1 Samụẹlị 2:2 - FỊAFỊA BAỊBỤLỤ

² KỊNỊNYANAḄỌ ḅe fịafịa ḅara fịafịa gbọrụḅọ-sọ ofori í sikima gbọrụḅọ-sọ ofori; wamịna Tamụnọ pembema ịkụ ofori.

1 Samụẹlị 2:2 Iomraidhean Croise

2 Samụẹlị 22:3

Ị̀ Tamụnọ, ị̀ ịkụ, ḅụụ ḅụ à ḅụụ ḅọịarị ḅọ, ị̀ ekpeke, ị̀ ḅọrọma ịfalị ḅe, ị̀ kụrọtẹ ḅọị anga pịkị ị̀ ḅụụ ḅọị yọ, ị̀ ḅọrọmaḅọ; ị́yẹrị ye kẹ kịnị lama ye ḅụ ị̀ ḅọrọmam.

2 Samụẹlị 22:32

KỊNỊNYANAḄỌ ḅe sikima kụma, tụḅọ Tamụnọ? Anịsakị wamịna Tamụnọ ḅe sikima kụma ịkụ anie tụḅọ?

2 Samụẹlị 7:22

Ọkọẹrẹsị ị́ ḍụḅam, yei KỊNỊNYANA-TAMỤNỌ; kẹ gotẹ ọkọ ḅẹẹarị, ị́ pembema ḅọ ofori, anịsakị í sikima jen Tamụnọ ofori, wa wẹrịtẹ wamịna aḅeri kẹ naa tẹ aị mamgba ḅụ.

1 Amadapụ 8:23

tẹ ḅẹẹ, “Yei KỊNỊNYANAḄỌ, Izirẹlịapụ tẹkẹarị Tamụnọ, So-ḅio ḅẹ ọgọnọ-jụ ḅụ na suku-ḅio ḅẹ kiri mẹ na ḅụ í pembema Tamụnọ ofori! Ị́ ị́ atomi ma na fị ọḅọkụ mẹ kokom tẹ ị́ ḅẹlẹma kẹ ịn ḍiem ini ịna bebe ḅioḅẹngbọ mẹmgba kẹ ị́ ḅịḅị poki tẹ ị́nịna anga sakị sakị

Devidi-Anume 111:9

Ori ori atomi ma mịẹ tẹ ini ịna asịḅị atomi sọm, pịkị sime gbamaso ọḅọkụ kẹ ini na fịm. Ori Fịafịa na opu kụrọ na Ḅọ!

Devidi-Anume 18:2

KỊNỊNYANAḄỌ ḅe anie ì kikimarị ḅọ; ori owu inetẹ ḅo ị̀ la ḅịa anga sọ ị̀ pịrị tẹ. Ị̀ Tamụnọ anie ị̀ gbaịn-arị ḅọ, ọ̀ ḅara-ḅio ị̀ la-la ye ofori. Ori ekpeke sọ ị̀ pịrị wararị; ori ị̀ ḍụa tẹ ì koko kpaịnmarị.

Devidi-Anume 18:31

KỊNỊNYANAḄỌ ḅe ngẹrị anie Tamụnọọ! Tamụnọ ngẹrị anie wa ḍụarịḅọ.

Devidi-Anume 71:19

Tamụnọ, ị́ karakara mịẹ mẹ iwo mu So-tọrụ laarị. Í opu akọrịnama kọrị tẹ; ị́ kịka gbọrụḅọ-sọ ofori.

Devidi-Anume 71:3

Ye tolu ḅo ị̀ la ḅịa sịḅị-kikima-anga sọ ị̀ pịrị tẹ iḅi kụrọnị-anga sọ tẹ ị̀ gbaịn; ị̀ ḅụụ-ḅọị-yọ pịkị ḍụa anga.

Devidi-Anume 73:25

Jen tẹ à nyana ye tiye So-ḅio, í sikima tẹ? Àrị ị́ nyana wararị sakị goyegoye, àrị inetẹ nyana ḅii ḅẹ jen ye pịkị tiye tomikiri ḅụ?

Devidi-Anume 86:8

Ị́ kịka jen Tamụnọ ofori, Yei KỊNỊNYANAḄỌ, ị́ kọrị tẹ ye kọrị tẹ jen gbọrụḅọ-sọ ofori.

