1 Samụẹlị 26:2 - FỊAFỊA BAỊBỤLỤ

² Anieḅụ Sọlụ saakịm, tẹ Izirẹlị ḅẹ owiapụ ḅụ sẹlẹtẹ kịnị sọnọma ẹndẹ na oyia asi finji (3,000) na ideri Zifu ḅẹ ịkpa mẹ mum, in mu Zifu ḅẹ ịkpa mẹ ḅio Devidi ḍọkị ḅẹ ḅara.

1 Samụẹlị 26:2 Iomraidhean Croise

Devidi-Anume 38:12

Ị̀ ḅaa ḅẹ-ḅiiarị apụ ḍiein tuu, tuu ị̀ pịrịarị, tẹ ye kẹ ị̀ lama ḅẹ-ḅiiarị apụ ẹrẹmarị ini ị̀ fama ḅẹ ḅara; ḅẹrẹ-ḅiya ị̀ pịrị ḅụ gbala-gbala in kunoma nyana-a.

1 Samụẹlị 13:2

Sọlụ nwẹnị Izirẹlị ḅẹ owiapụ sọnọma ẹndẹ oyia asi finji (3,000) sẹlẹ ọkị; kịnị sọnọ ẹndẹ (2,000) ori na simem Mikimasi na, Bẹtẹlị tụndụ ọgọnọ ḅẹ opu sịẹ mẹ na ḅụ, tẹ kịnị maa ẹndẹ oyia asi finji (1,000) Jonatanị na simem Benijamịnị ḅẹ Gibiya ḅụ; owiapụ ma ḅụ kirikọn-apụ ma ori ịn kẹ ama fịrịmam, ọrụḅọ-ọrụḅọ so mḅọ akpụrụ-warị mum.

1 Samụẹlị 24:17

Ọ̀ nwẹnị Devidi ḅẹẹ, “Ị́yẹrị karakara ị̀ nẹngịm; kẹ gotẹ ọkọ ḅẹẹarị, ị́yẹrị iḅi kẹ ị̀ mịẹ anga ḅụ, yẹrị siye kẹ ị́ gbẹẹ tẹẹ.

1 Samụẹlị 24:2

Anịtẹso Sọlụ nwẹnị Izirẹlị mẹmgba ḅụ sẹlẹtẹ owiapụ sọnọma ẹndẹ na oyia asi finji (3,000) ọkị, tẹ so Devidi na, ori atomi na ḍọkị ḅẹ mu Piri-oḅori Ịkụ mẹ tọrọkọ.

1 Samụẹlị 24:3

Ọ̀ nwẹnị ḅo etela mẹ akaka, ini anana kokoarị awarị ma ḅụ gbọrụ fukuru emi anga la; Sọlụ nwẹnị mẹnjị anị ḅio ịnyọsara ḅẹ sọ-mu. Mịọkụ Devidi na, ori atomi na fukuru mẹ ḅio ịlụkụlụkụ ḅụ lẹgị-sime wararị.