1 Amadapụ 5:4 - FỊAFỊA BAỊBỤLỤ

⁴ Kụma mịọkụ KỊNỊNYANAḄỌ ị̀ Tamụnọ ḅe dein kẹ ị̀ pịrị tẹ ị̀ ikelema-koro wararị akaka mamgba ḅụ. Ị̀nịna fịya-a apụ ḅarị ofori, anịsakị owu paka tẹ ye-kẹ-kịnị-lama sọ ḅarị ofori.

1 Amadapụ 5:4 Iomraidhean Croise

2 Samụẹlị 7:5

“Mu ḍuko ị̀ fịrịmẹnjịḅọ Devidi pịrịị, mie KỊNỊNYANAḄỌ ḅe ḍuko yee, ‘ị́yẹrị warị nama ị̀ pịrị tẹ àrị anị ḅio anga ḅẹ?

1 Amadapụ 11:25

Sọlọmọnị ḍumo sakị mẹmgba ḅụ ori anie Izirẹlị na fịya-a ