1 Samụẹlị 18:3 - FỊAFỊA BAỊBỤLỤ

³ Anịtẹso Jonatanị nwẹnị Devidi na ọḅọkụ fị. Gbala ori ò soku-ḅẹ tẹmẹ ḅẹlẹma ḅara kẹ ọ̀ ḅẹlẹmam ẹrẹsị.

1 Samụẹlị 18:3 Iomraidhean Croise

2 Samụẹlị 21:7

Kụma amadaḅọ ḅe na Jonatanị na KỊNỊNYANAḄỌ ḅe tọrọkọ fị wararị ọḅọkụ mẹ gotẹ, ọ̀ nwẹnị Mẹfibosẹtị Jonatanị owiḅọtụḅọ, pịkị Sọlụ taa-owiḅọtụḅọ ḅe wẹrịso.

Egberima-Ẹkwẹn 18:24

Ja ikia ma ene la-laa, kụma ja ikiapụ ḅioḅẹngbọ-kẹ-sịrẹrẹ-niḅi ḅara sime mịnapụ nẹngịm.

1 Samụẹlị 19:1

Sọlụ nwẹnị ẹkwẹn ori owiḅọtụḅọ Jonatanị na, ori afịrịmẹnjịapụ na pịrị mịnẹ in Devidi ḅaa. Kụma Sọlụ owiḅọtụḅọ Jonatanị Devidi ḅẹlẹma lama wararị.

1 Samụẹlị 20:41

Tẹ owiḅọtụḅọ ḅe paa so gbọrụ sakị, Devidi nwẹnị kpoli wararị aḍụḅarị ma akaka ḅụ saakị, tẹ ọ̀ tọrụkuḅu kẹ kiri-ḅio ḅịkị-koro, tẹ tẹra asakị kẹ sịḅị-tuu, tẹ in nwẹnị ḅẹlẹma ḅara ḅụ ekpe kẹ jụmọ-jụmọ fịnama, tẹ tẹmẹ-la ḅara kẹ owu gbolomam, nwenii Devidi siin amịna ḅụụ kẹ ḅiokoromam.

1 Samụẹlị 20:42

Anịtẹso Jonatanị nwẹnị Devidi ḅẹẹ, “Dein na muu, wamịnị maa apụ ma KỊNỊNYANAḄỌ ḅe ẹrẹ ḅụ ḅụụ-pikima tẹẹ, tẹ ḅẹẹm, ‘KỊNỊNYANAḄỌ ḅe ogbo-sịẹḅọ sọ yẹrị na ị́yẹrị na, ị̀ ḅụụ paka-ḅo apụ na, ị́ ḅụụ paka-ḅo apụ na pịrị gbamasoo.’ ” Tẹ Devidi nwẹnị saakị tẹ mẹnjị so; Jonatanị nwẹnị pịkị so opu ama mẹ ḅio mu.

1 Samụẹlị 22:8

mịẹ ọmịnị-mgba ḅẹrẹ-ḅiya ị̀ pịrị tẹ ye? Ì owiḅọtụḅọ ḅe Jese owiḅọtụḅọ ḅe na ḅarasụa jụmọ-jụmọ pịrị gbọrụ ḅụụ sime nyana sakị, gbọrụḅọ-sọ ì ḍiki-sịḅịjịrị-a, anịanịa mịẹ-pakama ị̀ pịrị mịnẹ ì owiḅọtụḅọ ị̀ fịrịmẹnjịḅọ toluma tẹ ori owu kẹ ị̀ ẹbị wararị anị wẹrịtẹ mịmgba mẹ ḅụ sime-ḅara.”

1 Samụẹlị 23:18

Tẹ ini maa apụ ma nwẹnị KỊNỊNYANAḄỌ ḅe tọrọkọ ọḅọkụ fị. Devidi Horesi ḅụ simem tẹ Jonatanị nwẹnị so ama mu.