1 Amadapụ 6:9 - FỊAFỊA BAỊBỤLỤ

⁹ Mie Amadaḅọ Sọlọmọnị kẹ Tẹkẹ-warị mẹ nama fama ḅara. Ọ̀ nwẹnị sida ḍụḅọ ḅẹ oluku na finjimatẹ ḍụḅọ na kẹ warị mẹ ḅio isun mẹ ḅakụ gbaịn.

1 Amadapụ 6:9 Iomraidhean Croise

1 Amadapụ 6:10

Sida ḍụḅọ mie ịn kẹ oluku mịẹ tẹ kẹ tẹra dẹkị warị mẹ tẹ gbọrụ dẹkị dẹkị sọnọma ḅụọ-kuḅu na pakịrị na (2.2 m) kẹ gele wararị dẹkị ma ọkị-ḅo gboloma yee; in arị nama Tẹkẹ-warị mẹ ḅụ etela daa pakịrị ḅẹ warị-anga mẹ ḅụ sụam.

1 Amadapụ 6:14

Mie Sọlọmọnị kẹ Tẹkẹ-warị mẹ nama fama ḅara.

1 Amadapụ 6:38

Sọlọmọnị ama-da tẹ oyi gbọrụ kụra finji karama kụra mẹ ḅẹ ninea akalụ ịn kẹ Bulu sịn akalụ mẹ ḅụ mie Tẹkẹ-warị mẹ busunuma kara tẹ kọrịnama fa yee, kẹ anị nama ḅẹ tẹ ḅiotọn ḅara ḅụ. Anị nama karama mẹ, sọnọma kụra kẹ Sọlọmọnị ọkịm.

1 Amadapụ 6:8

Tẹkẹ-warị mẹ ḅẹ ọḅụjụ pakịrị ḅụ mie ḅọrọ ịn kẹ sụa nama wararị warị mẹ ḅẹ tarị dẹkị mẹ ḅẹ ḅọkọ simearị ye, kẹ kpọlị mu maaịn karama dẹkị na tẹrẹị karama dẹkị na laa ḅarị tanjịye anịjụ emi.

1 Amadapụ 7:51

Amadaḅọ Sọlọmọnị Tamụnọ warị mẹ ḅụ ḅẹ kọrịnama mẹmgba kọrị fama tẹso, ọ̀ nwẹnị ye mamgba tẹ ọ̀ ḍa Devidi mịẹ fịafịa ma tẹ sikima KỊNỊNYANAḄỌ ḅẹ pịrị golu na, seleḅa na osi namakọrịaị mamgba kẹ Tamụnọ warị mẹ ḅẹ ngọ-koko-aḅio ma ḅụ su koroma.

1 Amadapụ 9:25

Kụra tẹra sakị Sọlọmọnị nwẹn kẹ kụra-kụra ḅụ ọ̀ nama KỊNỊNYANAḄỌ pịrị agbamịẹ-anga mẹ ọgọnọ dọkịma-agba na gbọrụḅụụ-sime-agba na mịẹ-mịẹ KỊNỊNYANAḄỌ ḅe pịrịm. Ọ̀ kụnụaị sọ kẹ sụa agba mẹ dọkịmam tẹ arịḅẹ onwi ma turee-tureema so pakam. Mị-ḅara mẹ mie ọ̀ kẹ Tamụnọ-warị mẹ nama fama ḅara.

Paka-so 40:33

Ọ̀ nwẹnị nụngọ mẹ gbori Akpụrụ-warị mẹ na, agbamịẹ-anga mẹ na ikelema-koro, tẹ nụngọ mẹ ḅẹ onu-ḅọkọ mẹ kpọ kikima ḅịtẹ mẹ kpọọm. Mị-ḅara mie Mozizi kọrịnama mẹ kọrị fama ḅara.

Sọlọmọnị Ḅẹlẹtẹịn Nume 1:17

sida asịn wamịna warị mẹ ḅẹ ḅeriaị sọ ḅa, Sayịpẹrẹsị asịn isun-suku mẹ mịẹ ḅa.