1 Samụẹlị 13:3 - FỊAFỊA BAỊBỤLỤ

³ Jonatanị Filisiteni ḅẹ ọmụ-ogbo mẹ tẹ Geba ḅụ sime ye mẹ nẹngịmam; tẹ Filisiteniapụ ma anị gbolomaye naam. Tẹ Sọlụ nwẹnị ọdụ mẹ ofuro ama mẹmgba ikelema-koro, tẹ ḅẹẹm, “Yee Hiburu ḅẹ apụ ma naa.”

1 Samụẹlị 13:3 Iomraidhean Croise

2 Samụẹlị 2:28

Anieḅụ Johabụ ọdụ mẹ ofurom, tẹ tomi mamgba daasịẹm, tẹ ḅarị jen-maaịn kẹ Izirẹlị ḍuka, anịanịa owu-sọ-a.

2 Samụẹlị 20:1

Mị sakị mẹ ḅụ gbọrụ papaa tomḅọ anịjụ sime simem, oriḅe ẹrẹ anie Sẹba, Benijamịnị furo ḅẹ gbọrụ Bikiri owiḅọtụḅọ; tẹ ọ̀ nwẹnị ọdụ mẹ ofuro, tẹ ḅẹẹ: Wa Devidi ḅụụ gbọrụ ḍiekiri sọ nyana-a, anịsakị wa Jese owiḅọtụḅọ ḅe ḅụụ sime anga so nyana-a; ọrụḅọ-ọrụḅọ so amịna akpụrụ-warị muu, yei Izirẹlị!

2 Samụẹlị 23:14

Anị sakị mẹ ḅụ Devidi kụrọ-tẹịn anga mẹ ḅụ emi, tẹ Filisiteni ḅẹ ọmụ-ogbo mẹ pịkị anị sakị mẹ ḅụ Bẹtịlịhẹmụ ḅụ emi.

Ayịzaya 10:29

Ịn saḅa ḅọrọ anga mẹ ḅọrọ ḅo tẹ ḍin mẹ kẹ Geba ḅụ simearị! Rama ḅẹ apụ tẹmẹ-naịn-naịnarị, tẹ Ama-da Sọlụ ama Gibiya ḅe apụ ama koroma mangị-so tẹ.

Zẹkaraya 14:10

Bebe iri mẹ, ọgọnọ-jụ Geba ḅụ ọkị-ḅo suku-jụ Rimọnị la, ịn ḅaa lẹsẹrẹma ḅa. Jeruselemu gele fa anị ikelema-koro kiri mẹ nẹngị ḅa; opu ama mẹ Benijamịnị Ogigo-ḅọkọ ḅụ nangwọ mu Ịkọlị Ogigo-ḅọkọ mẹ la ḅa, anie tarị ḅụ ogigo sime-sime anga mẹ, pịkị Hananẹlị Tawa ḅụ ọkị mu amadaḅọ iru pọnjị ayọ ma la.

Jọsụwa 18:24

Kẹfaramọnị na, Ofini na, Geba na — oyi maa opu ama finji na arịḅẹ kala-ama ma na kẹ arị ḅụ sụa.

Jọsụwa 21:17

anịtẹrẹmẹ Benijamịnị furo ḅụ Gibiyọnị na, anị ḅẹ osuka-akiri na kẹ sụa, Geba na, anị ḅẹ osuka-akiri na kẹ sụa,

Ḅẹrẹkọn-apụ 3:27

Ò mu laa tẹso, ọ̀ Iferemu tụndụ ọgọnọ ḅẹ opu sịẹ mẹ ḅio ọdụ ofuro; tẹ Izirẹlịapụ nwẹnị Iferemu tụndụ ọgọnọ ḅẹ opu sịẹ mẹ ḅụ ori na ideri mu, ori ịna sịḅịdaḅọ ḅara ḅụ.

Ḅẹrẹkọn-apụ 6:34

Kụma KỊNỊNYANAḄỌ ḅe kụrọ mẹ ḅo Gidiyọnị ḅụụ sọm, tẹ ori ọdụ mẹ ofurom, kẹ Abiyeza ḅẹ apụ ma sịn pakama-ḅo tẹ ini ò ḍuka mu.

1 Samụẹlị 10:5

Aniemẹ ḅọrọ sakị í ḅo Gibiyati-elohimu ḅụ Filisiteniapụ ma gbọrụ ọmụ-ogbo simearị anga la ḅa; anịsakị anịjụ í ḅo opu ama mẹ laarị ogbo, ị́ ịkịankoroapụ ogbo na bịama ḅa, ịna tọrọkọ ḅụ ini ọbọ na, nyẹịn-nyẹịn fiearị farị-aị na, ofuro-ofuro-aị na, alili na farị ma gele yọ mẹ ḅụ iderima-ḅoarị, tẹ ịkịankoroarị.

1 Samụẹlị 13:16

Sọlụ na, ori owiḅọtụḅọ Jonatanị na, tomi ma tẹ ori na sime apụ ma na nwẹnị Benijamịnị ḅẹ Gibiya ḅụ sime; kụma Filisiteniapụ ma Mikimasi ḅụ akpụrụ-warị pike tẹ simem.