1 Amadapụ 9:3 - FỊAFỊA BAỊBỤLỤ

³ KỊNỊNYANAḄỌ ḅe nwẹnị ọ̀ ḅẹẹ, “Àrị ị́ tẹkẹ mẹ na ị́ ḅiiarị aị mamgba na naa tẹẹ. À mị Tẹkẹ-warị mẹ tẹ ị́ namam mịnẹ tomi sunsin ị́ pịrị ḅarị anga mẹ mịẹ fịafịama gbamaso ḅa. À tọrụ kẹ anị ḅụ wẹrị ḅa pịkị anị ḍikiḍiki ḅa sakị mamgba ḅụ.

1 Amadapụ 9:3 Iomraidhean Croise

1 Amadapụ 8:29

Ḍin na eneḅaka na ḅụ ị́ tọrụ mị tẹkẹ-warị mẹ ḅụ simee, mị yọ mẹ tẹ ị́ sẹlẹ-ọkịm sunsin ị́ pịrị ḅẹ anga mẹ. Ị̀ naa, à tọrụ kẹ mị tẹkẹ-warị mẹ da tẹ tẹkẹ sakị, tẹkẹ sakị.

2 Amadapụ 20:5

“Ọḅụ pịkịị, tẹ Hẹzịkaya ị̀ atomi ma amadaḅọ ḅe ḅẹẹ, Mie KỊNỊNYANAḄỌ, ị́ ḍa Devidi Tamụnọ ḅe ḅẹẹ ḅara: Àrị ị́ kọn tẹkẹ naa tẹẹ; à pịkị ị́ tọrụ sara owu-minji ma ẹrị tẹẹ. Àrị ị́ gwọ ḅa; tẹra aḍin karama ene ḅụ í saakị KỊNỊNYANAḄỌ Fịafịa-warị mẹ mu ḅa.

2 Amadapụ 21:7

Asịra oru-fụḅara mẹ tẹ ọ̀ tẹmẹ ye mẹ ọ̀ kẹ anị warị mẹ ḅio sịẹmam, anị warị mẹ tẹ KỊNỊNYANAḄỌ Devidi na, ori owiḅọtụḅọ Sọlọmọnị na ḅẹẹm, “Mị warị mẹ ḅio na Jeruselemu na tẹ arị Izirẹlị afuro mamgba ḅụ sẹlẹ-ọkị anga mẹ ḅụ, arị ị̀ ẹrẹ kẹ sụa gbamaso ḅa;

2 Paka-aị 33:7

Ọ̀ ḅara kẹ ye kịkama tẹ tẹmẹ-aị ma, ọ̀ kẹ Tamụnọ warị mẹ ḅio dẹẹ koromam, anie Tamụnọ Devidi na, ori owiḅọtụḅọ Sọlọmọnị na ḅẹẹm, “Mị warị mẹ ḅio na, àrị Izirẹlị afuro mamgba ḅụ sẹlẹ ọkị tẹ Jeruselemu mẹ ḅio àrị ị̀ ẹrẹ mẹ kẹ sụa gbamaso ḅa” nwẹn ḅẹẹ anga mẹ ḅụ,

2 Paka-aị 6:40

“Yei ị̀ Tamụnọ, yee mịọkụ ị́ atọrụngbọ ma finji tẹ í ḅeri-tokoloma mị yọ ḅẹ atẹkẹ ma pịrị.”

Ẹzịra 6:12

Yee Tamụnọ ḅe tẹ mịẹtẹ ori ẹrẹ anịjụ sime ḅọ ḅe Amadaḅọ goḅọ-goḅọ, anịanịa ḅẹẹ-atomi-atomi tẹ ḅara kẹ miemẹ ḍima ḅụ su ḅọ su ḅọ, anịanịa mị Tamụnọ warị mẹ tẹ Jeruselemu ḅụ simearị ye mẹ kanḅọ-kanḅọ nẹngịmaa. Yẹrị Darịyọsị ḅẹrẹ mẹ tọnm; yee sakị fama-a ḅara ḅụ anị mịẹ.”

Devidi-Anume 10:17

Yei KỊNỊNYANAḄỌ, ḅụụ-iderimarị apụ ma atẹkẹ ma í poki ḅa; í ḅiokpọ kẹ ịn pịrị ḅa.

