1 Samụẹlị 13:2 - FỊAFỊA BAỊBỤLỤ

² Sọlụ nwẹnị Izirẹlị ḅẹ owiapụ sọnọma ẹndẹ oyia asi finji (3,000) sẹlẹ ọkị; kịnị sọnọ ẹndẹ (2,000) ori na simem Mikimasi na, Bẹtẹlị tụndụ ọgọnọ ḅẹ opu sịẹ mẹ na ḅụ, tẹ kịnị maa ẹndẹ oyia asi finji (1,000) Jonatanị na simem Benijamịnị ḅẹ Gibiya ḅụ; owiapụ ma ḅụ kirikọn-apụ ma ori ịn kẹ ama fịrịmam, ọrụḅọ-ọrụḅọ so mḅọ akpụrụ-warị mum.

1 Samụẹlị 13:2 Iomraidhean Croise

2 Samụẹlị 20:1

Mị sakị mẹ ḅụ gbọrụ papaa tomḅọ anịjụ sime simem, oriḅe ẹrẹ anie Sẹba, Benijamịnị furo ḅẹ gbọrụ Bikiri owiḅọtụḅọ; tẹ ọ̀ nwẹnị ọdụ mẹ ofuro, tẹ ḅẹẹ: Wa Devidi ḅụụ gbọrụ ḍiekiri sọ nyana-a, anịsakị wa Jese owiḅọtụḅọ ḅe ḅụụ sime anga so nyana-a; ọrụḅọ-ọrụḅọ so amịna akpụrụ-warị muu, yei Izirẹlị!

2 Samụẹlị 21:6

yee ori sọnọma owiapụ-awọmẹ ị́ nwẹn kẹ wa pịrị, mịẹ tẹ Gibiyọnị ḅụ, KỊNỊNYANAḄỌ ḅe tụndụ mẹ ọgọnọ, wa KỊNỊNYANAḄỌ ḅe tọrọkọ ịn kpọ-ḅaa ḅẹ ḅara.” Amadaḅọ ḅe nwẹnị pakịrị, “Arị ịn kẹ ọ́ pịrị ḅa.”

2 Samụẹlị 23:29

Nẹtofa ḅẹ Bẹnaya owiḅọtụḅọ Hẹlẹbụ ḅe na, Gibiya, Benijamịnị furo-ḅẹ-apụ ma ḅẹ Ribayị owiḅọtụḅọ Itayi ḅe na,

Ẹzịra 2:27

Mikimasi ḅẹ owiapụ kịnị sonioa si maa apụ finji (122).

Nehimaya 11:31

Benijamịnị ḅẹ apụ ma so Geba ḅụ saakị Mikimasi na, Ahija na, Bẹtẹlị na arịḅẹ kala-ama ma na,

Jọsụwa 18:28

Zela na, Halẹfu na, Jebusi (anie Jeruselemu) na, Gibiya na, Kiriyati-jeharimụ na — ngei opu ama fa jei na, arị ḅẹ kala-ama ma na kẹ arị ḅụ sụa. Miemẹ anie Benijamịnị furo mẹ ḅẹ sime anga mẹ, anị ḅẹ afuro ma wẹrịtẹ sime-ḅara ḅụ.

Jọsụwa 22:6

Anịtẹso Jọsụwa nwẹnị ịn boma, tẹ ịn fịrịma mu; tẹ ịn nwẹnị so ịna ama ma mu.

Ḅẹrẹkọn-apụ 19:12

Ọ̀ sịḅịdaḅọ ḅe nwẹnị ọ̀ ḅẹẹ, “Wamịnị igoniapụ, tẹ sime Izirẹlịapụ pịrị-a apụ opu ama mẹ agba tẹ anị ḅio sọ-mu ḅịa; kụma wa ḅọrọ so Gibiya mu ḅa.”

1 Samụẹlị 10:26

Sọlụ sọ so ori ama Gibiya mum, tẹ inima tẹ Tamụnọ ḅara kẹ ḅioḅẹngbọ lama tẹ ḅiokpọtẹ ọmụgbin ḅara-ḅaatẹ apụ nwẹnị ọ̀ ḅụụ sọ tẹ ori na mu.

1 Samụẹlị 10:5

Aniemẹ ḅọrọ sakị í ḅo Gibiyati-elohimu ḅụ Filisiteniapụ ma gbọrụ ọmụ-ogbo simearị anga la ḅa; anịsakị anịjụ í ḅo opu ama mẹ laarị ogbo, ị́ ịkịankoroapụ ogbo na bịama ḅa, ịna tọrọkọ ḅụ ini ọbọ na, nyẹịn-nyẹịn fiearị farị-aị na, ofuro-ofuro-aị na, alili na farị ma gele yọ mẹ ḅụ iderima-ḅoarị, tẹ ịkịankoroarị.

