1 Samụẹlị 10:3 - FỊAFỊA BAỊBỤLỤ

³ Anịtẹso ọkụma anịjụ ḅụ ị́ mẹnjị tọrọkọ mu ḅa, tẹ ḅo ịn kẹ Tabọ ḅẹ oku nwẹn-sịn ọgbọkọ pembema sịn mẹ la ḅa; iwo Bẹtẹlị ḅụ agba mịẹ Tamụnọ pịrị ḅẹ muarị tẹra apụ ị́ na anịjụ bịama ḅa, gbọrụḅọ tẹra oḅori awọmẹ dogi wararị, jụmọ fịturu tẹra kpo dogi wararị, tẹ jụmọ pịkị nama oju ḅin iru gbọrụ akpa dogi wararị.

1 Samụẹlị 10:3 Iomraidhean Croise

Suku-saakị 28:19

Ọ̀ nwẹnị ẹrẹ kẹ anịjụ mẹ sịn Bẹtẹlị; kụma tarị-pịrịpịrị-ḅụ ịn kẹ anịjụ sime opu ama mẹ sịn ẹrẹ Luzu.

Suku-saakị 28:22

anịsakị mị ḍụḅarị mẹ tẹ à saakị ogbo da ḅeriye ḅara sịẹma ye mẹ, Tamụnọ warị sọ ḅa, tẹ ḅẹẹye-ḅẹẹye tẹ ị́ kẹ ị̀ pịrị ḅarị aị mamgba à kẹ oyia akiri ḍiya ḅa tẹ gbọrụ kiri kẹ ị́ pịrị ḅa.”

Suku-saakị 35:1

Tamụnọ nwẹnị Jekọbụ ḅẹẹ, “Saakịị, iwo so Bẹtẹlị mu tẹ anịjụ angaa; tẹ anị yọ ḅụ gbọrụ agbamịẹ-anga sịẹma Tamụnọ ḅe tẹ ị́ í iyimbere Ịsọ ḅụ ḍumo-mangị kọn sakị ḅụ ḅụụ pakama í ḍie ḅọ ḅe pịrịị.”

Suku-saakị 35:3

anịtẹrẹmẹ ó yee wa saakị tẹ iwo so Bẹtẹlị mu, mịẹtẹ arị anị yọ ḅụ gbọrụ agbamịẹ-anga sịẹma Tamụnọ ḅe tẹ ị̀ ḅụụ-ḅalaḅala ene mẹ ḅụ ị̀ tẹkẹ pakịrị ḅọ ḅe, tẹ à mu anga, mu anga ḅụ ị̀ na sime ḅọ ḅe pịrị.”

Devidi-Anume 89:12

Ị́yẹrị ọgọnọ-jụ mẹ na abajị suku mẹ na tẹmẹm; Tabọ Tụndụ na Hamọnị Tụndụ na ḍereku ḅụ nume-su í bomarị.

Jerimaya 32:8

Anịtẹso, KỊNỊNYANAḄỌ ḅe ḍuko gbọrụ ḅara ḅụ, Hanamẹlị ị̀ dama-ḅom ikoli-warị mẹ ḅio, tẹ ị̀ ḅara ḅiim à ḍụọ-ḍiḅi kiri mẹ fẹ. Mie ḅụ à nimim mịnẹ karakara-ḅara-ḅụ KỊNỊNYANAḄỌ ḅe ẹkwẹn ị̀ pịrị tẹẹ.

Lẹvitikọsị 1:10

“Dọkịma agba gotẹ ọ̀ pịrị ye mẹ nwẹnị anana na oḅori na ogbo-ḅio ḅụ ḅo anana, anịanịa oḅori ḅẹḅẹ, mḅọ ḅụụ ḅụ ḅẹkụ ofori owi nama kẹ agba mẹ mịẹ ḅa.

Lẹvitikọsị 23:13

Ọmịnị iḅiọkụ gbẹẹtẹ iḅi fịlawa kala akpa pembeye kẹ oyia akiri ḍiya ḅẹ maa akiri ọkị tẹ olivu pulo kẹ anị pikiri tẹ kẹ mgbọlụ agba ḅara kẹ anị na sụa mịẹ KỊNỊNYANAḄỌ ḅe pịrị ḅa fịnị ḅụ ḅụụ-ḅẹlẹma kụnụ; anịsakị kẹ anị na sụa mịẹ ḅarị iru agbamịẹye anie wayịnị nwẹn-sịn iru mẹ ḅẹ maa karama pembeye.

Lẹvitikọsị 3:12

“Mḅọ agbamịẹye mẹ nwẹnị oḅori ḅẹḅẹ mḅọ anị mịẹ ḅa KỊNỊNYANAḄỌ ḅe tọrọkọ ḅụ.

