1 Amadapụ 8:1 - FỊAFỊA BAỊBỤLỤ

¹ Anịtẹrẹmẹ Amadaḅọ Sọlọmọnị Izirẹlị ḅẹ omongiapụ ma na, ibe-ibe ma kẹ sịḅịdapụ ma na, Izirẹlị ḅẹ apụ ma ḅẹ pụmbụ pụmbụ ma na furo-furo ma kẹ tọrọkọ-tarịapụ mamgba kobiri Jeruselemu ḅụ ọ̀ tọrọkọ ḅom, kẹ mịẹtẹ KỊNỊNYANAḄỌ ḅe Ọḅọkụ-Igbe mẹ ọkị tẹ kẹ Tamụnọ-warị mẹ ḅo-a ḅẹ ḅara Zayọnị, Devidi Opu ama mẹ ḅụ.

1 Amadapụ 8:1 Iomraidhean Croise

2 Samụẹlị 6:6

Ịn ḅo Nakọnị mgbọlụ sẹlẹ kiri la tẹso, Uza nwẹnị ọ̀ ḅara-sụn mu Ọḅọkụ-Igbe mẹ lama, tẹ anị ọlọ, pootẹ-anambulo ma ḅụọ gbisinim ẹrẹsị.

1 Amadapụ 2:10

Devidi fịịm tẹ ini ọ̀ kẹ Devidi Opu ama mẹ ḅụ ḍiḅim.

1 Amadapụ 3:15

Sọlọmọnị nwẹnị naa-saakị tẹ lekiri mịnẹ Tamụnọ ḍawọ-jụ ḅụ ẹkwẹn ọ̀ pịrị tẹ. Anịtẹso ọ̀ nwẹnị so Jeruselemu muu tẹ KỊNỊNYANAḄỌ ḅe Ọḅọkụ-Igbe mẹ tọrọkọ sịẹsime tẹ dọkịma-agba na gbọrụḅụụ-sime-agba na mịẹ KỊNỊNYANAḄỌ ḅe pịrị. Anie mẹ ḅọrọ tẹso, ọ̀ nwẹnị kopini afịaị sọ kẹ ọ̀ fịrịmẹnjị-opuapụ mamgba pịrị.

1 Paka-aị 11:7

Devidi nwẹnị kụrọ-tẹịn anga mẹ ḅụ sime, anịẹrẹsị ịn nwẹnị anị sịn. “Devidi Opu ama.”

1 Paka-aị 15:25

Anịtẹso Devidi na, Izirẹlị ḅẹ omongiapụ ma na, ḅẹrẹtọn kịnị maa ẹndẹ oyia asi finji-finji pịrịarị apụ ma na nwẹnị ḍereku ḅụ Obed-edọmụ warị KỊNỊNYANAḄỌ ḅe Ọḅọkụ-Igbe mẹ ọkị ḅẹ mu.

1 Paka-aị 15:29

KỊNỊNYANAḄỌ ḅe Ọḅọkụ-Igbe mẹ ḅo Devidi opu ama mẹ la ḅara ḅụ, Sọlụ ẹrẹḅọtụḅọ Mịkalị nwẹnị ikiḅa-ḅọkọ ḅụ toluma ḍiki tẹ Amadaḅọ Devidi sẹkị-sẹkị tẹ ḅioḅẹlẹarị ḅara ẹrị tẹso, á nwẹnị á tẹmẹ ḅioḅẹngbọ ḅụ ò ḍiki-sima.

1 Paka-aị 15:3

Devidi nwẹnị Izirẹlịapụ mamgba kobiri Jeruselemu ḅụ KỊNỊNYANAḄỌ ḅe Ọḅọkụ-Igbe mẹ ọkị-ḅo ọ̀ tẹlẹma anị pịrị tẹ sime-kiri ḅụ koroma ḅẹ ḅara.

1 Paka-aị 28:1

Devidi Jeruselemu ḅụ Izirẹlị ḅẹ kọrịnama kiri ḅẹ opu-apụ mamgba na, furo-furo ma ḅẹ kọrịnama kiri ḅẹ opu-apụ ma na, itu-itu ma ḅẹ ọmụ alapụ ma tẹ fịrịmẹnjị amadaḅọ ḅe pịrị apụ ma na, ḅẹrẹtọn kịnị maa ẹndẹ oyia asi finji-finji pịrịarị apụ ma na, ḅẹrẹtọn kịnị sonioa si, sonioa si pịrịarị apụ ma na, amadaḅọ ḅe na ori owiapụ-awọmẹ na nyana aị mamgba ḅẹ ḅio-koruapụ na, ini ḅẹ anana-ḍikiḍikiapụ ma na, kẹ mu amadaḅọ ḅe warị mẹ ḅẹ kọrịnama kiri ḅẹ opu-apụ na, opu atomi ma na, ḅiokpọtẹ ịnyọ nyana wararị ḅeri ḅẹrẹ naa-a apụ ma ḅụụ sụa tẹ sịn kobirim.

