1 Samụẹlị 2:3 - FỊAFỊA BAỊBỤLỤ

³ Ḅẹlẹma opu amịẹaị mịẹ ḅara kẹ ḅarị jen-maaịn kẹ ẹkwẹn ma, yee opu amịẹaị ẹkwẹn-ḅịḅị ḅarị ị́ ḅịḅị ḅụ paka-ḅo ma; gbala KỊNỊNYANAḄỌ ḅe anie mịẹ ye mịẹ ye nimi Tamụnọ anịsakị ori mie ye-mịẹ-ḅara ma iku tọn-arị ḅọ

1 Samụẹlị 2:3 Iomraidhean Croise

1 Amadapụ 8:39

í simearị í so-amakiri mẹ ḅio ịna tẹkẹ mẹ pokii, tẹ naa. Si-wẹrịso in pịrị tẹ ḅarasụa ịn pịrịị. Ị́yẹrị ngẹrị tomḅọ ḅioḅẹngbọ ḅẹ kuroma ḅio sime ye nimim. Ḅụọ-ḅụọ gbẹẹ ḅara kẹ ḅụọ-ḅụọ na mịẹ,

Jobu 31:6

Yee ịn karakara iku-tọn-ye ḅụ ị̀ tọn ḍiki, anịsakị yee Tamụnọ ị̀ karakara mẹ nimi!

Devidi-Anume 147:5

Wa NYANAḄỌ ḅe anie ḍụḅa na ḅaka na ḅẹ; kịnị inetẹ ò nimi la ḅara tọn nimi ḅịa.

Devidi-Anume 17:10

ini ọkụrụkụrụ nyana-a, ịn pịkị opu ẹkwẹn kọn-arị.

Devidi-Anume 31:18

Arị iruo-apụ ma aḅịḅị gbaịịn! — ini ḅụụ-gelemarị apụ ma na opu ẹkwẹn kọn-arị apụ ma na, tẹ ḍiki-sima ḅara kẹ karakaraye-mịẹapụ ma ḅụ ẹkwẹn-arị apụ ma.

Devidi-Anume 44:21

piki-pikiye-ofori ḅara ḅụ ị́ kọkọ nimi ḅa, ị́ wamịna ḅọị tẹ akuroma ma nimi fama wararị ẹrẹsị.

Devidi-Anume 75:5

À ḍuko ịn pịrịarị mịnẹ ịn ḅarị ḅụụ-boma ma.”

Devidi-Anume 94:4

Si amịẹaị mịẹ apụ ma paa ḅụụ-gelema nwenii mu tọ sakị la ḅẹ tẹ ịna si amịẹaị ma kẹ ḅụụ-boma ḅẹ?

Egberima-Ẹkwẹn 16:2

Ẹbịsịya í kuroma ḅa ị́ mịẹarị ye kuram, kụma KỊNỊNYANAḄỌ ḅe í gotẹ mịẹarị aị ma kọn-arị.

Egberima-Ẹkwẹn 24:12

Ẹbịsịya ị́ ḅẹẹ ḅa anị kẹ í gboloma anga ofori, kụma Tamụnọ í kuromarị aị nimi tẹ arị kọn-arị. Ori ị́ ẹbịarị; Ò nimi wararị. Tẹ ị́ mịẹarị ye mie ò ḍiki tẹ ị́ gbẹẹ ḅarịye.

Egberima-Ẹkwẹn 8:13

KỊNỊNYANAḄỌ ḅe mangịma mẹ anie siye ḍiki-ḅioḅu; à ḅụụ-gelemarị apụ na opu ẹkwẹn kọn-arị apụ na ḍiki-ḅioḅuarị, si etela ma na iruo ẹkwẹn ma na.

Ayịzaya 26:7

KỊNỊNYANAḄỌ, ị́yẹrị mẹnjị-ḅọrọ-anga mịẹ kpaịnma iḅi atomi pịrịarị; ịn ḅọrọ in muarị anga muarị etela mẹ ị́ lẹsẹrẹma wararị.

Ayịzaya 37:23

Í kuromarị ị́ mịẹ sima tẹ kẹ tii-tii ye mịẹarị ḅọ ḅe tụḅọ? Ị́ ị̀ mangịma-a ḅara kẹ ye mịẹtẹ, Izirẹlị tẹkẹarị Fịafịa Ḅọ ḅe.

