1 Samụẹlị 7:3 - FỊAFỊA BAỊBỤLỤ

³ Anịtẹso Samụwẹlị nwẹnị Izirẹlị warị mẹmgba ḅẹẹ, “Ọ́ nwẹnị ọmịna ḅioḅẹngbọ mẹmgba kẹ pịkịma KỊNỊNYANAḄỌ ḅe ḍọkụma-ḅoarị ḅẹḅẹ, ọmịnị ọmịna ogbo-ḅio igoni oru-atamụnọ ma na, Asịtarọtị ẹrẹḅọ-oru ma na kẹ-ngumaa, tẹ ọmịna ḅioḅẹngbọ kẹ da-da KỊNỊNYANAḄỌ ḅe daa, tẹ fịrịmẹnjị ori ngẹrị pịrịị, anịsakị ò Filisiteniapụ ma ḅara ḅụ ọ́ ḍụa-ḅọrọma ḅa.”

1 Samụẹlị 7:3 Iomraidhean Croise

Suku-saakị 35:2

Mie ḅụ Jekọbụ ọ̀ warị-kpo na, inimgba tẹ ori na sime apụ mamgba ḅẹẹm, “Ọmịnị ọmịna ogbo-ḅio simearị igoni atamụnọ ma, tan nguma, tẹ ọmịna aḅụụ mịẹ fịafịamaa, tẹ ọmịna opu akapa ḍimaa;

1 Amadapụ 11:33

À miemẹ mịẹ ḅa gbala Sọlọmọnị ì sịkị tẹ mu sunsin igoni oru-atamụnọ Asịtatị, Sayịdọnị ḅẹ ere-oru na; Kẹmosi, Mohabụ ḅẹ oru-tamụnọ na; Mịlịkọmụ, Amọnị ḅẹ oru-tamụnọ na pịrị tẹ ẹrẹsị. Sọlọmọnị ḅarị ì ḅịḅị poki-a tẹ ọ̀ mịẹ-irima tẹẹ, tẹ ḅarị ì oloko ma na à tọn aị ma na koko-a, ọ̀ ḍa Devidi wẹrịtẹ mịẹ ḅara.

1 Amadapụ 8:48

Ịn nwẹnị anị ama mẹ ḅio karakara ḅara na tẹmẹ-la ḅara na kẹ si ḅụ pịkị ḅẹḅẹ, tẹ tọrụ kẹ mị ama mẹ tẹ ị́ kẹ wamịna atẹngịapụ ma pịrị ye mẹ, anie mị opu ama mẹ tẹ ị́ sẹlẹ-ọkị tẹ mị Tẹkẹ-warị mẹ tẹ arị í gotẹ nama ye mẹ da tẹ tẹkẹ tẹkẹ,

2 Amadapụ 17:39

Ọmịnị ị̀ ḅịḅị pokii, yẹrị KỊNỊNYANAḄỌ ọmịna Tamụnọ ḅe, tẹ àrị ọmịnị na fịya-a apụ mamgba ḅara-ḅio ọ́ ḍụa-ḅọrọma ḅa.”

2 Amadapụ 23:15

Anie sikima, Jerobohamụ Nebatị owiḅọtụḅọ ḅe tẹ mịẹtẹ Izirẹlị si mịẹ ḅọ ḅe, Bẹtẹlị ḅụ nama ebeka mẹ na gele-ayeyọ ma na, ori arị sukuruma gbin tẹ ḍụḅarị ma kẹ pakịrị-pakịrị puu tẹ arị gbẹẹ kọsịma fọọn mịẹm, tẹ pịkị Asẹra fụḅara mẹ dọkịmam.

1 Paka-aị 22:19

Mịọkụ ọmịnị ọmịna kuroma na, ḅioḅẹngbọ na kẹ KỊNỊNYANAḄỌ ọmịna Tamụnọ ḅe ḍọkị ọgọnọ gbanaa. Ọ́ saakị tẹ KỊNỊNYANA-TAMỤNỌ ḅe fịafịa ye-yọ mẹ namaa, mịẹ tẹ KỊNỊNYANAḄỌ ḅe Ọḅọkụ-Igbe mẹ na, Tamụnọ fịafịa ẹfẹrẹ ma na ḅo nama KỊNỊNYANAḄỌ ḅe ẹrẹ pịrị gbọrụ warị-ḅio mẹ sọ ḅẹ ḅara.”