Devidi-Anume 89:6

KỊNỊNYANAḄỌ, So-ḅio gbọrụḅọ-sọ ị́ kịka-a; So-ḅio ḅẹ apụ ma ḅụ ị́ na gbasị ḅọ ofori.

Devidi-Anume 89:8

KỊNỊNYANAḄỌ, kụrọmamgba Nyana Tamụnọ, gbọrụḅọ-sọ opu kụrọ nyana ị́ na gbasị-a; Yei KỊNỊNYANAḄỌ, ye mamgba ḅụ ḅioḅẹngbọ kẹ ị́ ḅụụ ḅụ gbana na-iḅim.

Devidi-Anume 99:3

Ḅẹḅọ-ḅẹḅọ ori opu ḅaka ẹrẹ mẹ tokini ḅa. Fịafịa anie ori!

Devidi-Anume 99:5

KỊNỊNYANAḄỌ wamịna Tamụnọ ḅe tokini; sunsin ọ̀ pịrị ori emine tọrọkọ ḅụ! Fịafịa anie ori!

Devidi-Anume 99:9

Ọ̀ KỊNỊNYANAḄỌ wamịna Tamụnọ ḅe tokini, tẹ ọ̀ fịafịa tụndụ akaka ḅụ sunsin ọ̀ pịrị! KỊNỊNYANAḄỌ wamịna Tamụnọ ḅe fịafịaḅọ.

Paka-so 15:11

Yei KỊNỊNYANAḄỌ, oru-atamụnọ ma ḅụ, ị́ kịkaḅọ tụḅọ? Ama-da opu ḅụ fịafịa, ị́ kịkaḅọ tụḅọ? Ebube nyana amịẹaị ḅụ ḅalafama, tẹ ḅụụ-gbiripuma-aị kọrịarịḅọ tụḅọ?

Ayịzaya 40:18

Wa inetẹ kẹ Tamụnọ na pii-pii ḅẹẹ ḅarị ḅọ tụḅọ? Ndẹẹ í inetẹ ọ̀ kịkaye sime-ḅara ḍuko ḅẹ ḅara?

Ayịzaya 44:6

KỊNỊNYANAḄỌ, ḅẹrẹtọn Izirẹlị pịrị, pịkị à gbaịn-arị ḅọ ḅe, Kụrọmamgba nyana KỊNỊNYANAḄỌ ḅe ḅẹẹm: Yẹrị anie Tarị, pịkị Kunoma, kpọkpọ gbọrụ Tamụnọ ḅẹ; jen tamụnọ ofori, kụma yẹrịị.

Ayịzaya 44:8

Ọ́ ḅalafa ma, ị̀ atomi! Ó nimi wararị mịnẹ elemu sakị kụra ḅio ọkị-ḅo mịọkụ la paka ḅẹ ye mamgba à ḍuko wẹrịm, ọmịnị mie ị̀ ḅẹrẹ-kiri sime apụ. Jen tamụnọ emi? Kụrọ nyana lama wararị tamụnọ tẹ gbala-gbala amụ àrị ẹrẹ naa-a ḅọ emi?

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Ayịzaya 6:3

Ịn jụmọ-jụmọ sịn tẹ ḅẹẹm, “Fịafịa, fịafịa, fịafịa! Kụrọmamgba nyana KỊNỊNYANAḄỌ ḅe anie Fịafịa Ḅọ! Ori ebube tomikiri mẹ ḅin wararị.”

Jerimaya 10:6

KỊNỊNYANAḄỌ, ị́ kịka gbọrụḅọ-sọ ofori; ị́ opu kụrọ nyana wararị, tẹ ị́ ẹrẹ opu na kụrọ na ẹrẹ.

Lẹvitikọsị 11:44

Kẹ gotẹ ọkọ ḅẹẹarị, Yẹrị anie KỊNỊNYANAḄỌ ọmịna Tamụnọ ḅee; ọmịnị anịẹrẹsị ọmịna aḅụụ mịẹ fịafịamaa; gbala à fịafịa wararị ẹrẹsị. Ọ́ gbọrụ ḍọkọḍọkọtẹ ogbo ḅụ mẹnjịarị ye tẹ kiri mẹ ọgọnọ ikiriarị ye sọ kẹ ọmịna aḅụụ pilema ma.