Jerimaya 17:10

Yẹrị, KỊNỊNYANAḄỌ ḅe, anie kuroma ma sọkịrịarị ḅọ, pịkị tomina aḅioḅẹngbọ daaḍikiarị. Ọrụḅọ-ọrụḅọ kẹ ḍumo kọn-arị ḅara mie à ḍiki tẹ mḅọ na mịẹarị, mḅọ mịẹarị ye sime-ḅara.”

Izikẹlị 35:13

Ọ́ tọrụ ḅọị-a ḅara kẹ ḅụụ-boma ị̀ pịrị ye mẹ, à naam.”

Danẹlị 4:37

“Mịọkụ, yẹrị, Nebukadineza, tokini na, kụn na pịkị ebube na kẹ Tamụnọ pịrịm, ori So-ḅio ama-daarị ḅọ ḅe. Ọ̀ mịẹ ye goyegoye karakaram pịkị kuram, anị kụma ọ̀ pịkị inetẹ ḅaịn ḅara kẹ ye mịẹarị ḅọ iderima ḅa.”

Danẹlị 5:27

iku ye, in í iku-ḅara tọn ḍiki tẹ ẹrị tẹ mịnẹ í feke-feke ḅakam;

Malakayị 3:13

KỊNỊNYANAḄỌ ḅe ḅẹẹm, “Ọ́ ḅalafama aị ḍuko tẹẹ ị̀ ḅụụ ḅụ. Kụma ọ́ gbelarị, ‘wa ị̀ ḅụụ ḅụ tiye ḍuko tẹ?’

Hiburu 4:12

Tamụnọ ẹkwẹn mẹ ḍumo wararị, anị pịkị kụrọ nyana tẹ kẹ ye mịẹarị, anị oḅu maa tọrụ sụa okologie nẹngịm. Anị inetẹ pẹlẹ sọ-mu la ḅịa anga ofori, so mu tomḅọ ḍumo mẹ na mḅọ tẹmẹ na ḅo bịama wararị anga la, mu pịkị anda na iko na gboloma wararị anga sọ laarị. Anị mie tomḅọ ḅioḅẹngbọ ḅụ simearị aị na mḅọ ḅiiarị aị na, kuromarị aị ma na kọn-arị.

Jọsụwa 22:22

“Kụrọmamgba Nyana Gbọrụ Tamụnọ ḅe, KỊNỊNYANAḄỌ ḅe! Kụrọmamgba Nyana Gbọrụ Tamụnọ ḅe, KỊNỊNYANAḄỌ ḅe! Ori nimi wararị; anịsakị yee Izirẹlị ḅioju sọ nimi! Anị nwẹnị sịḅị-kụrọ, anịanịa KỊNỊNYANAḄỌ ḅe ḅụụ nyana minini kan gotẹ nama, nama, mịmgba mẹ wẹrịso wa pịrị ma!

Mịẹfinji 2:23

À pịkị á ḍukamẹnjịarị apụ ma ḅaa ḅa, anịsakị sọsị mamgba nimi ḅa mịnẹ yẹrị anie ọrụḅọ-ọrụḅọ sime-ḅara nimi ḅọ. Ọmịna ḅụ ọrụḅọ-ọrụḅọ mịẹye à nwẹn ḍiki tẹ mḅọ gbẹẹ ḅa.

Ḅẹrẹkọn-apụ 9:38

Anịtẹso Zibulu nwẹnị ọ̀ ḅẹẹ, “Ndẹẹ ị́ ḅịḅị mẹ mịọkụ, ị́yẹrị ḅe tẹ ḅẹẹm, ‘Abimẹlẹkị anie tụḅọ, tẹ wa fịrịmẹnjị ọ̀ pịrị ḅẹ?’ Mịna apụ ma anie tomi ma tẹ í ḍiki-sima apụ ma ini-a? Mịọkụ paka-mu tẹ ini na owu mẹ sọọ.”

1 Samụẹlị 16:7

Kụma KỊNỊNYANAḄỌ ḅe nwẹnị Samụwẹlị ḅẹẹ, “Ọ̀ sime-ḅara, anịanịa ò gele la ḅara ḍiki ma. Àrị ọ̀ sịkị tẹẹ ẹrẹsị, kẹ gotẹ ọkọ ḅẹẹarị, à tomḅọ ye ḍiki ḅara kẹ ye ḍiki-a. Tomḅọ paka-ḅo tẹ sime-ḅara mie tomi ḍikiarị ye, kụma yẹrị, ḅioḅẹngbọ mẹ mịẹ à ḍikiarị ye.”