1 Paka-aị 28:9

“Anịsakị ị́yẹrị ị̀ owiḅọtụḅọ, Sọlọmọnị, ị́ aḍapụ Tamụnọ ḅe nimii, tẹ í bebe ḅioḅẹngbọ na mịẹ pọkọ-tarị kuroma kẹ fịrịmẹnjị ọ̀ pịrịị; kẹ gotẹ ọkọ ḅẹẹarị, KỊNỊNYANAḄỌ ḅe ḅioḅẹngbọ mamgba ḍọkị ḍikiarị, tẹ ḅioḅẹngbọ ḅụ tọn tẹ mịẹ ḅẹ ye goyegoye fie ye naarị. Ị́ ọ̀ sịkị-sịkị, ori ị́ kẹ gbin nguma gbamaso ḅa.

2 Paka-aị 19:3

Anịsọ ị́ ḅụụ ini iḅi ḍọkị-ẹrị wararị, kẹ gotẹ ọkọ ḅẹẹarị, ị́ Asẹra ẹrẹḅọ-oru ma ị́ nwẹn sima fama ama mẹ ḅio, tẹ ị́ ḅioḅẹngbọ kẹ Tamụnọ ḍọkị ọgọnọ gbana tẹ.”

2 Paka-aị 20:33

Anị sime-ḅara sime-ḅara sọ, gele ayeyọ ma ini arị saakị sịn-a; tomi ma anịsọ amụ ịna ḅioḅẹngbọ kẹ ịna ḍapụ ma Tamụnọ ḅe ọgọnọ gbana-a.

2 Paka-aị 30:19

tẹ amịna ḅioḅẹngbọ kẹ Tamụnọ, ọ̀ ḍa ḅe KỊNỊNYANA-TAMỤNỌ ḅe ḍọkị ọgọnọ gbana ḅọ gbana ḅọ pịrị, anị fịafịa yọ mẹ ḅẹ ḅụụ-fịafịama ḅụụ ḍikiḍiki oloko mẹ wẹrịtẹ ḅẹẹ ḅara sime-a ḅẹsọ.”

Egberima-Ẹkwẹn 16:1

Ẹbịsịya wa inetẹ wa mịẹ ḅẹ aị tọn ḅa, kụma kunoma ḅịḅị mẹ, Tamụnọ nyanam.

Ayịzaya 55:7

Yee si-sịḅịḅio-sụapụ ma ịna ḍumo kọn ḅara mẹ ḅụ ḅara-siin, tẹ ịn ḅẹrẹ kuromarị ḅara mẹ ḍima. Yee ịn tọrụ pịkị KỊNỊNYANAḄỌ, wamịna Tamụnọ ḅe da; ori ọkụrụkụrụ nyana wararị tẹ sarama si-wẹrịsoarị.

Jerimaya 24:7

Àrị ịn kẹ ì nimi ḍọkị ḅẹ tẹmẹ kẹ ịn pịrị ḅa, mịnẹ yẹrị anie KỊNỊNYANAḄỌ ḅee. Ini ị̀ atomi sọ ḅa, tẹ yẹrị ịna Tamụnọ sọ ḅa, ini ịna ḅioḅẹngbọ mẹmgba kẹ pịkị ị̀ dama-ḅo ḅa ẹrẹsị.

Jerimaya 36:3

Ẹbịsịya Juda ḅẹ atomi ma arị ọkị-ḅo ịna ọgọnọ gbana ḅẹ tọn-arị guluguluma mẹ gboloma ye naa sakị ini ịna si etela ma ḅụ pịkị ḅa. Anịtẹso arị ịna si-sịḅịḅio na ịna asi na wẹrịso ịn pịrị ḅa.”

