1 Samụẹlị 11:9 - FỊAFỊA BAỊBỤLỤ

⁹ In nwẹnị oku-mẹnjịapụ ma tẹ oku mẹ kẹ ḅo apụ ma ḅẹẹ, “Mị-ḅara mie ọ̀ kẹ Jabẹsị-giliyadị ḅẹ apụ ma ḅẹẹ ḅarị ḅara, ‘ḅaa ḅụ ịrụa mẹ ọfịrị ḅẹ sakị, ọ́ ḍụa-ḅọrọmaḅọ nyana ḅa.’ ” Oku-mẹnjịapụ ma ḅo ḍuko Jabẹsị ḅẹ apụ ma pịrị tẹso, in nwẹnị ḅioḅẹlẹ.

1 Samụẹlị 11:9 Iomraidhean Croise

2 Samụẹlị 2:5

Devidi nwẹnị oku-mẹnjịapụ kẹ Jabẹsị-giliyadị ḅẹ owiapụ ma fịrịma, tẹ ịn ḅẹẹ, “Yee KỊNỊNYANAḄỌ ḅe ó boma, ọ́ mị sịḅị-tuu mẹ nyana Sọlụ ọ́ nyanaḅọ ḅe pịrị, tẹ ò ḍiḅi ye mẹ ẹrẹsị!

1 Paka-aị 10:12

ḅiokpọ tẹ ịnyọ nyana apụ mamgba nwẹnị saakị tẹ mu Sọlụ na, ori owiapụ-awọmẹ ma na oju-akpakpa ma ọkị Jabẹsị ḅo. Ini ịna mgbe ma kẹ Jabẹsị ḅụ oku nwẹn siin opu sịn suku ḅụ ḍiḅim tẹ sọnọma aḍin kẹ ḅuru-ịmọm.

Devidi-Anume 18:17

Ò si kẹ ị̀ tọn koro apụ ma aḅara-ḅio ị̀ pụkọ-pakamaḅom pịkị ì ḍiki-ḅioḅuarị apụ ma aḅara-ḅio ịn kụrọ ị̀ nẹngị ḅakam.

Ḅẹrẹkọn-apụ 21:8

Ịn nwẹnị gbela, “Izirẹlị ḅẹ afuro ma ḅụ tọ gbọrụ furo KỊNỊNYANAḄỌ ḅe ḍọkụma-ḅo ḅẹ Mizipa ḅọ-a?” In nwẹnị ḍọkị-ẹrị mịnẹ Jabẹsị-giliyadị ḅụ gbọrụḅọ-sọ akpụrụ-warị mẹ ḅo tẹ kobiri mẹ ḅo-a.

1 Samụẹlị 11:10

Anịẹrẹsị Jabẹsị ḅẹ apụ ma nwẹnị Nahasi ḅẹẹ, “ḅaa ḅụ wa wamịna-aḅụụ saakị ị́ pịrị ḅa, tẹ í inetẹ ḍiki tẹ ị́ ḅụụ ḅẹlẹ ḅara ḅẹlẹ ḅara kẹ wa mịẹ ḅa.”

1 Samụẹlị 11:8

Bẹzẹkị ḅụ ori in kobiri tẹ in pekele-ḍiki sakị Izirẹlịapụ ḅụ kịnị tẹra puku ofori puku amesi, oyi ẹndẹ finji (300,000), anịsakị Juda ḅẹ apụ ḅụ kịnị tẹra puku jeia ẹndẹ finji (30,000) ọ̀ nwẹn ọkịm.

1 Samụẹlị 31:11

Kụma Jabẹsị-giliyadị ḅụ sime apụ ma, Filisiteniapụ ma kẹ Sọlụ mịẹ tẹ ye mẹ naa tẹso,