1 Amadapụ 6:1 - FỊAFỊA BAỊBỤLỤ

¹ Izirẹlịapụ Ijiputi koroma-so tẹ kụra gbọrụ ẹndẹ inia si finji (480) ḅọrọ sakị, anie Sọlọmọnị Izirẹlị ḅụ ama-da tẹ inia kụra karama kụra ḅụ maaịn karama akalụ tẹ ịn kẹ Zivụ sịn-arị akalụ mẹ ḅụ mie Sọlọmọnị KỊNỊNYANAḄỌ ḅe Tẹkẹ-warị mẹ ḅụ ḅẹ kọrịnama saakị ye.

1 Amadapụ 6:1 Iomraidhean Croise

1 Amadapụ 6:2

Anị ḅio mẹ ḅụ anịḅẹ nangwọ anie inia si oyia aḅụọ-kuḅu finji (27 m); anịḅẹ finjima anie ḅụọ-kuḅu asuei (9 m); anịḅẹ gele anie mesi sọnọa ḅụọ-kuḅu finji (13.5 m).

1 Amadapụ 6:37

Tẹkẹ-warị mẹ ḅẹ sukutarị-ḍụḅarị mẹ koroma saakị anie Sọlọmọnị ama-da tẹ inia kụra karama kụra mẹ ḅẹ maa akalụ karama akalụ ịn kẹ Zivụ sịn akalụ mẹ ḅụ.

1 Paka-aị 29:19

Ì owiḅọtụḅọ Sọlọmọnị mịẹ tẹ ori ò bebe ḅioḅẹngbọ kẹ í oloko ma na, ḍuko aị ma na, ị́ kẹẹ koroma wararị oloko ma na, koko tẹ arịmgba mịẹ mẹ kẹ ọ̀ pịrịị, tẹ mịẹ tẹ ori amadaḅọ warị mẹ nama à gotẹ ye tẹlẹma koroma tẹ ye mẹ.”

1 Paka-aị 6:10

Johananị anie Azaraya (ori mie Sọlọmọnị Jeruselemu ḅụ nama warị mẹ ḅio agbamịẹ kọrịnama kọrị ḅọ ḅe)

2 Paka-aị 3:3

Mịna aḅara ma mie Sọlọmọnị tọn lama ḅara Tamụnọ warị mẹ ḍụḅa la ḅarị ḅara; anị ḅẹ nangwọ anie inia asi oyia aḅụọ-kuḅu finji (27 m); anị ḅẹ finjima anie ḅụọ-kuḅu asuei (9 m).

Ẹzịra 5:11

Mịẹ ịn kẹ wa pakịrị pakịrị-ḅịḅị, ‘Wamịnị anie So mẹ na Kiri mẹ na nyana Tamụnọ ḅe afịrịmẹnjịapụ, anịsakị iḅere-iḅerea kụra ḅio Izirẹlị ḅụ gburo-gburotẹ gbọrụ Amadaḅọ nama tẹ nama karama warị mẹ mịẹ wa siin namarị ye.’

Devidi-Anume 78:69

Anịanga mie ori ọ̀ Warị nama tẹ kẹ ò So-ḅio ḅẹ sime-yọ mẹ kịkama ye; ori anị mịẹ kụrọma kiri mẹ ḅioju kịkamam, sakị mamgba anị kụrọ sịẹ sime wararị.

Paka-so 12:41

Anịsakị kụra gbọrụ ẹndẹ suei finji mẹ ḅẹ kunoma ene mẹ, anị gbọrụ ene mẹ ḅụ mie KỊNỊNYANAḄỌ ḅe inweni-ogbo mamgba Ijiputi ama ḅụ paka-so ye.

Paka-so 12:51

Anị ene mẹ ḅụ, KỊNỊNYANAḄỌ ḅe Ijiputi ama mẹ ḅio Izirẹlịapụ ma pakama-ḅom, ịna inweni-ogbo-ogbo ma ḅụ.

Izikẹlị 41:1

Jen, tomḅọ ḅe ị̀ ọkị ogboku ḅẹ ḅio mẹ sọ mum, Fịafịa Yọ mẹ. Ò tolu-ḅọrọ mu anị la anga mẹ tọnm: anị ḅẹ pokolo mẹ tẹra mita lam,

Hegayị 1:8

Mịọkụ ó tụndụ ma kpọlị iwoo, sịn pẹlẹ ḅo tẹ kẹ siin ị̀ Warị mẹ namaa; anịtẹso ị̀ tọrụ ḅẹlẹ tẹ ó sunsin ị̀ pịrị gbẹ ḅara kẹ sunsin ị̀ pịrị ḅa.”

