1 Samụẹlị 5:2 - FỊAFỊA BAỊBỤLỤ

² anịtẹso Filisiteniapụ ma anị ọkị-ḅo Degọnị warị ḅio suu tẹ anị kẹ Degọnị akaka ḅụ wẹrịm.

1 Samụẹlị 5:2 Iomraidhean Croise

1 Paka-aị 10:10

Ịn nwẹnị ori owuaị ma kẹ ịna oru-atamụnọ ma tẹkẹ-awarị ḅio koroma, tẹ ọ̀ sịḅị mẹ kẹ Degọnị tẹkẹ-warị ḅio koroma.

1 Paka-aị 10:8

Anị ḅẹ ene-ḅaa ḅụ Filisiteniapụ ma fịtẹ-apụ ma oju ḅẹ aị siin ọkị ḅẹ ḅo tẹso, ịn nwẹnị Sọlụ na ori tẹra owiapụ-awọmẹ na ḍọkị-ẹrị ịn Giliboha Tụndụ ọgọnọ ḅụ ḅịkị-koro wararị.

Danẹlị 5:2

Ịn mị-ḅara kẹ ḅuuarị ogbo, Bẹlịsaza nwẹnị tọn mịnẹ in mu golu-golu na seleḅa-seleḅa na kẹ tẹmẹ wararị amọngị ma na panị ma na tẹ ọ̀ ḍa Nebukadineza Jeruselemu Tẹkẹ-warị ḅio dogi-so aị ma kẹ ḅoo. Ori amadaḅọ ḅe arị fịrịma ḅom, gbala ori na, ori opu fịrịmẹnjịapụ na, ori ereme na, ori oloapụ na arị kẹ minji ḅuu ḅẹm ẹrẹsị.

Danẹlị 5:23

Ị́ kọngọ-kụrọma So-ḅio ḅẹ KỊNỊNYANAḄỌ ḅe pịrịm tẹ ọ̀ Warị ḅio ịn fọịn ọkị amọngị ma na panị ma na ọkịm. Ị́yẹrị na, ị́ opu afịrịmẹnjịapụ na, í ereme na, í oloapụ na arị kẹ iri ḅuu-ḅuu tẹ nwẹnị in golu na, seleḅa na, ojo na, ikulele na, ḍụḅọ na pịkị ẹkẹkẹ-pakịrị kẹ tẹmẹ atamụnọ ma tokinim — oru-atamụnọ tẹ inetẹ ye ẹrị-a anịanịa ye naa-a, pịkị gberie-sọ nimi-a atamụnọ ma.

Habakọkụ 1:11

Anịtẹso ịn fẹrụ kịka tẹ fie ḅo la tẹ pịkị so tẹẹ, mịna atomi ma ịna kụrọ anie ịna tamụnọ.”

Habakọkụ 1:16

Ịn pịkị sunsin ịna ịgbọ ma pịrị tẹ agba mịẹ arị pịrịarị, ịna ịgbọ ma ye goyegoye ḅẹ iḅi tẹịn ye nyana ḅo ịn pịrịarị ẹrẹsị.”

Ḅẹrẹkọn-apụ 16:23

Mịọkụ Filisiteni ḅẹ Sịḅịdapụ ma nwẹnị gburo-gburo agba mịẹ Degọnị ịna oru-tamụnọ pịrị tẹ ḍereku ḅẹ ḅara kẹ kobiri; kẹ gotẹ ọkọ ḅẹẹarị, ini mẹẹ, “Wamịna oru-tamụnọ wamịnị na fịya-a Samụsịnị kẹ wamịna ḅara-ḅio ḅụ wa pịrị tẹ.”