1 Samụẹlị 3:2 - FỊAFỊA BAỊBỤLỤ

² Anị sakị mẹ ḅụ Ịlayị oriḅe tẹ tọrụngbọ saakị ḅutuḅutu tẹ anieḅụ ọ̀ ḅarị inetẹ ye ẹrị-a ḅọ ḅe ò soku-ḅẹ sime anga ḅụ koro-sime wararị;

1 Samụẹlị 3:2 Iomraidhean Croise

Suku-saakị 27:1

Ayịzịkị omongi, tẹ ori atọrụngbọ ḅutuḅutu tẹ ọ̀ ḅarịye ẹrị-a tẹso, ori owiḅọtụḅọ Ịsọ omongiḅọ ḅe sịn, tẹ ò ḅẹẹ, “Ì owiḅọtụḅọ,” tẹ ọ̀ nwẹnị pakịrị, “Mie yẹrịị mịanga.”

Suku-saakị 48:10

Mịọkụ Izirẹlị omongi la ḅara ḅụ ori atọrụngbọ ḅutuḅutu tẹ, anie mịẹtẹ ọ̀ ḅarị inetẹ ye ẹrị-a. Anie ḅụ Josẹfụ ini ọkị-ḅo ò kpekimam, tẹ ịna ḅịḅị nọnjị, tẹ ịn kẹ ò kuḅu ḅio suum.

Suku-saakị 48:19

Kụma ọ̀ ḍa ḍụkụ-a, tẹ nwẹnị ḅẹẹ, “À nimim, ì owiḅọtụḅọ, à nimim. Manasẹ sọ ḅo amịna tomi kụlọ sọ ḅa, anịsakị ori sọ gburo-gburo ḅa anịsọ ori iyimbere kalatụḅọ ḅe ḍụḅa ọ̀ nẹngị ḅa. Kalatụḅọ furo-ḅẹ-apụ ḅo opu asịẹ ogbo sọ ḅa.”

1 Amadapụ 14:4

Jerobohamụ ta nwẹnị ọkọ mịẹ tẹ saakị so Silo mu, tẹ ḅo Ayija warị la. Mịọkụ Ayija ḅarị inetẹ ye ẹrị-a, omongi ọ̀ tọrụngbọ ḅutuḅutuma tẹ ẹrẹsị.

Devidi-Anume 90:10

Wa kẹ tomikiri ḍumo ḅẹ akụra anie tesi oyi finji; wamịna ḅụụ kụrọm ḅẹḅẹ, kụra inia si; anịsọ arịmgba dogi-ḅoarị ḅụụ-fụka na kururu na; ala-a ḍumo mẹ pẹlẹ tẹ wa ḅarị ofori.

Nimi Tolumaḅọ 12:3

Anị ene mẹ, í aḅara ma tẹ ị́ gbaịn aị ma sẹkị ḅa, ị́ aḅụọ ma tẹ anị sakị kụrọ wararị aị ma ḅo lọkọ ḅa. Ị́ aka ma kịẹn-ḅịḅị fịye tokuru ḅụ ḅo kịsị lama ḅa, tẹ ị́ atọrụngbọ ma ḅutuḅutu tẹ ị́ ḅarị banabanama ye ẹrị ḅịa.

1 Samụẹlị 2:22

Mịọkụ Ịlayị omongi lama tẹ, tẹ ori owiapụ-awọmẹ kẹ Izirẹlị mẹmgba mịẹarị ye mẹ na, ịn wẹrịtẹ ereme ma tẹ mẹnjị tomi kobiriarị Akpụrụ-warị mẹ sọarị ḅọkọ mẹ tọrọkọ fịrịmẹnjịarị apụ ma na ḅọlọlọ gbolomarị ḅara na naam.

1 Samụẹlị 4:15

Mịọkụ Ịlayị sịḅị maa kụra fa kụra sonioa si ḅọrọ tẹ, ori atọrụngbọ ḅutuḅutu tẹ anie mịẹ tẹ ọ̀ ḅarị inetẹ ye ẹrị-a.