1 Samụẹlị 11:1 - FỊAFỊA BAỊBỤLỤ

¹ Anịtẹso Nahasi, Amọnị furo-ḅẹ-ḅọ ḅe nwẹnị owu kẹ Jabẹsị-giliyadị paka ḅẹ anị ikelema-koro; tẹ Jabẹsị ḅẹ apụ mamgba nwẹnị Nahasi ḅẹẹ, “Wamịnị na ḅịḅị-kẹ-ogbosọ, tẹ wa ḍiri kẹẹ tẹ ḅara pono, tẹ fịrịmẹnjị ị́ pịrị.”

1 Samụẹlị 11:1 Iomraidhean Croise

Suku-saakị 26:28

Ịn nwẹnị pakịrị, “Wa giregire ḅara kẹ ẹrịm mịnẹ KỊNỊNYANAḄỌ ḅe ị́ na emi; anie ḅụ wa ḅẹẹm, yee ị́yẹrị na, wamịnị na ogboku wa ye karị koroma, tẹ yee wa ị́ na ọḅọkụ fị,

2 Samụẹlị 10:1

Miemẹ ḅọrọ tẹso, Amọnị ḅẹ apụ ma amadaḅọ ḅe fịịm, tẹ ori owiḅọtụḅọ Hanụnụ nwẹnị ò kiri ọkị tẹ ama mẹ da.

2 Samụẹlị 10:2

Devidi nwẹnị ḅẹẹ, “À sịḅị-tuu ḅara kẹ Hanụnụ, Nahasi owiḅọtụḅọ ḅe na mịẹ ḅa, ọ̀ ḍa wẹrịtẹ sịḅị-tuu ḅara kẹ ị̀ na mịẹ ḅara.” Anieḅụ Devidi nwẹnị ọ̀ ḍa gbolomaye ḅụ ò ḅiokpọma ḅẹ ḅara kẹ ori afịrịmẹnjịapụ fịrịma. Tẹ Devidi afịrịmẹnjịapụ Amọnị ḅẹ apụ ma ama mẹ ḅio ḅom.

2 Samụẹlị 17:27

Devidi ḅo Mahanahịmu la tẹso, Sobi, Amọnị ḅe apụ ma ḅe Raba ḅụ ḅo Nahasi owiḅọtụḅọ ḅe na, Mahaka, Lodeba ḅụ ḅo Amịyẹlị owiḅọtụḅọ ḅe na, Bazilayị, Rogẹlimu ḅụ ḅo Gilẹdị ḅẹ ḅọ ḅe na,

2 Samụẹlị 2:5

Devidi nwẹnị oku-mẹnjịapụ kẹ Jabẹsị-giliyadị ḅẹ owiapụ ma fịrịma, tẹ ịn ḅẹẹ, “Yee KỊNỊNYANAḄỌ ḅe ó boma, ọ́ mị sịḅị-tuu mẹ nyana Sọlụ ọ́ nyanaḅọ ḅe pịrị, tẹ ò ḍiḅi ye mẹ ẹrẹsị!

1 Amadapụ 20:34

Bẹnị-hadadị nwẹnị ọ̀ ḅẹẹ, “Opu ama ma tẹ ị̀ ḍa ị́ ḍa ḅara ọkị ama ma àrị arị pịkịma ị́ pịrị ḅa, ị́ ḅụụ ḅẹlẹ-ḅẹlẹ tuḅokọn anga sọ finji ị́ ḅụụ pịrị Damasịkọsị ḅụ, ị̀ ḍa wẹrịtẹ Sameriya ḅụ mịẹ ḅara.” Ehabụ nwẹnị ḅẹẹ, “Mịna aị ma tẹ à kẹ ị́ na ḅịḅị-kẹ-ogbosọ ḅarị aị ma ḅụ mịẹ arị ị́ wẹrịso tẹ í so ḅarịye.” Anieḅụ ọ̀ nwẹnị ori na ọḅọkụ fị tẹ ọ̀ wẹrịso tẹ ò som.

1 Paka-aị 10:11

Kụma Gilẹdị ḅụ simearị Jabẹsị ḅẹ apụ mamgba Filisiteniapụ kẹ Sọlụ mịẹ aị mamgba naa tẹso,

1 Paka-aị 10:12

ḅiokpọ tẹ ịnyọ nyana apụ mamgba nwẹnị saakị tẹ mu Sọlụ na, ori owiapụ-awọmẹ ma na oju-akpakpa ma ọkị Jabẹsị ḅo. Ini ịna mgbe ma kẹ Jabẹsị ḅụ oku nwẹn siin opu sịn suku ḅụ ḍiḅim tẹ sọnọma aḍin kẹ ḅuru-ịmọm.

Jobu 41:4

Ọ̀ kẹ ị́ fịrịmẹnjịḅọ sọma gbamaso gotẹ ori ị́nịna ọḅọkụ fị ḅẹ?

