1 Samụẹlị 7:9 - FỊAFỊA BAỊBỤLỤ

⁹ Anieḅụ Samụwẹlị ndo ndoarị gbọrụ anana tụḅọ ọkị tẹ anị kẹ bebe tẹ dọkịma-agba mịẹ kẹ KỊNỊNYANAḄỌ ḅe pịrịm; tẹ Samụwẹlị Izirẹlị gotẹ owu KỊNỊNYANAḄỌ ḅe pịrịm, tẹ KỊNỊNYANAḄỌ ḅe nwẹnị ọ̀ pakịrị.

1 Samụẹlị 7:9 Iomraidhean Croise

Devidi-Anume 50:15

Ḅụụ-fụka ḅo ọ́ la sakị ọmịnị ị̀ sịn; àrị ọ́ ḅọrọma tẹ ọmịnị ì tokini ḅa.”

Devidi-Anume 99:6

Mozizi na Erọnị na anie ori agbamịẹapụ, tẹ Samụwẹlị anie ọ̀ tẹkẹ, tẹkẹ ḅọ; ịn KỊNỊNYANAḄỌ ḅe sịn tẹ ori ịna ḅịḅị-ọkịyam.

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Lẹvitikọsị 22:27

“Owi-nambulo, anịanịa ejimina, anịanịa ekpe-oḅori iyi sakị ḅụ ọkị mu sọnọma aḍin anị nwẹn kẹ iyingiḅọ kuḅu sime ḅa; anịsakị nine aḍin karama ene ḅụ ọkị mu mie anị kẹ fịnị ḅụ agba mịẹ KỊNỊNYANAḄỌ pịrị ḅụ anị ọkị na-iḅi ye sọ ḅarịye.

Ditẹrọnọmị 9:26

Tẹ à nwẹnị KỊNỊNYANAḄỌ ḅe tẹkẹ: Yei KỊNỊNYANA-TAMỤNỌ, ị́ atomi tẹ ị́ kẹ ínye mịẹ tẹ apụ ma, inima tẹ ị́ í opu ḅụ pakịrị ọkị tẹ apụ ma, inima tẹ Ijiputi ḅụ ị́ kụrọ nyanatẹ opu ḅara kẹ ọkị-ḅo tẹ apụ ma ḅaa fama ma ị́ na.

Jemụsị 5:16

Anị ḅara ḅụ, ó si-go jụmọ-jụmọ pịrịị, tẹ pịkị tẹkẹ jụmọ-jụmọ pịrịị, mịẹtẹ ọ́ gwọ ḅarị ḅara. Karakaraye-mịẹḅọ kọn-arị tẹkẹ mẹ kụrọ nyana wararị, anị ḅii ye mịẹ ḅụ.

Ḅẹrẹkọn-apụ 6:26

Anịsakị mịanga kụrọ-tẹịn anga mẹ ḅẹ sịḅị ọgọnọ ḅụ ḍụḅarị kẹ ọrụtọn-tọn arị sime na-iḅi ḅara mẹ koroma tẹ kẹ gbọrụ agbamịẹ-anga nama kẹ KỊNỊNYANAḄỌ ị́ Tamụnọ ḅe pịrị; anịtẹrẹmẹ maaịn karama nambulo ḅe ọkị tẹ Asịra oru-fụḅara mẹ tẹ ị́ pẹlẹ-gbin ḅarịye mẹ kẹ fịnị apakịrị sọma tẹ anị kẹ dọkịma-agba mịẹ.”

Ḅẹrẹkọn-apụ 6:28

Ama mẹ ḅẹ owiapụ ma ḅaso ḅio saakị tẹso, ịn nwẹnị ḍọkị-ẹrị mịnẹ Balị ebeka mẹ kaan-sara wararị, anịsakị anị akaka sime Asịra oru-fụḅara mẹ pẹlẹ koro wararị, tẹ maaịn karama owi-nambulo ḅe ịn nwẹn kẹ agba mịẹ wararị agbamịẹ-anga mẹ tẹ nama tẹ ye mẹ ọgọnọ.

1 Samụẹlị 10:8

Anịsakị ị́ ị̀ tọrọkọ tarị ideri-so Giligalị mu ḅa; tẹ ḍikii, arị ị́ ḍọkụma-ḅo tọnwa dọkịma-agba na, tọnwa dein-pịrị-agba na mịẹ ḅẹ ḅoarị. Ị́ sọnọma aḍin kẹ koru nwenii à ḅo tẹ ị́ mịẹ ḅẹ ye kẹ í ḍie ḅa.”

1 Samụẹlị 12:17

Mịmgba anie ịn kẹ witi sịn mbịaka mẹ pẹlẹ ene mẹ anị-a? À KỊNỊNYANAḄỌ ḅe sịn ḅa mịẹtẹ ò so-alagba na, eene na kẹ fịrịma ḅẹ ḅara, anịsakị ó nimi tẹ ẹrị ḅa mịnẹ ọmịna si-sịḅịḅio mẹ tẹ ọ́ KỊNỊNYANAḄỌ ḅe ḍiki-tọrụ ḅụ gbọrụ amadaḅọ ḅii ọmịna aḅụụ pịrị ye mẹ gburo-gburom.”

1 Samụẹlị 16:2

Samụwẹlị nwẹnị gbela, “Ndẹẹ arị inetẹ mu ḅarị ḅara? Sọlụ anị naa kụma ori ì ḅaa ḅa.” KỊNỊNYANAḄỌ ḅe nwẹnị ḅẹẹ, “Amụ iyi-a asambịrịma nambulo ọkị tẹ ḅẹẹ, ‘Arị agba mịẹ KỊNỊNYANAḄỌ ḅe pịrị ḅẹ ḅom.’

1 Samụẹlị 2:35

Tẹ à minini nyana gbọrụ agbamịẹḅọ saakị pakama-ḅo ị̀ ḅụụ pịrị ḅa, oriḅe tẹ ì ḅioḅẹngbọ na, ì kuroma na ḅụ ye wẹrịtẹ sime-ḅara kẹ ye mịẹ ḅarị ḅọ; tẹ à gbọrụ karakara warị nama ọ̀ pịrị ḅa, tẹ à pulo kẹ sịḅị ḅụ sara tẹ ḅọ ḅe tọrọkọ mẹnjị sọ na, paka na gbamaso ḅa.

1 Samụẹlị 7:17

Anịtẹrẹmẹ ori ọḅụ pịkị-so Rama mu ḅa, gbala anịjụ mẹ anie ori ama ẹrẹsị, tẹ anịjụ mẹ ḅụ sọ ọ̀ karakara ḅẹrẹkọn Izirẹlị pịrịm. Tẹ ori anịjụ gbọrụ agbamịẹ-anga nama KỊNỊNYANAḄỌ ḅe pịrịm.

1 Samụẹlị 9:12

In nwẹnị pakịrị, Ori emi; ḍikii, mie ọ̀ paa ọmịna tọrọkọ mẹnjị muarị ḅara. Ọ́ fọnya muu, mie ọ̀ paa mịọkụ opu ama mẹ ḅo ḅara, gbala tomi ma mịmgba gele yọ mẹ ọgọnọ agba mịẹ nyana wararị ẹrẹsị.