1 Samụẹlị 27:2 - FỊAFỊA BAỊBỤLỤ

² Anieḅụ Devidi nwẹnị saakị, tẹ ori na kịnị ẹndẹ oyia asi finji (600) ma tẹ ori na simearị apụ ma na saḅa-ḅọrọ Akisi, Mahọkụ owiḅọtụḅọ Gati ḅẹ amadaḅọ ḅe ḍọkụma-mu.

1 Samụẹlị 27:2 Iomraidhean Croise

1 Paka-aị 12:1

Mịna apụ ma mie Kisi owiḅọtụḅọ Sọlụ gotẹ Devidi ḅụụ wọkọrọ-wọkọrọ ḅara kẹ inetẹ mẹnjịma ḅọrọ-a tẹ Zikilagị ḅụ simearị tẹ ọ̀ ḍọkụma-ḅo owiapụ; anịsakị anị opu-apụ ma tẹ ọmụ ḅio ḅarasụa ọ̀ pịrị apụ ma ḅụụ ini emi.

1 Samụẹlị 21:10

Devidi nwẹnị saakị, tẹ anị ene ḅụ Sọlụ ḍumo-mangị kọnma so Akisi, Gati ḅẹ amadaḅọ ḅe ḍọkụma-mu.

1 Samụẹlị 21:11

Akisi afịrịmẹnjịapụ ma nwẹnị ọ̀ ḅẹẹ, “ḅie Devidi, ama mẹ ḅẹ amadaḅọ ḅe ori-a? Ori mie in nume su-su jụmọ-jụmọ pịrị ma sẹkị-sẹkị tẹ ḅẹẹm, ‘Sọlụ ọ̀ kịnị maa ẹndẹ oyia asi finji-finji ḅaa tẹẹ, anịsakị Devidi ọ̀ kịnị puku sọnọ ẹndẹ finji-finji ḅaa tẹẹ,’ kẹ boma ḅọ ḅe ori-a?”

1 Samụẹlị 25:13

Tẹ Devidi nwẹnị ori atomi ḅẹẹ, “ọrụḅọ-ọrụḅọ amịna okologie kẹ mḅọ ḅiri ponoo!” Tẹ ọrụḅọ-ọrụḅọ amịna okologie kẹ mḅọ ḅiri ponom. Devidi sọ ori okologie kẹ ò ḅiri ponom; tẹ kịnị ẹndẹ pembe apụ Devidi pono iwo mum, anịsakị kịnị oyia asi simetẹ in nyana aị ma ḍikiḍikiarị.

1 Samụẹlị 30:8

Devidi nwẹnị KỊNỊNYANAḄỌ ḅe ḅịḅị gbela, “Mie ama gbaịn tẹ fọịn ogbo mẹ arị in ḍuka? Arị in la ḅẹ?” Ọ̀ nwẹnị ọ̀ pakịrị, “In ḍukaa; kẹ gotẹ ọkọ ḅẹẹarị, tụkụma ḅara ḅụ ị́ ịn la tẹ tụkụma ḅara ḅụ in ḍụa-ḅọrọma ḅa.”

1 Samụẹlị 30:9

Anieḅụ Devidi na, ori na sime kịnị ẹndẹ oyia asi finji ma na saakị pakam, tẹ in ḅo Bẹsọ Kuroro mẹ lam, ini inima tẹ kọn apụ ma koroma-so anga mẹ.