1 Samụẹlị 11:4 - FỊAFỊA BAỊBỤLỤ

⁴ Oku-mẹnjịapụ ma ḅo Gibiya, Sọlụ simearị ama mẹ la tẹso, in nwẹnị ḅẹrẹ mẹ ḍuko-sụa tomi ma aḅeri ḅio suu; tẹ tomi mamgba nwẹnị sule ḅara kẹ tẹmẹ-la owu kọn.

1 Samụẹlị 11:4 Iomraidhean Croise

Suku-saakị 27:38

Ịsọ nwẹnị ọ̀ ḍa ḅẹẹ, “Gbọrụ boma kịngẹ sọ í nyana-a mọ, ị̀ ḍa? Ì bomaa, yẹrị sọ bomaa, yei ị̀ ḍa,” Tẹ Ịsọ nwẹnị ọ̀ pọkọ saakị tẹ tẹmẹ-la ḅara kẹ owu.

2 Samụẹlị 21:6

yee ori sọnọma owiapụ-awọmẹ ị́ nwẹn kẹ wa pịrị, mịẹ tẹ Gibiyọnị ḅụ, KỊNỊNYANAḄỌ ḅe tụndụ mẹ ọgọnọ, wa KỊNỊNYANAḄỌ ḅe tọrọkọ ịn kpọ-ḅaa ḅẹ ḅara.” Amadaḅọ ḅe nwẹnị pakịrị, “Arị ịn kẹ ọ́ pịrị ḅa.”

1 Paka-aị 12:3

Sịḅịdaḅọ ḅe anie Ayiheze, Johasị ọ̀ palịm, ini maa apụ ma anie Sema Gibiya ḅẹ ḅọ ḅe owiapụ-awọmẹ; pịkị Azimavẹtị owiapụ-awọmẹ Jazịyẹlị na, Pẹlẹti na; Bẹraka na, Jehu, Anatọtị ḅẹ ḅo ḅe na,

Romu 12:15

Ó ḅioḅẹlẹarị apụ na sọ tẹ ḅioḅẹlẹẹ; tẹ owuarị apụ na sọ tẹ owuu.

1 Kọrịntị 12:26

Oju mẹ ḅẹ gbọrụ pakịrị tọrụsiẹrịarị ḅẹḅẹ, osi apakịrị mamgba anị na sọ tẹ tọrụsiẹrịarị; ịn gbọrụ pakịrị tokinim ḅẹḅẹ, osi apakịrị mamgba anị na sọ tẹ ḅioḅẹlẹarị.

Galesiya 6:2

Ọ́ ḅarasụa tẹ jụmọ-jụmọ ikuye dogii, tẹ mị ḅọkọ ḅụ mie ọ́ ḅọrọ tẹ Kịrayịsị oloko mẹ koko ḅarịye.

Hiburu 13:3

Ọmịnị ikoli-warị ḅio emi apụ kẹ ḅiokoromaa, gbala ọmịnị sọ ini na ikoli mẹ sọ wararị ọkụ. Ọ́ tọrụsiẹrịarị apụ kẹ ḅiokoromaa, gbala ọmịnị sọ ini na sọ tẹ tọrụsiẹrịarị ye ọkụ.

Ḅẹrẹkọn-apụ 2:4

KỊNỊNYANAḄỌ ḅe enjẹlị mịna ẹkwẹn-aḅịḅị ma kọn Izirẹlịapụ mamgba pịrị tẹso, tomi ma nwẹnị ịna apọkọ saakị tẹ tẹmẹ-la ḅara kẹ owu.

Ḅẹrẹkọn-apụ 20:23

Tẹ Izirẹlịapụ nwẹnị iwo mu KỊNỊNYANAḄỌ ḅe tọrọkọ tẹmẹ-la ḅara kẹ owu nwenii ḅoḅiri-so la; tẹ ịn nwẹnị KỊNỊNYANAḄỌ ḅe ḅụụ ḅụ gbela, “Wa pịkị sin wamịna amịnapụ Benijamịnị furo-ḅẹ-apụ ma na owu sọ kẹ kpeki mu ḅarị mọ?” KỊNỊNYANAḄỌ ḅe nwẹnị pakịrị, “Ó mu owu kẹ ịn pakaa.”

Ḅẹrẹkọn-apụ 20:26

Anịtẹso Izirẹlịapụ mamgba, bebe ọmụ-ogbo mẹ nwẹnị iwo so tẹ Bẹtẹlị ḅo, tẹ tẹmẹ-la ḅara kẹ owu. Ini anịjụ KỊNỊNYANAḄỌ ḅe tọrọkọ lẹgị-simem, tẹ ḅuru-ịmọ nwenii ḅoḅiri-so lam, tẹ KỊNỊNYANAḄỌ ḅe tọrọkọ dọkịma-agba na, dein-pịrị-agba na mịẹm.

Ḅẹrẹkọn-apụ 21:2

Tomi ma nwẹnị Bẹtẹlị ḅo tẹ Tamụnọ tọrọkọ lẹgị-sime nwenii ḅoḅiri-so la, tẹ ịna apọkọ saakị tẹ ye ḅụụ ḅụ akụ ḅara kẹ tẹmẹ-la owu kọn.

1 Samụẹlị 10:26

Sọlụ sọ so ori ama Gibiya mum, tẹ inima tẹ Tamụnọ ḅara kẹ ḅioḅẹngbọ lama tẹ ḅiokpọtẹ ọmụgbin ḅara-ḅaatẹ apụ nwẹnị ọ̀ ḅụụ sọ tẹ ori na mu.

1 Samụẹlị 14:2

Sọlụ Gibiya ḅẹ ama anga ḅụ omburo opu sịn mẹ tẹ Migirọnị ḅụ simearị ye mẹ suku emi; tomi tẹ ori na sime apụ owiapụ ẹndẹ na oyia asi finji (600) pembe apụ.

1 Samụẹlị 15:34

Anịtẹrẹmẹ Samụwẹlị so Rama mum, tẹ Sọlụ nwẹnị iwo so ọ̀ warị mu Sọlụ ḅẹ Gibiya ḅụ.

1 Samụẹlị 30:4

Anịtẹso Devidi na, tomi ma tẹ ori na sime apụ ma na nwẹnị ịna apọkọ saakị tẹ tẹmẹ-la ḅara kẹ owu nwenii kẹ owu-owu ịnyọ sọ in ḅarị nyana-a.