1 Samụẹlị 5:3 - FỊAFỊA BAỊBỤLỤ

³ Asịdọdị ḅẹ apụ ma ene-ḅaa ḅụ dede-ḅio, dede-ḅio saakị sakị, ḍikii, Degọnị ḅịkị tẹ, tẹ tọrụkuḅu kẹ KỊNỊNYANAḄỌ ḅe Ọḅọkụ-Igbe mẹ tọrọkọ kiri-ḅio iḅo wararị. Anieḅụ ịn Degọnị ọkị tẹ kẹ siin ò sime-kiri ḅụ koromam.

1 Samụẹlị 5:3 Iomraidhean Croise

1 Amadapụ 18:26

In nwẹnị ịn kẹ ḅo ịna pịrị owi-nambulo mẹ ọkị tẹ anị tẹlẹma, tẹ nwẹnị dede-ḅio saakị Balị sịn nwenii ḅo ene-ogbo la ḅẹẹarị, “yei Balị wa pakịrịị.” Kụma kịnị gbọrụ pọkọ sọ naa-a, gbọrụḅọ-sọ pịkị pakịrị-a, tẹ ịn nwẹnị in nama agbamịẹ-anga mẹ ikelema-koro tẹ ịnyọ-pọkọta tẹ ḅara sime.

Devidi-Anume 115:7

Ịn ḅara nyana wararị, kụma ini inetẹ ḅara kẹ ye lama-a, pịkị ḅụọ sọ, kụma ini inetẹ mẹnjị-a. Ini inetẹ ḅịḅị fie-a.

Devidi-Anume 97:7

Sunsin oru-afụḅara pịrịarị-ḅọ pịrịarị-ḅọ ḅụụ-jịrị ḅa; papaa atamụnọ mamgba KỊNỊNYANAḄỌ ḅe tọrọkọ iḅoarị.

Paka-so 12:12

“Kẹ gotẹ ọkọ ḅẹẹarị, anị ḍin mẹ ḅụ arị Ijiputi ama mẹ mẹnjị-toluḅọrọ ḅa, tẹ Ijiputi ama mẹ ḅio tomi-o, nama-o, tarị iyi awọmẹ mamgba à ḅaa fama ḅa, anịsakị arị ị̀ ḅẹrẹkọn mịẹ-pakama ḅa Ijiputi ḅẹ oru-atamụnọ mamgba ọgọnọ ḅụ. Yẹrị anie KỊNỊNYANAḄỌ ḅee.

Ayịzaya 19:1

Mie Ijiputi gboloma oku mẹ. KỊNỊNYANAḄỌ ḅe Ijiputi ḅoarị, oḅuto ọgọnọ mie ọ̀ dọkụ ma-ḅoarị sarasara ḅara ḅụ. Ijiputi oru-afụḅara ma oju-sẹkịarị ọ́ tọrọkọ, tẹ Ijiputi-ḅẹ-apụ ma ḅarị ḅiokpọ nyana-a.

Ayịzaya 40:20

Ine tẹ seleḅa anịanịa golu nyana ḅịa ḅọ ḅụrụ, ḅụrụ-a sịn sẹlẹ ọkịarị. Ọ̀ ḅara-ḍịntẹ akanịḅọ ḍọkị ḅo tẹ mḅọ ḅịkị koro ḅịa mḅudu mịẹ pakama-ḅoarị.

Ayịzaya 41:7

Akanịḅọ ḅe golu-tẹmẹḅọ ḅe ḅẹẹarị, “Mịẹ ḅaka!” Oru-fụḅara mẹ ḅakụ miniminimarị ḅọ ḅe ngbọ kẹ anị ḅakụ-ḅakụ gbolomarị ḅọ ḅe ḅiokpọmarị. Ini mẹẹ, “ikulele sanị-sanị tẹ kẹ oḅoloarị kọrịnama mẹ iḅim” tẹ ịn nwẹnị ngọ kẹ oru-fụḅara mẹ ḅakụ kụrọma arị sime ḅẹ anga ḅụ.

Ayịzaya 46:7

Ini anị kẹ apana ḅaa tẹ dogiarị; ini anị kẹ gbọrụ yọ koromarị, tẹ anị yọ anị koro-simearị. Gbọrụḅọ nwẹnị anị tẹkẹ-tẹkẹ, anị inetẹ pakịrị-a, anịanịa mḅọ ḅọrọma opu ḅụụ-fụka ḅụ.

Jerimaya 10:8

Inimgba oḅori atomi famam. Sịn kẹ kara oru-afụḅara ḅụ ịn ḍawọ ḅo ḅẹ ye tiye?

Zẹfanaya 2:11

KỊNỊNYANAḄỌ ḅe ịna tẹmẹ-naịn-naịnma ḅa. Ò tomikiri ḅẹ atamụnọ ma iderima-ḅo papaa aị sọ ḅa, anị tẹso, sịẹ goyegoye sunsin ọ̀ pịrị ḅa, ọrụ-na-ọrụ-na amịna amakiri ḅụ.

Makị 3:11

Tẹ si-atẹmẹ ḅụụ ḅio sime apụ ori ẹrị sakị, sakị, ini ọ̀ tọrọkọ ḅịkị-koro tẹ kararama-olokuarị, “Ị́yẹrị anie Tamụnọ Tụḅọ ḅee!”

1 Samụẹlị 6:1

KỊNỊNYANAḄỌ ḅe Ọḅọkụ-Igbe mẹ Filisiteni ḅẹ opu sịẹ mẹ ḅio sọnọma akalụ simem.

1 Samụẹlị 6:5

Anieḅụ ọmịnị ọmịna apumbulo ma sime-ḅara na, ọmịna ḍọkọḍọkọ ofunguru ma tẹ ama mẹ gbaịn tẹ ye simearị aị ma sime-ḅara sime aị tẹmẹ ḅa; tẹ boma kẹ Izirẹlịapụ tẹkẹarị Tamụnọ ḅe pịrị ḅa; sosi-ọkụma ori ọmịnị na, ọmịna atamụnọ na, ọmịna ama na ọgọnọ ḅụ ọ̀ ḅara siin feke-fekema ḅa.