1 Samụẹlị 7:1 - FỊAFỊA BAỊBỤLỤ

¹ Kiriyati-jeharimụ ḅẹ apụ ma nwẹnị ḅo tẹ KỊNỊNYANAḄỌ ḅe Ọḅọkụ-Igbe mẹ ọkị iwo, tẹ anị kẹ tụndụ mẹ ọgọnọ ḅụ Abinadabụ warị ḅo; tẹ ịn nwẹnị ori owiḅọtụḅọ Ẹlịyeza mịẹ fịafịama, mịẹ tẹ ọ̀ KỊNỊNYANAḄỌ ḅe Ọḅọkụ-Igbe mẹ ḍikiḍiki ḅẹ ḅara.

1 Samụẹlị 7:1 Iomraidhean Croise

Ayịzaya 52:11

Ọmịnị ẹrị mịnẹ ọ́ Babịlonịya koroma-som, ọmịnị-mgba tẹ Tamụnọ-warị mẹ ḅẹ kọrịnama-kọrịaị ma dogiarị apụ! Ọ́ ḅara kẹ gbọrụ tọn-tọnye sọ lama ma; ọ́ ḅụụ wẹrị fịafịama tẹ paka-soo.

Devidi-Anume 132:6

Bẹtịlịhẹmụ ḅụ wa Ọḅọkụ Fị Igbe mẹ gbolomaye naam, tẹ wa Ja-a ḅe aḍụọ ma ḅio anị ḍọkị-ẹrịm.

1 Samụẹlị 6:21

Anieḅụ ịn nwẹnị oku kẹ Kiriyati-jeharimụ ḅụ simearị apụ ma fịrịma, tẹ ḅẹẹm, “Filisiteniapụ ma KỊNỊNYANAḄỌ ḅe Ọḅọkụ-Igbe mẹ pịkịma-ḅo tẹẹ, ọmịnị ideri-ḅo anị ọkịị.”

Jọsụwa 18:14

Anịtẹso oke mẹ jen pakịrị da-mum, ịrụa mẹ tuuideriarị pakịrị ḅụ tụndụ mẹ tẹ suku-jụ simearị ye mẹ ḅụ pịkị suku-jụ-pakịrị da-mu Bẹtị-horoni na dama-dama ḅụ; tẹ anị Kiriyati-balị (anie Kiriyati-jeharimụ) sime Juda pịrị opu ama mẹ ḅụ kunomam. Miemẹ ịrụa-ideriarị-anga mẹ mịẹm.

Jọsụwa 9:17

Izirẹlịapụ ma nwẹnị saakị paka tẹ tẹra aḍin karama ene ḅụ mu ịna opu ama ma la. Ịna opu ama ma anie Gibiyọnị na, Kẹfira na, Birọtị na, Kiriyati-jeharimụ na.

1 Samụẹlị 7:2

Anị ene mẹ ḅụ ọkị mu, Ọḅọkụ-Igbe mẹ Kiriyati-jeharimụ ḅụ nangwọ sakị angam, si kụra pembe ye, tẹ Izirẹlị warị mẹmgba KỊNỊNYANAḄỌ ḅe ḍọkị gotẹ kururum.

1 Paka-aị 13:3

Anịtẹso kụma wa mu siin wamịna Tamụnọ Ọḅọkụ Igbe mẹ ọkị-ḅo wamịna ḅụụ pịrị ḅa; kẹ gotẹ ọkọ ḅẹẹarị, Sọlụ ene ma ḅụ wa anị bala-a.”