1 Amadapụ 7:4 - FỊAFỊA BAỊBỤLỤ

⁴ Maa apakịrị ma ḅẹ warị-anga ma ḅụ ịn tẹra ise kẹ ikiḅa-ḅọkọ sụam, gbọrụ pakịrị-pakịrị ḅụ.

1 Amadapụ 7:4 Iomraidhean Croise

1 Amadapụ 6:4

Tẹkẹ-warị mẹ ḅẹ warị-anga ma ḅụ ikiḅa-aḅọkọ emi, tẹ etela da aị ma ịrụ kẹ ḅioju da aị ma nẹngịm.

1 Amadapụ 7:3

Ogbo da ḅeriye sịn ma arịmgba mgbọ amesi sọnọ finji (45), gbọrụ ise jeia mgbọ jeia mgbọ. Sida ḍụḅọ mie ịn kẹ isun mẹ ḅakụ gbaịn yee. Yekoko-aḅio ma sọ ini arị isun ma ḅakụ gbaịn wararị tẹ ogbo da ḅeriaị ma arị palị sịẹma wararị.

1 Amadapụ 7:5

Ḅọkọ ma na ikiḅa-ḅọkọ ma na ḅẹ warị-ḅọkọ amasịn maa apakịrị ma gele gbasịm, anie arịḅẹ ọgọnọ na suku na ḅẹ finjima sọ gbasị ḅara, anịsakị warị-anga mẹ ḅụ sụa wararị tẹra ise ikiḅa-ḅọkọ ma arị na saḅama wararị warị-anga mẹ ḅẹ tẹra ise ikiḅa-ḅọkọ ma na dama-dama wararị.

Ayịzaya 54:12

Ịn kẹ rubi sịn-arị yela aḍụḅarị mie à kẹ ị́ gele-awarị ma nama ḅarịye, fịnị kọrị ḅara kọrịarị aḍụḅarị nwẹnị í ogigo-aḅọkọ ma, tẹ yela pọkọsụa-aị tẹ ịn kẹ juwẹlị sịn aị ma kẹ í gbori-ikelema.

Izikẹlị 40:16

Etela da akaka mẹ ḅụ ḅẹ ḅio mamgba ḅụ fịọn-fịọntẹ finji wararị anga simem, pịkị ḅioju ḅẹ aḅio ma ḅẹ akaka ma ḅụ sọ. Ḅioju ḅẹ aḅio ma akaka tẹ mẹnjị-ḅọrọ-anga mẹ da anga mẹ ḅụ ịn eneme asịn kịka aị sọkịm.

Izikẹlị 40:22

Mẹnjị-toluḅọrọ-anga mẹ na, ikiḅa-aḅọkọ ma na, kẹ eneme-sịn kịkama kịra aị ma na, ịrụa-saakịarị-anga anga mẹ ogigo-ḅọkọ mẹ ḅụ sime aị ma na kịkam. Mịanga ḅụ sọnọma aḅụọ tanjị tẹrẹmẹ ḅo ogigo-ḅọkọ mẹ lam, tẹ mẹnjị-toluḅọrọ-anga mẹ kunoma jụ mẹ ḅụ sime tẹ tọrụ kẹ ogigo mẹ ḅio damam.

Izikẹlị 40:25

Ogigo-ḅọkọ mẹ ḅẹ mẹnjị-ḅọrọ-anga mẹ aḅio ma ḅụ ikiḅa ḅọkọ-ḅọkọ-ḅọkọ, anie osi aị ma ḅụ anị sime gbọrụ ḅara mẹ. Ogigo-ḅọkọ mẹ ḅẹ mẹnjị-ḅọrọ-anga mẹ tọn mu kunoma la mẹ si sọnọa amita finji lam, tẹ finji mẹ nwẹnị oyi maa amita finji na pakịrị na.

Izikẹlị 40:29

Anị ḅẹ ḅioju na, sụn-pakama aị na, iḅoma ma na osi-aị ma ḅẹ aị na gbasị famam. Ogigo-ḅọkọ mẹ ḅẹ mẹnjị-toluḅọrọ-anga mẹ akaka ma ḅẹ aḅio ma na, iḅoma ma na ḅụ tọnwa ikiḅa-aḅọkọ emi. Anị ḅẹ nangwọ mita amesi oyi finji (50 m), nwẹnị si sọnọa amita (5 m) kẹ finjima.

Izikẹlị 40:33

Anị ḅẹ kịnị-ịkasị-aḅio ma na, mẹnjị-toluḅọrọ-anga mẹ na, ḅioju ḅẹ warị-akaka ma na tọn mẹ osi-aị sime-ḅara simem. Anị ikelema-koro ḅụ, ikiḅa-ḅọkọ-ḅọkọ-ḅọkọ, pịkị mẹnjị-toluḅọrọ-anga mẹ ḅụ sọ. Bebe nangwọ mẹ si sọnọ amita finji (25 m), tẹ anị ḅẹ finjima, oyi maa amita finji na pakịrị na (12.5 m).

Izikẹlị 40:36

Arị na kịka ḅụ, anị kịnị-ịkasị-aḅio nyanam, warị-akaka mamgba pịkị ḅirima famam ḅioju ḅụ, mẹnjị-toluḅọrọ-anga na, ikiḅa-aḅọkọ pịkị anị ikelema-korom. Anị ḅẹ bebe nangwọ si sọnọa amita finji (25 m), tẹ nwẹnị oyi maa amita finji na pakịrị na (12.5 m) kẹ finjima.

Izikẹlị 41:26

Mị ḅio mẹ akaka ma ḅụ ikiḅa-aḅọkọ emi, tẹ ini eneme asịn kẹ akaka ma ḅirimam.