Biblia Todo Logo
Bìoball air-loidhne

- Sanasan -




1 Samụẹlị 1:3 - FỊAFỊA BAỊBỤLỤ

3 Mịọkụ ḅị owiḅọtụḅọ ḅe kụra-kụra ḅụ ori opu ama ḅụ so Silo ḅụ mu agba mịẹ-mịẹ ye-mamgba nyana KỊNỊNYANAḄỌ ḅe pịrịarị, Ịlayị maa owiapụ-awọmẹ Hofini na Finihasi na, KỊNỊNYANAḄỌ ḅe agbamịẹapụ sọ sime anga mẹ ḅụ.

Faic an caibideil Dèan lethbhreac




1 Samụẹlị 1:3
22 Iomraidhean Croise  

Ọ̀ Silo ḅẹ Tamụnọ-warị mẹ sịkịm, anie ọ̀ kẹ ò sime-yọ mịẹ sime anga mẹ wamịna ogboku ḅụ.


“Kụra mẹ ḅụ tẹra sakị ọ́ nwẹn kẹ alalị fị ị̀ pịrị ḅa.


Kụra mẹ ḅụ tẹra sakị ọmịna owiapụ mamgba KỊNỊNYANA-TAMỤNỌ ḅe tọrọkọ ḅụụ ḍie-pakama ḅa.”


“Kụra ḅụ tẹra asakị tẹra asakị ọmịna owiapụ mamgba nwẹn kẹ ḅo yẹrị KỊNỊNYANA-TAMỤNỌ, Izirẹlịapụ tẹkẹarị Tamụnọ ḅe tọrọkọ sunsin ḅa.


Kụra-kụra ḅụ Jizọsị ḍa-na-iyingi-na Saḅa-ḅọrọ Alalị mẹ fị ḅẹ tẹ Jeruselemu mu-mum.


Anị anga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị ḅẹ anga mẹ ḅụ ọmịna owiapụ mamgba tẹra asakị kẹ gbọrụ kụra ḅụ ḅụụ kẹ ọ̀ tọrọkọ ḅụ ò ḍie ḅa: sun-a fịturu kopini afịaị alalị mẹ ḅụ na, fẹnị-anga, fẹnị-anga ḅẹ kopini afịaị alalị ḅụ na, igurugu awarị kopini afịaị alalị mẹ na ḅụ. Ịn papaa ḅara kẹ KỊNỊNYANAḄỌ ḅe tọrọkọ ḅụ ḅụụ kẹ ò ḍie ma.


Anịtẹso bebe Izirẹlịapụ ma tomina-ogbo mẹ nwẹnị ḅo kobiri Silo ḅụ, ama mẹ ịna tọrọkọ ḅụ sịḅị-tuu tẹso, tẹ nwẹnị ịn kobiri ḅarị Akpụrụ-warị nama anịanga ḅụ.


Mị-ḅara mie Tamụnọ warị mẹ Silo ḅụ sime mu la sakị, la sakị ḅụ in kpokobia mẹ tẹ Mayịka ḅara kẹ kara ye mẹ kẹ sịẹma wẹrị mu la ḅara.


Anieḅụ ịn nwẹnị ḅẹẹ, “Ḍikii, Silo ḅụ KỊNỊNYANAḄỌ ḅe kụra-kụra ḅẹ kopini alalị mẹ ḅoarị.” (Silo mẹ Bẹtẹlị ọgọnọ-jụ emi, anie Bẹtẹlị ḅụ so Sẹkẹmụ muarị opu etela mẹ tẹ ịrụa-saakịarị-anga mẹ ḅụ pịkị Lebona ḅẹ suku-jụ ḅụ.)


Ẹlịkena nwẹn-sịn owiḅọ ḅe na, ọ̀ warị mẹmgba na nwẹnị kụra-kụra ḅe agba mẹ mịẹ, pịkị ò minini ịlọ suma ḅẹ mu.


Silo ḅụ ịn fịye fị fama, tẹ minji ḅuu tẹso, Ana nwẹnị saakị. Mịọkụ Ịlayị agbamịẹḅọ ḅe KỊNỊNYANAḄỌ ḅe tẹkẹ-warị mẹ ḅẹ ḅọkọ amasịn ma akaka ịkasiye mẹ ọgọnọ lẹgị-sime wararị.


Mịna tomi ma ḅẹ gbọrụḅọ anie agbamịẹḅọ Ahija tẹ ẹfọdị nwẹn-sịn kapa mẹ sụa ḅọ ḅe. Oriḅe anie Ịkabọdị iyimbere Ayitubu owiḅọtụḅọ. Anịsakị Ayitubu anie Finihasi owiḅọtụḅọ, pịkị Ịlayị Silo ḅụ simearị KỊNỊNYANAḄỌ ḅe agbamịẹḅọ ḅe taa-owiḅọtụḅọ. Tomi ma nimi-a mịnẹ Jonatanị so tẹẹ.


Kụra goyegoye ḅụ ò iyingi vọrọrọtẹ gbọrụ kala kapa gbin tẹ kẹ mu ọ̀ pịrị-pịrịm, arị á di na iwo mu kụra agba mẹ mịẹ ḅẹ sakị-sakị.


Anịsakị miemẹ tẹ ị́ maa owiapụ-awọmẹ Hofini na, Finihasi na la ḅarịye mẹ elekima sọ ị́ pịrị ḅa; ini maa apụ ma gbọrụ ene mẹ ḅụ fịị ḅa.


À ḍuko ọ̀ pịrịm mịnẹ arị ọ̀ warị fomu gbamaso ḅẹ-yearị, mịẹ-irima tẹ ò nimim, ori owiapụ-awọmẹ ḅịḅị kẹ Tamụnọ lamarị tẹ ori ịn dasịẹma-a ye gotẹ.


Tamụnọ Ọḅọkụ-Igbe mẹ ịn nwẹn kuun-ọkịm; tẹ Ịlayị maa owiapụ-awọmẹ ma Hofini na, Finihasi na ḅaam.


Anieḅụ tomi ma fịrịma Silo mum, tẹ anịjụ Ọmụ-ogbo ma ḅẹ KỊNỊNYANAḄỌ ḅe tẹ Sẹrubimu ma ọgọnọ ḅụ emine ọgọnọ lẹgị-sime wararị ḅọ ḅe Ọḅọkụ-Igbe mẹ ọkị-ḅom; tẹ Ịlayị maa owiapụ-awọmẹ Hofini na, Finihasi na anịjụ Tamụnọ Ọḅọkụ-Igbe mẹ na simem.


Lean sinn:

Sanasan


Sanasan