Paka-so 23:32

Ọmịnị ini, anịanịa ịna oru-atamụnọ ma na gbọrụ ọḅọkụ sọ fị ma.

Ayịzaya 36:16

Hẹzịkaya ḍukoarị ye ó poki ma! Asiriya tomikiri mẹ daarị ḅọ ḅe tọn ọ́ pịrịarị ọmịnị ama mẹ ḅio paka-ḅo tẹ ḅara saakị ọ́ pịrịị. Ọmịnị-mgba ori ọ́ wẹrịso tẹ ọmịnị ọmịna kụrọ aḍụọ ḅio paka-ḅo mgbọlụ fị ḅa, pịkị ọmịna ịla asịn ḅụ kaịn ḅo mgbọlụ na, pịkị ọmịna ḅara-kuḅu ḅẹ asuḅe ḅio ḍuu minji na ḅuu ḅa,

Jerimaya 40:11

Ma ma mịẹarị sakị Izirẹlịapụ mamgba tẹ Mohabụ, Amọnị, Idọmụ na jen asịẹ ma ḅụ sime apụ ma naa tẹ mịnẹ Babịlonịya ḅẹ amadaḅọ ḅe minini ja Izirẹlịapụ pịrịtẹ in Juda ḅụ sime, ọ̀ pịkị Gadalaya kẹ ḅẹrẹtọnḅọ mịẹ tẹẹ.

Jerimaya 40:14

tẹ ọ̀ ḅẹẹm, “Í gbeke nimi wararị mịnẹ Bahalisi, Amọnị ḅẹ amadaḅọ ḅe, Isimẹlị fịrịma tẹ ò ḅo ị́ ḅaa?” Kụma Gedalaya anị minini-a.

Izikẹlị 17:13

Ori amadaḅọ ḅe warị-kpoo ḅụ gbọrụḅọ ọkị tẹ ori na ọḅọkụ fịm, tẹ ò ye karị ḅara kẹ nimim ọ̀ sịḅị-tuu ḅa. Ọ̀ karakara opu atomi ọkị so tẹ in kun so apụ ḅara kẹ simem,

Ditẹrọnọmị 23:3

Amọnị furo ḅẹ gbọrụḅọ, anịanịa Mohabụ furo ḅẹ gbọrụḅọ-sọ KỊNỊNYANAḄỌ ḅe kobiri-ogbo mẹ ḅio sọ-mu ma; ọkị mu oyi karama ḅụọ la sọ, sime ịn pịrị kpọkpọ gbọrụḅọ-sọ KỊNỊNYANAḄỌ ḅe kobiri-ogbo mẹ ḅio sọ-mu ḅịa gbamasom;

Ḅẹrẹkọn-apụ 10:7

KỊNỊNYANAḄỌ ḅe ịganị nwẹnị kẹngẹma Izirẹlị ọgọnọ sara tẹ ori ịn kẹ Filisiteniapụ ma ḅara ḅio na, Amọnị ḅẹ apụ ma ḅara-ḅio na dẹrịma.

Ḅẹrẹkọn-apụ 11:4

Sakị kẹlẹ ḅọrọ tẹso, Amọnị ḅẹ apụ ma nwẹnị ọmụ kẹ Izirẹlị da-paka.

Ḅẹrẹkọn-apụ 21:8

Ịn nwẹnị gbela, “Izirẹlị ḅẹ afuro ma ḅụ tọ gbọrụ furo KỊNỊNYANAḄỌ ḅe ḍọkụma-ḅo ḅẹ Mizipa ḅọ-a?” In nwẹnị ḍọkị-ẹrị mịnẹ Jabẹsị-giliyadị ḅụ gbọrụḅọ-sọ akpụrụ-warị mẹ ḅo tẹ kobiri mẹ ḅo-a.

1 Samụẹlị 12:12

Anịsakị ọmịnị ẹrịm mịnẹ Nahasi, Amọnị ḅẹ amadaḅọ ḅe ḅo ọ́ da-paka tẹso, ọ́ nwẹnị ị̀ ḅẹẹ, ‘Ẹn-ẹn, kụma gbọrụ amadaḅọ paa ḅẹrẹtọn wa pịrị ḅa,’ KỊNỊNYANAḄỌ ọmịna Tamụnọ ḅe ọmịna amadaḅọ sọ wararị ogbo ḅụ.

1 Samụẹlị 14:47

Sọlụ Izirẹlị ḅụ ama-da mẹ saḅama ọkị tẹso, ọ̀ pakịrị-pakịrị ḅụ ori na fịya-a apụ mamgba na owu sọm; ò Mohabụ na, Amọnị ḅẹ apụ na, Idọmụ na, Zoba ḅẹ amadapụ na, Filisiteniapụ na sọm; ọ̀ tọrụ-pịkị da anga da anga ori ịn kẹ si-tẹịn ḅara koromam.