1 Samụẹlị 13:1

Sọlụ sịḅị kụra suei ḅọrọ tẹso, ò ḅo amadaḅọ sọm, tẹ kụra amesi kẹ ama-da Izirẹlị pịrịm. Ọ̀ maa akụra kẹ ama-da tẹso,

1 Samụẹlị 13:11

Samụwẹlị nwẹnị ọ̀ ḅẹẹ, “Ị́ nwẹn mịẹ ye mẹ í tiye mịẹ tẹ?” Sọlụ nwẹnị pakịrị, “Àrị ẹrịm mịnẹ tomi ma ị̀ ḅụụ ḅụ gala-galarị, anịsakị ị́yẹrị pịkị ị́ pẹlẹ ene ma ḅụ ḅo-a, tẹ Filisiteniapụ ma pịkị Mikimasi ḅụ ḅụụ tẹlẹma tẹẹ,

1 Samụẹlị 13:15

Samụwẹlị nwẹnị saakị tẹ Giligalị ḅụ iwo so Benijamịnị ḅẹ Gibiya mu. Sọlụ nwẹnị inima tẹ ori na sime apụ ma kịẹn, ini kịnị ẹndẹ oyia asi finji pembe apụ.

1 Samụẹlị 13:16

Sọlụ na, ori owiḅọtụḅọ Jonatanị na, tomi ma tẹ ori na sime apụ ma na nwẹnị Benijamịnị ḅẹ Gibiya ḅụ sime; kụma Filisiteniapụ ma Mikimasi ḅụ akpụrụ-warị pike tẹ simem.

1 Samụẹlị 13:23

Filisiteni ḅẹ ọmụ-ogbo mẹ nwẹnị paka Mikimasi ḅẹ mẹnjị-ḅọrọ-anga mẹ mu.

1 Samụẹlị 13:5

Filisiteniapụ ma nwẹnị Izirẹlị na owu sọ ḅẹ kirimẹnjị-ọmụarụ tẹra puku, jeia ẹndẹ finji (30,000) tẹlẹma, asụ-dọkụ-ọmụapụ kịnị jeia ẹndẹ (6,000) na pekele-ḍiki tẹ sẹlẹ-ọkị, ḅụọ kẹ mẹnjị ọmụgbin-apụ itu kụma mịmọ ọgọnọ ḅẹ onwi sara ḅara saratẹ inweni-ogbo sẹlẹ-ọkị; in nwẹnị iwo Mikimasi dama-mu, anie Bẹtị-aveni ḅẹ ịrụa-saakịarị-anga mẹ, tẹ akpụrụ-warị pike tẹ kobiri.

1 Samụẹlị 14:31

Anị ene mẹ ḅụ Mikimasi ḅụ in Filisiteniapụ ma ḅaa sara ma mu Ahijalọnị lam. Tẹ ịnyọ nwẹnị tomi ma ta lama.

1 Samụẹlị 14:5

Arịḅẹ gberie Mikimasi tọrọkọ ḅụ ọgọnọ-jụ saakịm, osi ye suku-jụ ḅụ Geba tọrọkọ ḅụ saakịm.

1 Samụẹlị 14:52

Sọlụ ene mamgba ḅụ ọ̀ kụrọ-kụrọtẹ owu kẹ Filisiteniapụ ma na sọm; anịsakị Sọlụ, ịnyọ nyanatẹ ḅẹẹ owiḅọ-owiḅọ, anịanịa ḅiokpọtẹ kụrọma owu-sọarị owiḅọ ẹrị sakị ẹrị sakị, ori mḅọ ọkị ọ̀ ḅụụ sụam.

1 Samụẹlị 15:34

Anịtẹrẹmẹ Samụwẹlị so Rama mum, tẹ Sọlụ nwẹnị iwo so ọ̀ warị mu Sọlụ ḅẹ Gibiya ḅụ.

1 Samụẹlị 24:3

Ọ̀ nwẹnị ḅo etela mẹ akaka, ini anana kokoarị awarị ma ḅụ gbọrụ fukuru emi anga la; Sọlụ nwẹnị mẹnjị anị ḅio ịnyọsara ḅẹ sọ-mu. Mịọkụ Devidi na, ori atomi na fukuru mẹ ḅio ịlụkụlụkụ ḅụ lẹgị-sime wararị.

1 Samụẹlị 26:2

Anieḅụ Sọlụ saakịm, tẹ Izirẹlị ḅẹ owiapụ ḅụ sẹlẹtẹ kịnị sọnọma ẹndẹ na oyia asi finji (3,000) na ideri Zifu ḅẹ ịkpa mẹ mum, in mu Zifu ḅẹ ịkpa mẹ ḅio Devidi ḍọkị ḅẹ ḅara.

1 Samụẹlị 8:11

Ori ḅẹẹm, “Mịna aḅara ma mie amadaḅọ ḅe tẹ ama mẹ da ọ́ pịrị ḅarị ḅọ ḅe etela ma sime ḅarị ḅara: ori ọmịna owiapụ-awọmẹ ma ọkị tẹ in tọn ò kirimẹnjị-ọmụarụ pịrị na, ori asụ-dọkụ-ọmụapụ na, ori kirimẹnjị-ọmụarụ ma tọrọkọ mangị-na-koro-na apụ mịẹ ḅa;