1 Samụẹlị 4:4 - FỊAFỊA BAỊBỤLỤ

⁴ Anieḅụ tomi ma fịrịma Silo mum, tẹ anịjụ Ọmụ-ogbo ma ḅẹ KỊNỊNYANAḄỌ ḅe tẹ Sẹrubimu ma ọgọnọ ḅụ emine ọgọnọ lẹgị-sime wararị ḅọ ḅe Ọḅọkụ-Igbe mẹ ọkị-ḅom; tẹ Ịlayị maa owiapụ-awọmẹ Hofini na, Finihasi na anịjụ Tamụnọ Ọḅọkụ-Igbe mẹ na simem.

1 Samụẹlị 4:4 Iomraidhean Croise

2 Samụẹlị 15:24

Abịyata nwẹnị ḅo la, tẹ Zadọkụ na Tamụnọ Ọḅọkụ-Igbe mẹ dogiarị Livayị furo-ḅẹ-apụ mamgba na ọ̀ ḅụụ sọ tẹ ḅo laa; tẹ ịn nwẹnị Tamụnọ Ọḅọkụ-Igbe mẹ da koroma nwenii tomi mamgba opu ama mẹ ḅio mẹnjị pakam.

2 Samụẹlị 6:2

Devidi saakịm, tẹ tomi mamgba tẹ Bale-Juda ḅụ ori na sime atomi ma anịjụ ḅụ Tamụnọ Ọḅọkụ-Igbe mẹ, aniemẹ tẹ ịn Kụrọmamgba Nyana KỊNỊNYANAḄỌ ḅe tẹ Sẹrubimu ma ọgọnọ ḅụ emine ọgọnọ lẹgị-sime wararị ḅọ ḅe ẹrẹ kẹ kuro wararị ye mẹ ọkị iwo ḅo ḅẹ ọ̀ ḅụụ sọ tẹ mum.

2 Amadapụ 19:15

tẹ Hẹzịkaya nwẹnị KỊNỊNYANAḄỌ ḅe tẹkẹ tẹ ḅẹẹ, “Yei KỊNỊNYANAḄỌ Izirẹlị ḅẹ Tamụnọ, oriḅe tẹ Sẹrubimu ma ọgọnọ ḅụ emine ọgọnọ lẹgị-sime wararị ḅọ, ị́yẹrị ngẹrị anie tomikiri sịẹ-sịẹ mamgba ḅụ Tamụnọ; ị́yẹrị so mẹ na kiri mẹ na tẹmẹm.

Devidi-Anume 80:1

Yei, Anana-ḍikiḍikiḅọ ḅara kẹ Izirẹlị ḍikiḍikiarịḅọ, wa pokii; tọrọkọ tarị amịna anana-ogbo pịrịarị ḅọ, wa naa. Ị́yẹrị amịna tẹmẹ tẹ pamba-sụa wararị aị ọgọnọ jụ ḅụ emine kuroma tẹ lẹgị wararị ḅọ,

Devidi-Anume 80:2

ị́ ḅụụ mịẹfinji Iferemu na, Benijamịnị na Manasẹ na afuro ḅẹ apụ ma pịrịị. Ị́ ịnyọ ḍie-pakamaa; ḅo wa ḅọrọmaa!

Devidi-Anume 99:1

KỊNỊNYANAḄỌ ḅe anie amadaḅọọ; tomi ma oju sẹkịarị. Ori tẹmẹ tẹ pamba-sụa aị ma ọgọnọ-jụ ori amịna emine ọgọnọ lẹgị wararị tẹ kiri mẹ jikearị.

Ayịzaya 37:16

“Kụrọmamgba nyana KỊNỊNYANAḄỌ, Izirẹlị Tamụnọ, í í emine, ị́ tẹmẹ tẹ pamba-sụa wararị aị ma ọgọnọ-jụ simearị ye mẹ ḅụ lẹgị wararị, kịngẹ anie Tamụnọ, ḅẹrẹtọn tomikiri ḅụ amadapụ daarị ayọ mamgba pịrịarị. Ị́yẹrị kiri mẹ na So-tọrụ mẹ na tẹmẹm.