Lẹvitikọsị 3:6

“Mḅọ kẹ ḅụụ-dein-nyana mịẹ KỊNỊNYANAḄỌ ḅe pịrị ḅẹ agba mẹ nwẹnị anana-ogbo, anịanịa, oḅori ogbo ḅio paka-ḅo nama anịanịa ejimina, ekpe-oḅori, anịanịa ịyọrọ-oḅori ḅẹḅẹ, ḅẹkụ ọ̀ ḅụụ ḅụ paka ma.

Lẹvitikọsị 7:13

Mḅọ pịkị ịmịẹtẹ ḅẹẹ agba mẹ gotẹ sunmaye sọọtẹ fịturu kẹ sụa ḅo amịna dein agba mịẹ ḅa.

Jọsụwa 19:12

Seridi ḅụ anị nwẹnị ịrụa-saakịarị-anga ḅụ osi pakịrị da-mu ịrụa-saakịarị-anga mẹ ḅụ Kisilọtị Tabọ ḅẹ oke mẹ la; anịjụ anị nwẹnị so Daberatị mu, tẹ iwo mu Jafịya la;

Jọsụwa 19:22

Oke mẹ pịkị Tabọ na, Sahazuma na, Bẹtị-semesi na sọ sẹsẹrịm, tẹ anị ḅẹ oke mẹ Jodanị mẹ ḅụ kunomam — ini opu ama fa si na, arịḅẹ kala-ama ma na kẹ arị ḅụ sụa.

Ḅẹrẹkọn-apụ 20:18

Izirẹlịapụ ma saakị tẹ iwo Bẹtẹlị mu tẹ Tamụnọ ḅịḅị gbelam, “Wamịna-aḅụụ tụḅọ tarị iwo mu owu kẹ Benijamịnị furo-ḅẹ-apụ ma paka ḅẹ?” KỊNỊNYANAḄỌ ḅe nwẹnị pakịrị, “Juda tarị mu ḅa.”

Ḅẹrẹkọn-apụ 20:23

Tẹ Izirẹlịapụ nwẹnị iwo mu KỊNỊNYANAḄỌ ḅe tọrọkọ tẹmẹ-la ḅara kẹ owu nwenii ḅoḅiri-so la; tẹ ịn nwẹnị KỊNỊNYANAḄỌ ḅe ḅụụ ḅụ gbela, “Wa pịkị sin wamịna amịnapụ Benijamịnị furo-ḅẹ-apụ ma na owu sọ kẹ kpeki mu ḅarị mọ?” KỊNỊNYANAḄỌ ḅe nwẹnị pakịrị, “Ó mu owu kẹ ịn pakaa.”

Ḅẹrẹkọn-apụ 20:27

Izirẹlịapụ ma nwẹnị KỊNỊNYANAḄỌ ḅe ḅụụ ḅụ gbela, gbala arị ene ma ḅụ Tamụnọ Ọḅọkụ Igbe mẹ anịjụ emi ẹrẹsị,

Ḅẹrẹkọn-apụ 4:12

Ịn ḍuko Sisera pịrịm mịnẹ Barakị Abinomụ owiḅọtụḅọ ḅe Tabọ Tụndụ mu tẹ ḅẹẹ tẹso,

Ḅẹrẹkọn-apụ 4:6

Gbọrụ ene ḅụ, á nwẹnị fịrịma ịn mu Barakị, Abinohamụ owiḅọtụḅọ ḅe sịn ḅoo. Oriḅe anie Nafutali ḅẹ ḅọ Kẹdẹsị ama ḅụ. Ò ḅo tẹso á nwẹnị ọ̀ ḅẹẹ, “KỊNỊNYANAḄỌ Izirẹlịapụ tẹkẹarị Tamụnọ ḅe tọn ị́ pịrịarị, ‘Muu, Nafutali furo na Zẹbulọnị furo na ḅụ kịnị gbọrụ puku, sọnọ ẹndẹ finji (10,000) ọkị, tẹ ị́ atomi kobiri Tabọ Tụndụ ḅụ.

Ḅẹrẹkọn-apụ 8:18

Anịtẹso ọ̀ nwẹnị Ziba na, Zalimuna na ḅẹẹ, “Owiapụ ma tẹ Tabọ ḅụ ọ́ ḅaa apụ ma ịn tọ-anga ḅụ emi?” Ịn nwẹnị pakịrị, “Í sime-ḅara, mie ịna ḅụụ ọrụḅọ-ọrụḅọ sime-ḅara; ini amadaḅọ owiapụ-awọmẹ kịkam.”

1 Samụẹlị 10:4

Anịsakị in sịn-ḅịḅị kẹ ị́ pịrị tẹ fịturu maa kpo kẹ ị́ pịrị ḅa, aniemẹ tẹ ị́ ịna ḅara daa-ọkị ḅarịye mẹ.