Devidi-Anume 116:1

À KỊNỊNYANAḄỌ ḅe ḅẹlẹmarị, ori ị̀ naarị ẹrẹsị; ori ị̀ atẹkẹ pokiarị.

Devidi-Anume 34:17

Karakaraye-mịẹapụ ma KỊNỊNYANAḄỌ ḅe tẹkẹ tẹ ori ịna tẹkẹ naarị; ịna ḅụụ-fụka mamgba ḅio ori ịn pụkọ-pakamaḅoarị.

Devidi-Anume 65:3

ịna asi gotẹ. Wamịna amịẹ-kọn ma wa nẹngịmarị, kụma arị wẹrịso wa pịrịarị.

Devidi-Anume 66:19

Kụma karakara-ḅara-ḅụ Tamụnọ ị̀ naa tẹ; ori ị̀ tẹkẹ mẹ poki tẹẹ.

Paka-so 20:11

Gbala sonio aḍin mie yẹrị KỊNỊNYANAḄỌ ḅe kẹ So ma na Kiri mẹ na, tọrụ mẹ na anị ḅio simearị aị mamgba tẹmẹ ye, tẹ nwẹnị sọnọma aḍin karama ene mẹ ḅụ ịnyọsara yee. Miemẹ gotẹ anie à sọnọma aḍin karama ene mẹ boma tẹ anị wẹrị fịafịama yee.

Paka-so 29:44

À Kobiri Akpụrụ-warị mẹ na, agbamịẹ-anga mẹ na mịẹ fịafịama ḅa; Erọnị na, ori owiapụ-awọmẹ na sọ arị agbamịẹapụ ḅara ḅụ ịn mịẹ fịafịama ḅa.

Jerimaya 15:1

Anịtẹso KỊNỊNYANAḄỌ ḅe ị̀ ḅẹẹm: Mozizi na Samụwẹlị na ị̀ tọrọkọ sịẹsime tẹ in gotẹ ị̀nịna ḅịḅị-ọkịyam sọ, gbọrụ ọkụrụkụrụ sọ à nyana mịna apụ ma pịrị ḅịa. Mịẹ tẹ in so; mịẹ tẹ ini ị̀ tọrọkọ sikima.

Jerimaya 7:10

Ọ́ mịna à ḍiki-ḅioḅuarị aị ma mịẹarị, tẹ ḅo ị̀ tọrọkọ sịẹ tẹ ị̀ ḅara-kuḅu ḅẹ Warị mẹ ḅio ḅẹẹarị: “Wa la-la ye ofori!”

Danẹlị 9:23

Ị́ saakị ye mẹ kẹ Tamụnọ tọrọkọ koroma sakị ori ị́ pakịrịm. Ori ị́ ḅẹlẹmarị, tẹ anie ḅụ à pakịrị-ḅịḅị mẹ kẹ ị́ pịrị ḅẹ ḅo tẹ. Mịọkụ iḅi ḅeri kẹ pokii, àrị ịkịan mẹ fiearị ye ḍukoarị sakị.’ ”

Kịẹn-aḅịḅị 16:38

Mịna atomi ma tẹ si mịẹ, tẹ kẹ amịna aḍumo fama apụ ma anyị tan apanị ma ọkị, yee arị amana kẹ ḅakụ, ḅakụ, mịẹ ẹfẹrẹ so, tẹ arị sime agbamịẹ-anga mẹ gbaịn pịrị; kẹ gotẹ ọkọ ḅẹẹarị, KỊNỊNYANAḄỌ ḅe tọrọkọ mie ini agba mẹ mịẹ ye ọkọẹrẹsị arị fịafịa wararị. Mị-ḅara ḅụ arị elekima sọ Izirẹlịapụ ma pịrị ḅa.”

Matiyo 6:9

Anị ḅara ḅụ, mie ọ́ tẹkẹ na-iḅi ḅara: “Wamịna Ḍaḅọ So-ḅio simearị ḅọ: fịafịa sime ị́ ẹrẹ pịrị;

Jọnị 11:42

À nimi wararị sakị mamgba ị́ ị̀ naarị, kụma mịna atomi ma mie à gotẹ mị-ḅara ḍukoarị, mịẹtẹ in minini ḅẹ ḅara mịnẹ ị̀ kẹ fịrịmam.”