Zẹkaraya 6:15

Iḅere-iḅerea anga ḅụ angarị owiapụ ḅo ḅarasụa tẹ KỊNỊNYANAḄỌ ḅe Warị mẹ siin nama ḅa. Tẹ in siin anị nama sakị ó nimi ḅa mịnẹ Kụrọmamgba nyana KỊNỊNYANAḄỌ ḅe ị̀ kẹ ọ́ fịrịmam. Mie-mẹmgba paka ḅa ó ḅintẹ ḅara kẹ KỊNỊNYANAḄỌ ọmịna Tamụnọ ḅe oloko ma kokoarị ḅẹḅẹ.

Kịẹn-aḅịḅị 1:1

Gbọrụ ene ḅụ, KỊNỊNYANAḄỌ ḅe nwẹnị Sayịnayị ḅẹ ịkpa mẹ ḅio ẹkwẹn Mozizi pịrị Kobiri Akpụrụ-warị mẹ ḅio, ini Ijiputi ama mẹ ḅio paka-ḅo tẹ maaịn karama kụra mẹ ḅẹ maaịn karama akalụ mẹ ḅẹ tarị eneḅaka mẹ ḅụ, tẹ ḅẹẹm:

Fịrịmẹnjịapụ 13:19

Ọ̀ mịẹtẹ Kenanị ḅẹ sọnọma asịẹ fa tẹ ịna kiri kẹ ori atomi ma nye sọmam.

Fịrịmẹnjịapụ 7:47

Kụma Sọlọmọnị mie warị nama Tamụnọ pịrị ye.”

1 Kọrịntị 6:19

Ó nimi-a ḅarị ya, mịnẹ ọmịna oju mẹ anie Tamụnọ Fịafịa Tẹmẹ ḅe warị, anie Tamụnọ kẹ ọ́ pịrị tẹ ọmịna ḅụụ ḅio angarị ḅọ ḅe ḅara? Ó sime ọmịna aḅụụ pịrị-a, kụma Tamụnọ mie ó sime pịrị ye;

2 Kọrịntị 6:16

Ndẹẹ Tamụnọ-warị mẹ na oru-afụḅara na gberie mịẹ ḅẹ ḅara? Kẹ gotẹ ọkọ ḍukoarị, wamịnị anie ḍumo wararị Tamụnọ ḅe warị mẹ! Anie Tamụnọ ḅarana ḅẹẹ tẹ ḅara, “Àrị ị̀ atomi ma na sime tẹ ịna ogboku anga ḅa; àrị ịna Tamụnọ sọ tẹ ini ị̀ atomi sọ ḅa.”

Kọlọsị 2:7

Ọmịnị ọ̀ ḅụ kuno sụa pokolomaa, tẹ ọmịna aḍumo ọ̀ ḅụụ sịrẹrẹ tẹ anị lolo paka-ḅo, tẹ ọmịna minini mẹ nwẹnị kụrọ tarị ḅara nẹngị, ịn wẹrịtẹ kẹ ó toluma ḅara ḅụ. Ịmịẹtẹ-ḅẹẹ pịkị ọmịna ḅụụ ḅio ḅiin.

Hiburu 11:10

Kẹ gotẹ ọkọ ḍukoarị, Ebira-amụ ọ̀ Tamụnọ ḅarana tọn tẹ nama ama mẹ koru simem, anie sime gbamaso aḍụḅarị kẹ suku sakị ama mẹ.

Hiburu 9:11

Kụma Anịngẹ-kụraḅio Kịrayịsị mịọkụ simearị iḅi aị ma ḅẹ Sịḅịda-Agbamịẹḅọ ḅara kẹ ḅo la tẹ. Ò sime tẹ fịrịmẹnjịarị akpụrụ tẹkẹ-warị mẹ iḅi, pịkị kara-gbasị, osi ye mẹ nẹngịm; tomi ḅara kẹ nama Akpụrụ tẹkẹ-warị-a, anie fiearị mịnẹ mị tomikiri Tamụnọ tẹmẹ koroma wararị aị ma ḅẹ gbori pakịrị-a.

1 Pita 2:5

Ó ḍumo wararị aḍụḅarị ḅara kẹ ḅoo, tẹ ọmịna aḅụụ kẹ pịrịị, ini ọ́ kẹ tẹmẹ ḅụ ḅẹ Tamụnọ-warị nama, anịanga ḅụ ọ́ fịafịa agbamịẹapụ fịrịmẹnjị tẹ Tamụnọ ọkị gbẹẹ tẹmẹ ḅụ ḅẹ agba mịẹ ọ̀ pịrị ḅa, Jizọsị Kịrayịsị ḅe ḅụ.

Ḅẹrẹkọn-apụ 11:26

Izirẹlị kụra jeia si kẹ Ẹsịbọnị na arịḅẹ kala-ama ma na, Arowa naarị ḅẹ kala-ama ma na, opu ama mamgba tẹ Anọnị Tọrụ agara ma ḅụ sime aị ma ḅụ sime sakị ị́ tiegotẹ anị sakị mẹ ḅụ siin arị ọkị nyana-a?