1 Samụẹlị 7:2 - FỊAFỊA BAỊBỤLỤ

² Anị ene mẹ ḅụ ọkị mu, Ọḅọkụ-Igbe mẹ Kiriyati-jeharimụ ḅụ nangwọ sakị angam, si kụra pembe ye, tẹ Izirẹlị warị mẹmgba KỊNỊNYANAḄỌ ḅe ḍọkị gotẹ kururum.

1 Samụẹlị 7:2 Iomraidhean Croise

1 Paka-aị 13:3

Anịtẹso kụma wa mu siin wamịna Tamụnọ Ọḅọkụ Igbe mẹ ọkị-ḅo wamịna ḅụụ pịrị ḅa; kẹ gotẹ ọkọ ḅẹẹarị, Sọlụ ene ma ḅụ wa anị bala-a.”

1 Paka-aị 13:5

Anieḅụ Devidi Izirẹlị mẹmgba tẹ Ijiputi ḅẹ Sịẹ Awụ Tọrụ ḅụ ọkị mu Hamatị sọarị anga ḅụ sime apụ kobirim, Kiriyati-jeharimụ ḅụ Tamụnọ Ọḅọkụ-Igbe mẹ ọkị-ḅo gotẹ.

Jerimaya 26:20

(Jen gbọrụ tomḅọ sọ simem, Yuraya, Sẹmaya tụḅọ, Kiriyati-jeharimụ ḅụ sime tẹ ḅo ḅọ ḅe, anie KỊNỊNYANAḄỌ ḅe ẹrẹ ḅụ ẹkwẹn mị opu ama mẹ na sịẹ mẹ na ọgọnọ gbana ḅọ ḅe, Jerimaya mịẹ gbọrụ ḅara mẹ.

Jerimaya 3:13

Ị́yẹrị paa minini mịnẹ í siye mịẹ tẹẹ, mịnẹ ị́ kọngọ kụrọma KỊNỊNYANAḄỌ ị́ Tamụnọ pịrị tẹẹ. Ḍuko pakama mịnẹ ịwọ sịn goyegoye suku ị́ ị̀ ḅẹlẹma kẹ jen asịẹ ḅẹ atamụnọ pịrị tẹẹ, ị́ ị̀ tọn-aị ma mịẹ-a. Yẹrị KỊNỊNYANAḄỌ ḅe ọkọ ḅẹẹm.”

Jerimaya 31:9

Ị̀ atomi owu-ma pịkị-ḅo ḅa, àrị ịna tọrọkọ tarị wararị sakị ịn tẹkẹarị. Àrị ịn kẹ mu minji mẹnjịarị ayọ la ḅa, gbima-gbima-a etela ḅụ, ịn pụmbụ ḅịa ḅara. À ḍaḅọ sọ Izirẹlị pịrị tẹẹ, tẹ Iferemu anie ị̀ mgbe.”

Matiyo 5:4

“Ḅioḅẹlẹ sime amịna asi gotẹ kururuarị apụ ma pịrịm; Tamụnọ ịna ḅiokpọma ḅa!”

Jọsụwa 9:17

Izirẹlịapụ ma nwẹnị saakị paka tẹ tẹra aḍin karama ene ḅụ mu ịna opu ama ma la. Ịna opu ama ma anie Gibiyọnị na, Kẹfira na, Birọtị na, Kiriyati-jeharimụ na.

Ḅẹrẹkọn-apụ 2:4

KỊNỊNYANAḄỌ ḅe enjẹlị mịna ẹkwẹn-aḅịḅị ma kọn Izirẹlịapụ mamgba pịrị tẹso, tomi ma nwẹnị ịna apọkọ saakị tẹ tẹmẹ-la ḅara kẹ owu.

1 Samụẹlị 7:1

Kiriyati-jeharimụ ḅẹ apụ ma nwẹnị ḅo tẹ KỊNỊNYANAḄỌ ḅe Ọḅọkụ-Igbe mẹ ọkị iwo, tẹ anị kẹ tụndụ mẹ ọgọnọ ḅụ Abinadabụ warị ḅo; tẹ ịn nwẹnị ori owiḅọtụḅọ Ẹlịyeza mịẹ fịafịama, mịẹ tẹ ọ̀ KỊNỊNYANAḄỌ ḅe Ọḅọkụ-Igbe mẹ ḍikiḍiki ḅẹ ḅara.

1 Samụẹlị 7:3

Anịtẹso Samụwẹlị nwẹnị Izirẹlị warị mẹmgba ḅẹẹ, “Ọ́ nwẹnị ọmịna ḅioḅẹngbọ mẹmgba kẹ pịkịma KỊNỊNYANAḄỌ ḅe ḍọkụma-ḅoarị ḅẹḅẹ, ọmịnị ọmịna ogbo-ḅio igoni oru-atamụnọ ma na, Asịtarọtị ẹrẹḅọ-oru ma na kẹ-ngumaa, tẹ ọmịna ḅioḅẹngbọ kẹ da-da KỊNỊNYANAḄỌ ḅe daa, tẹ fịrịmẹnjị ori ngẹrị pịrịị, anịsakị ò Filisiteniapụ ma ḅara ḅụ ọ́ ḍụa-ḅọrọma ḅa.”