Malakayị 1:9

Mịọkụ, ọmịnị agbamịẹapụ, ọ́ Tamụnọ ḅara ye ḅii-ḅii tẹ ḍikii ori iḅi kẹ wa mịẹ ḅẹ ḅara. Ori ọmịna tẹkẹ pakịrị ḅịa, tẹ anị ọmịna ḅara siye sọ ḅa.

Kịẹn-aḅịḅị 4:15

Anịsakị akpụrụ-warị mẹ sin paka ḅara ḅụ Erọnị na ori owiapụ-awọmẹ na Fịafịa Yọ mẹ na, Fịafịa Yọ mẹ ḅẹ kọrịnama-kọrịaị mamgba na gbaịn fama tẹso, aniemẹ ḅọrọ sakị, Kohatị owiapụ-awọmẹ ma ḅo mịna aị ma dogi ḅa, kụma ịn ḅara kẹ fịafịa aị ma lama nyana-a anieofori ịn ḅofa fịị. Mịna aị ma anie Kobiri Akpụrụ-warị mẹ ḅẹ aị ma tẹ Kohatị owiapụ-awọmẹ ma dogi ḅarị aị ma.

Kịẹn-aḅịḅị 4:5

Akpụrụ-warị mẹ sin tẹ anị saakị so sakị la tẹ ḅẹḅẹ, Erọnị na, ori owiapụ-awọmẹ na sọ-mu tẹ kiki-pẹlẹ-ḅịtẹ mẹ sin koroma ḅa, tẹ anị kẹ Ḅụụ ḍie-pakama Ọḅọkụ-Igbe mẹ gbaịn ḅa.

Kịẹn-aḅịḅị 7:89

Tẹ Mozizi mẹnjị Kobiri Akpụrụ-warị mẹ ḅio sọ, tẹ KỊNỊNYANAḄỌ ḅe na ẹkwẹn ḅẹ mu tẹso, ọkụrụkụrụ Emine mẹ tẹ Ḅụụ ḍie-pakama Ọḅọkụ-Igbe mẹ ọgọnọ-jụ maa Sẹrubimu ma ogboku ḅụ ọ̀ nwẹnị ẹkwẹn ọ̀ pịrịarị pọkọ mẹ naa tẹ anị ẹkwẹn ọ̀ pịrịm.

1 Samụẹlị 1:24

Arị ọ̀ ḅịḅị ndo siin tẹso, á nwẹnị ọ̀ saakị dogi á ḅụụ sụa, pịkị tẹra akụra sịḅị ḅụ ḅọrọtẹ owi-nambulo na, fịturu mịẹ fịlawa gbọrụ opu akpa pembe ye na, iru gbọrụ akpa na ọkị sụa; tẹ á nwẹnị ori ọkị Silo ḅụ KỊNỊNYANAḄỌ ḅe warị ḅo; anịsakị tụḅọ ḅe asambịrịma wararị.

1 Samụẹlị 14:3

Mịna tomi ma ḅẹ gbọrụḅọ anie agbamịẹḅọ Ahija tẹ ẹfọdị nwẹn-sịn kapa mẹ sụa ḅọ ḅe. Oriḅe anie Ịkabọdị iyimbere Ayitubu owiḅọtụḅọ. Anịsakị Ayitubu anie Finihasi owiḅọtụḅọ, pịkị Ịlayị Silo ḅụ simearị KỊNỊNYANAḄỌ ḅe agbamịẹḅọ ḅe taa-owiḅọtụḅọ. Tomi ma nimi-a mịnẹ Jonatanị so tẹẹ.

1 Samụẹlị 2:22

Mịọkụ Ịlayị omongi lama tẹ, tẹ ori owiapụ-awọmẹ kẹ Izirẹlị mẹmgba mịẹarị ye mẹ na, ịn wẹrịtẹ ereme ma tẹ mẹnjị tomi kobiriarị Akpụrụ-warị mẹ sọarị ḅọkọ mẹ tọrọkọ fịrịmẹnjịarị apụ ma na ḅọlọlọ gbolomarị ḅara na naam.