1 Samụẹlị 11:2 - FỊAFỊA BAỊBỤLỤ

² Kụma Nahasi Amọnị furo-ḅẹ-ḅọ ḅe nwẹnị in ḅẹẹ, “Mị kiri mẹ ḅụ arị ọmịnị na ḅịḅị-kẹ-ogbosọ tẹ ḍiri kẹẹ tẹ ḅara pono ḅa mịnẹ, àrị ọmịna ama-ḅara anga ḅẹ atọrụngbọ mamgba sọkị-sọkị siin ḅa, tẹ mị-ḅara ḅụ ḅụụ-jịrị kẹ Izirẹlị mẹmgba ọgọnọ gbana ḅa.”

1 Samụẹlị 11:2 Iomraidhean Croise

Suku-saakị 34:14

Ịn nwẹnị ịn ḅẹẹ, “Wa inetẹ miemẹ mịẹ ḅịa, anie wamịna ịyịmbara kẹ gbọrụ owiḅọ tẹ tarị ḅụụ sin-a ḅọ pịrị mẹ, kẹ gotẹ ọkọ ḅẹẹarị, aniemẹ ḅụụ-jịrịma ye sọ wa pịrị ḅa.

2 Amadapụ 18:31

Ọmịnị Hẹzịkaya poki ma. Mie Asiriya ḅẹ amadaḅọ ḅe ḍuko yee, ‘Ọmịnị ọmịna dein mẹ pakamaa, yẹrị na ọmịnị na ogboku, tẹ paka ị̀ ḍọkụma-ḅoo; anịsakị ọmịna aḅụụ ḅụ ḅụọ-ḅụọ mḅọ kụrọ ḅụ paka-ḅo ye fị ḅa, ḅụọ-ḅụọ mḅọ ịla sịn ḅụ paka-ḅo ye fị ḅa, ḅụọ-ḅụọ pịkị mḅọ suḅe ḅio paka-ḅo minji ḅuu ḅa,

Devidi-Anume 44:13

Wamịnị na kpeki tẹ anga apụ ma ị́ kẹ wa mịẹ ye mẹ ẹrịm, tẹ ịn wa komboarị pịkị wa ḍẹrịarị.

Paka-so 3:6

Tẹ ọ̀ nwẹnị ḅẹẹ, “Yẹrị anie ị́ atẹngịapụ ma sịḅị-tuu pịrị Tamụnọ ḅee; Ebira-amụ na Ayịzịkị na pịkị Jekọbụ na sịḅị-tuu pịrị Tamụnọ ḅee.” Tẹ Mozizi nwẹnị amịna tọrụ ḅọị gbala Tamụnọ ḍiki ọ̀ ḅalafama lamam ẹrẹsị.

Egberima-Ẹkwẹn 12:10

Iḅi tomḅọ amịna anama kokoarị, kụma si-sịḅịḅio-sụa atomi si ḅara kẹ ịna aị na mịẹarị.

Jerimaya 39:7

Anie ḅọrọ tẹso, ọ̀ Zẹdẹkaya atọrụngbọ sọkị-siin tẹ ikoli kẹ ori ịkasị koromam, ini ọ̀ kẹ so Babịlonịya mu ḅẹ ḅara.

Kịẹn-aḅịḅị 16:14

Anie mẹ sikima, amụ ị́ wa ọkị-ḅo tẹ kẹ ḅụụ-ḅẹlẹmatẹ iḅiọkụma fịye so-pakamarị amakiri mẹ so suu-a, pịkị wa ḍuu fị ḅara kẹ nyana ḅẹ aḍụọ na, girepu-aḍụọ na kẹ wa pịrị-a. Mịna owiapụ ma atọrụngbọ ma ị́ sọkị-sọkị siin ḅẹ? Wa ḅo ḅịa.”

Ḅẹrẹkọn-apụ 16:21

Filisiteniapụ ma nwẹnị ori ọlọ tẹ ori atọrụngbọ sọkị sin, tẹ ọ̀ kẹ ideri Gaza ḅo, tẹ ojo ikoli kẹ ọ̀ sụam tẹ ori ikoli mẹ ḅio sime tẹ ye gbẹẹ-ye mẹ ḅụ ye gbẹẹm.

1 Samụẹlị 11:10

Anịẹrẹsị Jabẹsị ḅẹ apụ ma nwẹnị Nahasi ḅẹẹ, “ḅaa ḅụ wa wamịna-aḅụụ saakị ị́ pịrị ḅa, tẹ í inetẹ ḍiki tẹ ị́ ḅụụ ḅẹlẹ ḅara ḅẹlẹ ḅara kẹ wa mịẹ ḅa.”

1 Samụẹlị 12:12

Anịsakị ọmịnị ẹrịm mịnẹ Nahasi, Amọnị ḅẹ amadaḅọ ḅe ḅo ọ́ da-paka tẹso, ọ́ nwẹnị ị̀ ḅẹẹ, ‘Ẹn-ẹn, kụma gbọrụ amadaḅọ paa ḅẹrẹtọn wa pịrị ḅa,’ KỊNỊNYANAḄỌ ọmịna Tamụnọ ḅe ọmịna amadaḅọ sọ wararị ogbo ḅụ.

1 Samụẹlị 17:26

Devidi nwẹnị owiapụ ma tẹ ori akaka sịẹsime apụ ma gbela, “Ịn tiye mịẹ owiḅọ ḅe tẹ ḅị Filisiteniḅọ ḅe ḅaa tẹ Izirẹlị ḅụ mị ḅụụ-jịrị mẹ sin ḅọ pịrị ḅẹ? Kẹ gotẹ ọkọ ḅẹẹarị, ḅie ḅụụ-pẹlẹa Filisiteniḅọ ḅe anie tụḅọ, tẹ ori mie ḍumo wararị Tamụnọ ḅe ọmụ-ogbo ma pilema ḅarị ye?”