1 Samụẹlị 7:4 - FỊAFỊA BAỊBỤLỤ

⁴ Anieḅụ Izirẹlị Balị ma na, Asịtarọtị ẹrẹḅọ-oru ma na kẹ ngumam, tẹ fịrịmẹnjị KỊNỊNYANAḄỌ ḅe ngẹrị pịrịm.

1 Samụẹlị 7:4 Iomraidhean Croise

1 Amadapụ 11:33

À miemẹ mịẹ ḅa gbala Sọlọmọnị ì sịkị tẹ mu sunsin igoni oru-atamụnọ Asịtatị, Sayịdọnị ḅẹ ere-oru na; Kẹmosi, Mohabụ ḅẹ oru-tamụnọ na; Mịlịkọmụ, Amọnị ḅẹ oru-tamụnọ na pịrị tẹ ẹrẹsị. Sọlọmọnị ḅarị ì ḅịḅị poki-a tẹ ọ̀ mịẹ-irima tẹẹ, tẹ ḅarị ì oloko ma na à tọn aị ma na koko-a, ọ̀ ḍa Devidi wẹrịtẹ mịẹ ḅara.

1 Amadapụ 11:5

Ọ̀ nwẹnị mu sunsin Asịtarọtị, Sayịdọnị ḅẹ apụ ere-oru na, Mịlịkọmụ, Amọnị ḅẹ apụ tọn-tọn oru-atamụnọ ma pịrị.

1 Amadapụ 8:48

Ịn nwẹnị anị ama mẹ ḅio karakara ḅara na tẹmẹ-la ḅara na kẹ si ḅụ pịkị ḅẹḅẹ, tẹ tọrụ kẹ mị ama mẹ tẹ ị́ kẹ wamịna atẹngịapụ ma pịrị ye mẹ, anie mị opu ama mẹ tẹ ị́ sẹlẹ-ọkị tẹ mị Tẹkẹ-warị mẹ tẹ arị í gotẹ nama ye mẹ da tẹ tẹkẹ tẹkẹ,

2 Amadapụ 23:15

Anie sikima, Jerobohamụ Nebatị owiḅọtụḅọ ḅe tẹ mịẹtẹ Izirẹlị si mịẹ ḅọ ḅe, Bẹtẹlị ḅụ nama ebeka mẹ na gele-ayeyọ ma na, ori arị sukuruma gbin tẹ ḍụḅarị ma kẹ pakịrị-pakịrị puu tẹ arị gbẹẹ kọsịma fọọn mịẹm, tẹ pịkị Asẹra fụḅara mẹ dọkịmam.

Hosiya 14:3

Gbala-gbala Asiriya inetẹ wa ḅọrọma ḅịa, tẹ ọmụgbin-asụ inetẹ wa gbaịn ḅọrọma ḅịa. Wa ḅarị jen kẹ wamịna oru-afụḅara ma ḅẹẹ ḅịa mịnẹ arị wamịna Tamụnọọ. Yei KỊNỊNYANAḄỌ, ọkụrụkụrụ nyana jen ịn dama-mu tẹ ḅarasụa nyana ḅẹ anga ofori apụ pịrịarị ḅọ.”

Hosiya 14:8

Izirẹlịapụ ma ḅarị jen kẹ oru-afụḅara na mịẹ ye nyana ḅịa; Àrị ịna atẹkẹ pakịrị tẹ in koko ḅa; À sakị mamgba ịwọ ịnyịnya sụarị sịn kikima ḅara kẹ in kikima ḅa; Yẹrị anie ịna aboma mamgba sime tẹ ḅoarị anga mẹ.”

Ḅẹrẹkọn-apụ 2:11

Izirẹlịapụ ma KỊNỊNYANAḄỌ ḅe ḍiki-tọrụ ḅụ siye mịẹm tẹ fịrịmẹnjị Balị ma pịrịm.

Ḅẹrẹkọn-apụ 2:13

Ịn KỊNỊNYANAḄỌ ḅe sịkịm, tẹ fịrịmẹnjị Balị ma na, Asịtarọtị ma na pịrịm.

1 Samụẹlị 7:3

Anịtẹso Samụwẹlị nwẹnị Izirẹlị warị mẹmgba ḅẹẹ, “Ọ́ nwẹnị ọmịna ḅioḅẹngbọ mẹmgba kẹ pịkịma KỊNỊNYANAḄỌ ḅe ḍọkụma-ḅoarị ḅẹḅẹ, ọmịnị ọmịna ogbo-ḅio igoni oru-atamụnọ ma na, Asịtarọtị ẹrẹḅọ-oru ma na kẹ-ngumaa, tẹ ọmịna ḅioḅẹngbọ kẹ da-da KỊNỊNYANAḄỌ ḅe daa, tẹ fịrịmẹnjị ori ngẹrị pịrịị, anịsakị ò Filisiteniapụ ma ḅara ḅụ ọ́ ḍụa-ḅọrọma ḅa.”

1 Samụẹlị 7:5

Anịtẹso Samụwẹlị nwẹnị ḅẹẹ, “Ọmịnị Izirẹlị mẹmgba kobirii Mizipa ḅụ, anịsakị à KỊNỊNYANAḄỌ ḅe tẹkẹ ọ́ pịrị ḅa.”