1 Amadapụ 7:7 - FỊAFỊA BAỊBỤLỤ

⁷ Ọ̀ nwẹnị Emine Ḅio nama, ịn pịkị anị sịnm Ḅẹrẹkọn Warị; anie Sọlọmọnị ḅẹrẹkọn-arị anga. Sida ḅio-dẹẹ-aḍụḅọ mie ịn kẹ warị-kiri mẹ mịẹ mu sara mamgba la fama ye.

1 Amadapụ 7:7 Iomraidhean Croise

1 Amadapụ 3:28

Izirẹlịapụ Sọlọmọnị ḅẹrẹ-pẹlẹ ḅịḅị mẹ naa tẹso, pokolotẹ mangịma nwẹnị ịna ḅio ḅụ ḅin kẹ ọ̀ pịrị, ịn nwẹnị gbala anịsakị rẹ nimi mịnẹ Tamụnọ nimi mẹ kẹ ò pịrị tẹ ọ̀ kẹ iḅi ḅara kẹ ịgbanịya kọn pẹlẹ.

1 Amadapụ 3:9

Anịẹrẹsị à ḅiiarị à kẹ karakara ḅụ ḅẹrẹtọn kẹ ị́ atomi ma pịrị tẹ pịkị kẹ iḅi na si na, kịrị lekiri ḅarị nimi kẹ ị̀ pịrịị. Anieofori à tọ-ḅara kẹ inetẹ ḅẹrẹtọn kẹ mie í gburo-gburotẹ atomi ma pịrị ḅẹ?”

1 Amadapụ 6:3

Mẹnjị-toluḅọrọ-anga tẹ Tẹkẹ-warị mẹ sọ-muarị anga mẹ ḅẹ pokolo anie jeia ḅụọ-kuḅu (13.5 m); Tẹkẹ-warị mẹ ḅẹ finjima laa ḅara mie anịsọ finjima laa ḅara, anie ḅụọ-kuḅu asuei (9 m).

Devidi-Anume 122:5

Mị Jeruselemu mẹ ḅụ Izirẹlị amadapụ lẹgị tẹ ḅẹrẹkọn ịna atomi pịrị-pịrịm.

Egberima-Ẹkwẹn 20:8

Amadaḅọ ḅe lẹgị-lẹgị tẹ ḅẹrẹkọn-arị, ọ̀ pịkị siye nimiarị ori anị ẹrị sakị.

Ayịzaya 9:7

Ori ama nyana kụrọ mẹ tọrọkọ-tọrọkọ mu ḅa, Ọ̀ daarị yọ mẹ ḅụ sakị mamgba dein sime ḅa. Ori Ama-da Devidi tọrụ-ḍimaḅọ ḅara kẹ ḅẹrẹtọn ḅa, Ọ̀ kụrọ mẹ kuraye na ọrụḅọ-ọrụḅọ la kiri kẹ mḅọ pịrị na ḅụ sịẹsime ḅa, mịọkụ ọkị mu sakị kunoma la. Kụrọmamgba nyana KỊNỊNYANAḄỌ ḅe tọn pẹlẹ tẹ mịnẹ mie-mẹmgba mịẹ ḅa.