1 Amadapụ 7:2 - FỊAFỊA BAỊBỤLỤ

² “Lẹbanọnị Opu Piri Ḅẹ Warị” mie ịn kẹ warị mẹ koro ẹrẹ. Anịḅẹ nangwọ anie sọnọma si na oyia aḅụọ-kuḅu finji (44 m); anịḅẹ finjima anie tesi oyia aḅụọ-kuḅu finji na sọnọ na (22 m); anịḅẹ gele anie mesi sọnọa aḅụọ-kuḅu finji (13.5 m). Warị mẹ ḅụ tẹra ise ịn nwẹn kẹ sida sịn kẹ ḅeriye kẹ ogbo dam tẹ nwẹnị ogbo da ḅeriaị ma ọgọnọ ḅụ sida sịn kẹ oluku koroma.

1 Amadapụ 7:2 Iomraidhean Croise

1 Amadapụ 10:17

Ọ̀ nwẹnị pịkị osi-aị ma ḅụ kala ịrụ tẹ ḅakụtẹ golu ekpeke jeia asi tẹmẹ. Iku kala kurusu mbi na gbasị golu ò nwẹn kẹ gberie-gberie tẹmẹm. Ọ̀ nwẹnị mịna ekpeke mamgba kẹ ọ̀ “Lẹbanọnị Opu Piri Warị” kẹ sịịn tomi kobiri ḅio mẹ ḅụ koroma.

1 Amadapụ 10:21

Sọlọmọnị minji-ḅuu-aị mamgba in golu kẹ arị mịẹm, ọ̀ “Lẹbanọnị Opu Piri Warị” kẹ sịịn tomi kobiri ḅio mẹ ḅụ sime ẹfẹrẹ na, fịye-sọ-aị mamgba in golu kẹ arị mịẹ famam. Sọlọmọnị eneḅaka in seleḅa kẹ ye-sịn-a ẹrẹsị ini anị kẹ gberie-sọ mịẹ-a.

1 Amadapụ 7:3

Ogbo da ḅeriye sịn ma arịmgba mgbọ amesi sọnọ finji (45), gbọrụ ise jeia mgbọ jeia mgbọ. Sida ḍụḅọ mie ịn kẹ isun mẹ ḅakụ gbaịn yee. Yekoko-aḅio ma sọ ini arị isun ma ḅakụ gbaịn wararị tẹ ogbo da ḅeriaị ma arị palị sịẹma wararị.

1 Amadapụ 9:1

Amadaḅọ Sọlọmọnị KỊNỊNYANAḄỌ ḅe Tẹkẹ-warị mẹ na, amadaḅọ opu warị mẹ na pịkị ọ̀ nama ḅẹ ḅii jaị sọ nama fama tẹso,

1 Amadapụ 9:19

arị opu ama ma tẹ ori ịn fọịn ḅo ọ̀ pịrị aị ma kokoarị opu ama ma, ori asụ ma na, ò kirimẹnjị-ọmụarụ ma na, ḅẹẹye-ḅẹẹye kẹ ò Jeruselemu na Lẹbanọnị na ọ̀ kụrọ mu la ye-yọ mamgba ḅụ ọ̀ nama ḅẹ ḅii aị mamgba nama ḅẹ aị ma.

2 Paka-aị 9:16

Ò ḅakụtẹ golu kẹ pịkị ekpeke jeia asi tẹmẹm; golu kpo jeia asi gbọrụ ekpeke gbọrụ ekpeke ḅụ sọm; tẹ amadaḅọ ḅe arị kẹ Lẹbanọnị Opu piri mẹ ḅẹ warị ḅio koromam.

Sọlọmọnị Ḅẹlẹtẹịn Nume 7:4

Ị́ kọngọ sụụn wararị, gbala ọdụ kẹ nama tawa sime ọkụ. Ị́ atọrụngbọ kịọnkịọn-arị, gbala Hẹsịbọnị opu ama ḅẹ aḍaḅa ma kịonkịọn ḅara, anie Batị-rabimu ḅẹ ogigo-ḅọkọ ḅụ simearị aị ma. Í nini Lẹbanọnị ḅẹ tawa ḅụụ-ḅẹlẹma ḅara kẹ ḅụụ-ḅẹlẹmarị, anie tọrụ kẹ Damasịkọsị da wararị anga mẹ.

Ayịzaya 22:8

Juda kẹ amịna ḅụụ ḍụa ḅẹ aị mamgba ḅịkị saram. Anie paka tẹso, ị́ ọmụ-aị koko yọ mẹ ḅẹ aị ma pakama ḅom.