1 Samụẹlị 26:9 - FỊAFỊA BAỊBỤLỤ

⁹ Kụma Devidi nwẹnị Abisahị ḅẹẹ, “ọ̀ ḅaa ma! Kẹ gotẹ ọkọ ḅẹẹarị, tụḅọ inetẹ ḅara kẹ KỊNỊNYANAḄỌ ḅe pulo kẹ sịḅị ḅụ saratẹ ḅọ ḅe ọgọnọ gbana tẹ ḅẹrẹ-ḅarasii nyana ḅịa?”

1 Samụẹlị 26:9 Iomraidhean Croise

2 Samụẹlị 1:14

Devidi nwẹnị ọ̀ ḅẹẹ, “Ndẹẹ anị ị́ ḅalafama-a tẹ ị́ ị́ ḅara sụn-pakama tẹ kẹ KỊNỊNYANAḄỌ ḅe pulo kẹ sịḅị ḅụ sara tẹ ḅọ ḅe ḅaa ḅara?”

2 Samụẹlị 1:16

Tẹ Devidi nwẹnị ọ̀ ḅẹẹ, “Ị́ ọmbie ị́ sịḅị ọgọnọ simee, kẹ gotẹ ọkọ ḅẹẹarị, ḅarana ị́ ḅịḅị kẹ ḍuko pakama ị́ ḅụụ fịnama tẹ, tẹ ḅẹẹm, ‘À KỊNỊNYANAḄỌ ḅe pulo kẹ sịḅị ḅụ sara tẹ ḅọ ḅe ḅaa tẹ.’ ”

2 Samụẹlị 19:22

Kụma Devidi nwẹnị ḅẹẹ, “Arị ọmịnị na tọ mịẹ ye nyana tẹ mịẹ ḅẹ, ọmịnị Zeruya owiapụ-awọmẹ, mịnẹ ó ḅo mịmgba ì ḍiki ḅioḅẹlẹ-a apụ ḅara sime ị̀ pịrị na-iḅi? Ḅẹḅọ-ḅẹḅọ, mịmgba Izirẹlị ḅụ ịn kịnị ḅaa na-iḅi? Kẹ gotẹ ọkọ ḅẹẹarị, à nimi-a mịnẹ mịmgba yẹrị anie Izirẹlị ḅụ amadaḅọ?”

Devidi-Anume 105:15

“Ó ye kẹ à sẹlẹ ọkị tẹ afịrịmẹnjịapụ ma lama ma; ọ̀ ḅara kẹ ị̀ ịkịankoroapụ ma lama ma.”

Devidi-Anume 17:4

À jen-apụ ḍikima tẹ si ẹkwẹn kọn-a: àrị ị́ tọn ye poki tẹ mịẹ tẹẹ: amụ à pịkị kụrọ-kụrọ aị mịẹ etela mẹnjị-a.

Devidi-Anume 57:1

Ọkụrụkụrụ nyana ị̀ pịrịị, Yei Tamụnọ, ọkụrụkụrụ nyana-a; ye ḅarị ị̀ la ḅịa ḅara ẹrẹsị arị ị́ ḍọkụma-ḅom. Ị́ pamba suku-ḅio mie à ḅọị ḅẹ anga simearị, nwenii ḍarịarị erise ma ḅọrọ.

Devidi-Anume 7:4

jen sakị à si kẹ ị̀ na dein ḅụ simearị ḅọ mịẹ tẹ ḅẹḅẹ mịẹ tẹ ḅẹḅẹ, anịanịa à kura-a ḅara kẹ jụmọ nye pụkọ ọkị tẹ ḅẹḅẹ,

1 Samụẹlị 10:1

Anịtẹso Samụwẹlị nwẹnị pulo gbọrụ kuku ọkị tẹ pulo mẹ kẹ ọ̀ sịḅị sara, tẹ ḅẹlẹma ḅara ḅụ ekpe kẹ ọ̀ lama tẹ ḅẹẹ, “KỊNỊNYANAḄỌ ḅe ị́ amadaḅọ sọ ori atomi pịrị ḅẹ ẹrẹsị pulo kẹ ị́ sịḅị sara tẹẹ. Anịsakị ị́ ama-da KỊNỊNYANAḄỌ ḅe atomi ma pịrị ḅa, tẹ ini ikelema-koro wararị ini na fịya-a apụ ma ḅara ḅụ ịn ḅọrọma ḅa. Anịsakị miemẹ elekima sọ ị́ pịrị ḅa mịnẹ KỊNỊNYANAḄỌ ḅe pulo kẹ ị́ sịḅị sara tẹ ị́ kẹ amadaḅọ sọma sime ọ̀ pịrị atomi pịrị ḅẹ ḅara:

1 Samụẹlị 12:3

Mie yẹrị mịanga ḅụ; ọ́ KỊNỊNYANAḄỌ ḅe tọrọkọ na, ò pulo kẹ sịḅị ḅụ saratẹ ḅọ ḅe tọrọkọ na ḅụ ḍie-pakama ị̀ ẹngbẹsẹẹ. Jene à tụḅọ pootẹ-nambulo anịanịa tụḅọ yedogi-nama, anịanịa inoma ḅara kẹ tụḅọ ḅara ḅụ ye ọkị tẹ? Jene tụḅọ ḅara arị ọḅụ-fị tẹ anị kẹ ị̀ atọrụngbọ pụnma tẹ? Ó ḍie-pakama ị̀ ẹngbẹsẹẹ, anịsakị arị anị pịkịma mḅọ pịrị ḅa.”

1 Samụẹlị 26:8

Anịtẹso Abisahị nwẹnị Devidi ḅẹẹ, “Tamụnọ mịmgba ị́ na fịya-a ḅọ ḅe kẹ ị́ ḅara-ḅio ị́ pịrị tẹẹ, anịẹrẹsị yee à mịọkụ gbọrụ sakị ḅụ sụḅa mẹ kẹ ò gbin kiri mẹ ḅio kpara, à maa sakị kẹ ò gbin ḅịa.”