọ kụrọmatẹ furuapụ ikiapụ sọ tẹẹ; sakị mamgba in ḍiepịrị-aị na ọḅụ-fịaị na daarị. Gbala-gbala ịn ḍapụ na iyingiapụ na fịtẹ awọmẹ ḍụa, ḍụa-a ḅẹrẹ-siri ḅio, anịanịa diapụ-fịtẹ-ereme poki ini ịna ḅịḅị ḍukoarị sakị.

Ayịzaya 33:15

Í inetẹ fịị-a tẹ paka-ḅo ḅa í kuraye ḍuko tẹ mịẹarị ḅẹḅẹ. Ị́ nyana kụrọ kẹ igoin-apụ ma inoma ma, pịkị ọḅụ fị ma. Kịnị ḅaa-ḅaa ḅẹ ḅẹrẹ ḅịyarị apụ ḅụ sọma, anịanịa ja si amịẹaị mịẹ ḅẹ ḅẹrẹ.

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Ditẹrọnọmị 16:19

Ọ́ karakara ḅẹrẹ pịkị iḅo ma; ọmịnị aḍụa ḅẹrẹ kọn ma; anịsakị ọmịnị ọḅụ fị ma, kẹ gotẹ ọkọ ḅẹẹarị, ọḅụ fị ye-nimiḅọ atọrụngbọ pụnmam, tẹ karakara tomḅọ ḅe etela da pengemam.

1 Timoti 3:3

mḅọ iru ḅuuḅọ anịanịa gbiri-gbiri-gbiri ḍumo kọn-arị ḅọ sọ ḅịa, kụma gbene tẹ dein tẹ ḍumo; mḅọ igbigi ḅẹlẹma ḅịa;

1 Timoti 6:10

Kẹ gotẹ ọkọ ḍukoarị, igbigi ḅẹlẹma ḅụ mie kịrị-kịrị asi paka-ḅoarị. Ja apụ anị nyana ḅẹ ḅio-sẹsẹ nyana nwenii tẹ mininiye mẹ ḅụ etela-iri fa so tẹ, tẹ tọnwa akururu pịkị ịna aḅioḅẹngbọ kan sara tẹ.

1 Samụẹlị 12:2

Anịsakị ḍikii, amadaḅọ ḅe mịọkụ ọmịna tọrọkọ simetẹ mẹnjịarị; yẹrị arị omongitẹ iḅulu ḅịya tẹẹ, anịsakị ḍikii, ì owiapụ-awọmẹ ọmịnị na emi; ị̀ kala-sakị ḅụ arị ọmịna tọrọkọ simetẹ mẹnjị nwenii ḅo mịmgba lam.

1 Samụẹlị 2:35

Tẹ à minini nyana gbọrụ agbamịẹḅọ saakị pakama-ḅo ị̀ ḅụụ pịrị ḅa, oriḅe tẹ ì ḅioḅẹngbọ na, ì kuroma na ḅụ ye wẹrịtẹ sime-ḅara kẹ ye mịẹ ḅarị ḅọ; tẹ à gbọrụ karakara warị nama ọ̀ pịrị ḅa, tẹ à pulo kẹ sịḅị ḅụ sara tẹ ḅọ ḅe tọrọkọ mẹnjị sọ na, paka na gbamaso ḅa.