Jerimaya 4:1

KỊNỊNYANAḄỌ ḅe mẹẹ: Izirẹlịapụ ọ́ pịkị ḅii ḅẹḅẹ, ọ́ pịkị ị̀ dama-ḅoo. Ọmịnị oru-afụḅara tẹ à ḍiki-ḅioḅuarị aị ma ḅelema tẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị ḅẹḅẹ,

Izikẹlị 14:6

“Mịọkụ mie ḅụ, ḍuko Izirẹlịapụ ma pịrịị, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm: ‘Ọmịnị ọḅụ pịkị arị gbin, tẹ ọmịna sịḅị-ngụngụnmarị oru-afụḅara ma koroma soo.’ ”

Izikẹlị 18:31

Ọmịnị ọ́ mịẹarị siye mẹmgba ḅụ ḅara-siin, tẹ ịwọ akuroma na ịwọ aḅioḅẹngbọ na nyana ọmịna aḅụụ pịrị. Ọmịnị Izirẹlịapụ, tiye ẹrẹsị ọ́ fịị ḅẹ-ḅiiarị?

Hosiya 14:1

Izirẹlịapụ, ọ́ pịkịma KỊNỊNYANAḄỌ ọmịna Tamụnọ ḅe dama-ḅo. Ọmịna si ọ́ mịẹ tẹ ọ́ pụmbụ tẹ ḅịkịarị.

Matiyo 15:8

Tamụnọ ḅẹẹm, “mịna atomi ma, ḅịḅị apara ngẹrị mie ịn kẹ ị̀ kụn-arị, kụma ịna aḅioḅẹngbọ ị̀ ḅụụ ḅele la jụ iḅerea.

Matiyo 4:10

Anịtẹso Jizọsị nwẹnị pakịrị, “Ekwesu, mịanga ini ị́ fọnọ ḅelemaa! Fịafịa Ḍiri mẹ ḅẹẹm, ‘KỊNỊNYANAḄỌ ị́ Tamụnọ ḅe tẹkẹ tẹ fịrịmẹnjị ori ngẹrị pịrịị.’ ”

Matiyo 6:24

Gbọrụḅọ-sọ inetẹ gbọrụ sakị ḅụ omoni-sọ maa sịḅịdapụ pịrị ḅịa; ọ̀ gbọrụḅọ ḍiki-ḅioḅu tẹ osi-ḅọ ḅẹlẹma ḅa; ọ̀ sịḅị-tuu gbọrụḅọ pịrị tẹ osi-ḅọ ḍiki-sima ḅa. Ọmịnị inetẹ Tamụnọ na igbigi na kẹ pii-pii ḅẹẹ ḅara kẹ fịrịmẹnjị pịrị ḅịa.

Luku 4:8

Jizọsị nwẹnị pakịrị: “Fịafịa Ḍiri mẹ ḅẹẹm, ‘Ị́ Nyana Tamụnọ ḅe ngẹrị mie í sunsin pịrị tẹ pịkị fịrịmẹnjị pịrị ḅarị ḅọ!’ ”

Jọnị 4:24

Tamụnọ anie Tẹmẹẹ, ọ̀ Tẹmẹ ḅe kụrọ ḅụ ngẹrị mie tomi inetẹ karakara ḅara kẹ ò sime-ḅara ḍiki tẹ sunsin ọ̀ pịrị ḅarịye.”

Ditẹrọnọmị 10:20

Ọ́ KỊNỊNYANAḄỌ ọmịna Tamụnọ ḅe ḍiki ḅalafa ḅa, ọ́ fịrịmẹnjị ọ̀ pịrị tẹ ọ̀ fịnama ḅa anịsakị ori ẹrẹ ḅụ mie ọ́ ḅụụ pikima ḅarịye.

Ditẹrọnọmị 13:4

Ọ́ KỊNỊNYANAḄỌ ọmịna Tamụnọ ḅe ḍukamẹnjị ḅa, tẹ ò mangịma tẹ ori oloko ma koko, tẹ ọ̀ pọkọ poki, tẹ fịrịmẹnjị ọ̀ pịrị, tẹ ọ̀ fịnama ḅa.