Fịrịmẹnjịapụ 10:31

Ọ̀ nwẹnị ḅẹẹ, ‘Kọnilọsị, Tamụnọ ị́ tẹkẹ naa tẹ, pịkị ị́ kẹ mịẹ ḅẹ ọkụ ofori apụ mịẹarị iḅi mẹ sọ ẹrị tẹ.

Ditẹrọnọmị 11:12

Ama tẹ KỊNỊNYANAḄỌ ọmịna Tamụnọ ḅe ḍikiḍikiarị ama; KỊNỊNYANAḄỌ ọmịna Tamụnọ ḅe atọrụngbọ sakị mamgba anị ọgọnọ emi, kụra mẹ Suku-saakị ḅụ ọkị mu kụra mẹ ḅẹ kunoma la.

Ditẹrọnọmị 12:11

anịtẹrẹmẹ anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ tẹ mịẹtẹ ori ẹrẹ anịjụ sime ḅẹ anga mẹ, anịanga mẹ tẹ ọmịnị à tọn ọ́ pịrị aị mamgba: ọmịna dọkịma agbamịẹ-aị na, ọmịna agba ma na, ọmịna nyana-oyi-ḅụụ-gberie mẹ na, agba tẹ ọ́ mịẹ ḅẹ aị na, ịlọ tẹ ó minini KỊNỊNYANAḄỌ ḅe pịrị tẹ suma ḅẹ aị mamgba na kẹ ḅo ḅẹ anga mẹ.

Ditẹrọnọmị 12:21

KỊNỊNYANAḄỌ ọmịna Tamụnọ ḅe anịanga mẹ tẹ ọ̀ sẹlẹ-ọkị tẹ ori ẹrẹ kẹ sụa ḅẹ anga mẹ ọmịna aḅụụ ḅụ ala ḅaka-ḅaka, anịrẹ ọmịnị inetẹ ọmịna nama ogbo, anịanịa ọmịna anana na oḅori na ogbo tẹ KỊNỊNYANAḄỌ ḅe kẹ ọ́ pịrị tẹ aị ḅụ. À wẹrịtẹ tọn ọ́ pịrị tẹ ḅara, ọmịna ama ma ḅio ó ḅii ḅara, ḅii ḅara kẹ ḅẹ ye ḅẹ ye ḅaa tẹ pẹị lama ḅa.

Ditẹrọnọmị 12:5

Kụma ọmịnị ọ́ KỊNỊNYANAḄỌ ọmịna Tamụnọ ḅe furo-furo mamgba ḅụ sẹlẹ pakama-ḅo ḅarị anga mẹ tẹ ori ẹrẹ kẹ sụa tẹ anịjụ kẹ ò sime anga mịẹ ḅẹ ḅara ḍọkị ḅa, anịjụ mie ó mu ḅarịye,

Ditẹrọnọmị 16:11

anịsakị ọmịnị na, ọmịna owiapụ-awọmẹ na, ọmịna eremịna-awọmẹ na, ọmịna fịrịmẹnjị-owiapụ na, ọmịna fịrịmẹnjị-ereme na, ọmịna ama ma ḅio simearị Livayị furo-ḅẹ-apụ ma na, jen sịẹ ḅẹ igoniḅọ ḅe na, ḍa-na-iyingi-na-fịtẹ-awọmẹ ma na, diapụ-fịtẹ-ereme ma na tẹ ọmịna ogbo-ḅio simearị apụ ma na ḍereku ḅa anịanga mẹ tẹ KỊNỊNYANAḄỌ ọmịna Tamụnọ ḅe sẹlẹ-ọkị tẹ mịẹtẹ ori ẹrẹ mẹ sime ḅe anga mẹ ḅụ.

1 Jọnị 5:14

Wa nimi lama wararị mịnẹ, wa Tamụnọ ḅụụ-ḅẹlẹ ye ḅiiarị sakị ọ̀ wamịna tẹkẹ naarị mẹ ẹrẹsị, wa ḅiokpọ tẹ ọ̀ tọrọkọ muarị.