2 Paka-aị 30:1

Hẹzịkaya ḅịḅị kẹ Izirẹlị na, Juda mẹmgba na fịrịmam, tẹ pịkị ḍiri kẹẹ kẹ Iferemu na, Manasẹ na fịrịmam mịnẹ in KỊNỊNYANAḄỌ ḅe warị mẹ ḅoo Jeruselemu ḅụ, tẹ Saḅaḅọrọ-Alalị mẹ fị KỊNỊNYANAḄỌ Izirẹlịapụ tẹkẹarị Tamụnọ ḅe pịrịị.

Ẹzịra 3:1

Anị ḅo sọnọma karama akalụ mẹ la sakị, Izirẹlịapụ ma ama-ama sọ tẹ emi, tomi ma nwẹnị amịna ḅụụ kobiri tẹ gbọrụ ḅụụ ḅụ Jeruselemu ḅo.

Devidi-Anume 102:21

Ọkọẹrẹsị ini ori ẹrẹ ḍuko-pakama ḅa Zayọnị ama mẹ ḅio ḅụ, tẹ ini ò tokini ḅa Jeruselemu mẹ ḅio ḅụ,

Devidi-Anume 9:11

Ó nume-su Zayọnị daarị KỊNỊNYANAḄỌ ḅe boma! Ọ̀ kọrị tẹ ye mẹ ḍuko sịẹ goyegoye pịrị.

Ayịzaya 28:16

Mie mịọkụ Tẹịn ḅẹrẹtọn KỊNỊNYANAḄỌ ḅe ḍukoarị ye, “À Zayọnị ḅụ jike ḅịa kụrọtẹ suku-saakịarị. Anị ḅụ arị anyị-anyị-a ḍụḅarị kẹ ịkọlị mẹ ḅụ sụarị, anie ma ẹkwẹn-aḅịḅị ma tẹ kẹ wararị aị ma, jike-jike-a minini mẹ pịkị ye-inemarị!

Ayịzaya 46:13

Àrị owu-ḅara-iḅi ene ọkị-ḅo kpekimarị gbala-gbala anị ala-jụ ofori. Ì owu-ḅara-iḅi alalị mẹ ala ḅaka ḅịa. À Jeruselemu ḅọrọma ḅa tẹ anịanga kụn ọkị-ḅo Izirẹlị pịrị ḅa.”

Kịẹn-aḅịḅị 1:4

Anịsakị gbọrụ furo, gbọrụ furo ḅụ amịna ḍaḅọ warị kẹ sịḅịdarị owiḅọ na ḅarasụa ọ́ pịrị na ḅa,

Jọsụwa 23:2

Jọsụwa Izirẹlị mẹmgba, ịna omongiapụ na sịḅịdapụ na, ịna ḅẹrẹkọn-apụ na kọrịnama opu-apụ na sịn kobirim, tẹ nwẹnị ịn ḅẹẹ, “Mịọkụ àrị omongi tẹẹ, tọnwa akụra pịkị ị̀ sịḅị ḅọrọ tẹẹ.

Jọsụwa 24:1

Gbọrụ ene ḅụ, Jọsụwa Izirẹlị ḅẹ afuro mamgba kobiri Sẹkẹmụ mum, tẹ omongiapụ ma na, sịḅịdapụ ma na, ḅẹrẹkọn-apụ ma na, Izirẹlị ḅẹ kọrịnama kọrị opu-apụ ma na sịn kobirim; tẹ ịn Tamụnọ tọrọkọ ịna aḅụụ pakama-ḅom.

1 Pita 2:6

Kẹ gotẹ ọkọ ḍukoarị, Fịafịa Ḍiri mẹ ḅẹẹarị, “À gbọrụ yelatẹ ḍụḅarị sẹlẹ-ọkịm, àrị anị kẹ Zayọnị ḅụ ịkọlị palị ḍụḅarị ḅara koromarị, tẹ ọ̀ ḅụụ minini ḅọ, minini ḅọ papaa ḅara ọlọ ḅịa.”