Ditẹrọnọmị 4:29

Kụma anịjụ ḅụ ọ́ KỊNỊNYANAḄỌ ọmịna Tamụnọ ḅe ḍọkị ḅa, tẹ ọmịnị ọ̀ ḍọkị-ẹrị ḅa, ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ ọ̀ ḍọkị ḍọkị.

Ditẹrọnọmị 6:13

Ọ́ KỊNỊNYANAḄỌ ọmịna Tamụnọ ḅe mangịma ḅa; ọ́ fịrịmẹnjị ọ̀ pịrị ḅa, tẹ ori ẹrẹ ngẹrị ḅụ ḅụụ-pikima ḅa.

Jọsụwa 13:31

Gilẹdị kẹ maa anga ḍiya ḅẹ gbọrụ pakịrị na, Asịtarọtị na, Idiri na, Basani ḅio Ogu amakiri mẹ ḅẹ opu ama ma na mịna ama ma ini arị kẹ Manasẹ owiḅọtụḅọ Mahaka ḅe atomi ma pịrịm arị sime Mahaka atomi ma kẹ maa anga ḍiya ḅẹ gbọrụ pakịrị pịrịm ịna afuro ma wẹrịtẹ sime-ḅara ḅụ.

Jọsụwa 24:14

“Anịẹrẹsị mịọkụ ọ́ KỊNỊNYANAḄỌ ḅe ḍiki-ḅalafaa tẹ karakara ḅara na, minini na kẹ fịrịmẹnjị ọ̀ pịrịị ọmịnị oru-atamụnọ ma tẹ ọmịna aḍapụ ma Tọrụ mẹ saḅa anga ḅụ na, Ijiputi ḅụ na fịrịmẹnjị pịrị aị ma kẹ ngumaa, tẹ fịrịmẹnjị KỊNỊNYANAḄỌ ḅe pịrịị.

Jọsụwa 24:23

Ọ̀ nwẹnị ḅẹẹ, “Nwẹnị ḅọrọ ọkọ ḅẹḅẹ, ọmịnị ọmịna ogbo-ḅio simearị igoni atamụnọ ma tan nguma, tẹ ọmịna ḅioḅẹngbọ kẹ KỊNỊNYANAḄỌ Izirẹlịapụ tẹkẹarị Tamụnọ ḅe ḅụụ sịrẹrẹ.”

Ḅẹrẹkọn-apụ 10:16

Anieḅụ ịn nwẹnị ini ogbo-ḅio ḅụ igoni oru-atamụnọ ma tan-siin tẹ fịrịmẹnjị KỊNỊNYANAḄỌ ḅe pịrị; tẹ Izirẹlị tọrụsiẹrị mẹ nwẹnị ḅo ọ̀ ḅụụ-ḅẹsọọ.

Ḅẹrẹkọn-apụ 10:6

Izirẹlịapụ ma sin KỊNỊNYANAḄỌ ḅe ḍiki-tọrụ ḅụ siye mịẹm, tẹ fịrịmẹnjị Balị ma na, Asịtarọtị, Siriya ḅẹ oru-atamụnọ ma na, Sayịdọnị ḅẹ oru-atamụnọ ma na, Mohabụ ḅẹ oru-atamụnọ ma na, Amọnị ḅẹ apụ ma oru-atamụnọ ma na, Filisiteniapụ ma oru-atamụnọ ma na pịrịm; tẹ ịn KỊNỊNYANAḄỌ ḅe sịkịm, tẹ fịrịmẹnjị ọ̀ pịrị-a.

Ḅẹrẹkọn-apụ 2:11

Izirẹlịapụ ma KỊNỊNYANAḄỌ ḅe ḍiki-tọrụ ḅụ siye mịẹm tẹ fịrịmẹnjị Balị ma pịrịm.

Ḅẹrẹkọn-apụ 2:13

Ịn KỊNỊNYANAḄỌ ḅe sịkịm, tẹ fịrịmẹnjị Balị ma na, Asịtarọtị ma na pịrịm.

1 Samụẹlị 31:10

Ini ori ọmụ-aị kẹ Asịtarọtị nkpu mẹ ḅio suu koromam, tẹ ori oju-akpakpa kẹ Ḅẹtị-seyani onu ḅụ ḅakụm.