Lẹvitikọsị 11:45

Kẹ gotẹ ọkọ ḅẹẹarị, Yẹrị anie KỊNỊNYANAḄỌ ḅe tẹ Ijiputi ama mẹ ḅio ọmịna Tamụnọ sọ ḅẹ ẹrẹsị ọ́ pakama-ḅo ḅọọ ọkọẹrẹsị ọ́ fịafịa ḅa, kẹ gotẹ ọkọ ḅẹẹarị, Yẹrị à fịafịa wararị.”

Lẹvitikọsị 19:2

“Izirẹlịapụ ma tomina-ogbo mẹmgba ḅẹẹ, ó fịafịa ḅara simee, gbala Yẹrị KỊNỊNYANAḄỌ ọmịna Tamụnọ ḅe à fịafịa wararị ẹrẹsị.

Romu 15:4

Fịafịa Ḍiri mẹ ḅio kẹẹ ye goyegoye, ịn kẹ ye kẹ wa toluma ḅẹ ẹrẹsị ini anị kẹẹm, mịẹtẹ ịn kẹẹ aị ma kẹ wa pịrị ḅarị ye-inema na ḅiokpọma na ḅụ, wa ḅọrọ tẹ ḅiokpọ nyana ḅarị ḅara.

Romu 4:8

KỊNỊNYANAḄỌ ḅe si kịẹn pịrị-a ḅọ mẹ mḅọ ḅioḅẹlẹẹ!”

Ditẹrọnọmị 3:24

Yei KỊNỊNYANA-TAMỤNỌ, ị́ ḍụḅa mẹ na, í opu ḅara mẹ na mie ị́ paa kẹ saakị ị́ fịrịmẹnjịḅọ ḍie tẹ ye, kẹ gotẹ ọkọ ḅẹẹarị, tọ oru-tamụnọ So-ḅio anịanịa kiri ḅio emi tẹ inetẹ ị́ akọrịnama ma na, ị́ mịẹ opu aị ma na mịẹ ḅẹ?

Ditẹrọnọmị 32:20

Tẹ ọ̀ ḅẹẹm: Àrị in aḅụụ ị̀ tọrụ ḅọị ḅa, arị ịna kunoma sime ḅẹ ḅara ẹrị ḅa gbala ini anie karakaraye mịẹ-a ḅụọ ḅẹ apụ, awọmẹ tẹ minini ḅụụ ḅụ ofori apụ.

Ditẹrọnọmị 32:39

Mịọkụ ọmịnị ẹrị mịnẹ yẹrị, jen-a jen-a yẹrị anie orii, anịsakị ì sikima jen tamụnọ ofori; à kịnị-ḅaarị, à pịkị kịnị-ḍumomarị; à ye kẹ kịnị lamarị, à pịkị kịnị gwọarị; anịsakị gbọrụḅọ tẹ inetẹ ị̀ ḅara ḅụ ḍụa pakama-ḅo ḅẹ ḅọ sọ ofori.

Ditẹrọnọmị 32:4

Ịkụ Ḅe, ọ̀ kọrịnama kara gbasịm; kẹ gotẹ ọkọ ḅẹẹarị, ori etela mamgba ḅụ, karakara ḅẹrẹkọn emii. Iri mịẹye-ofori, tẹ minini ḅụụ ḅụ ḅin wararị gbọrụ Tamụnọ; karakara na kuraye na anie orii.

Ditẹrọnọmị 4:35

Ọmịnị mie ini anị kẹ ḍie ye, mịẹtẹ ó nimi ḅẹ ḅara mịnẹ KỊNỊNYANAḄỌ ḅe anie Tamụnọ; ò sikima jụmọ ofori.

Ditẹrọnọmị 4:39

Anịẹrẹsị mịmgba ó nimi tẹ kẹ ọmịna ḅioḅẹngbọ ḅụ sụa mịnẹ KỊNỊNYANAḄỌ ḅe anie Tamụnọ ọgọnọ-jụ simearị so mẹ ḅio na, suku-ḅio simearị kiri mẹ ḅio na ḅụ; jụmọ ofori.

1 Pita 1:16

Fịafịa Ḍiri mẹ mẹẹ, “À fịafịa wararị ẹrẹsị ọmịnị sọ fịafịa.”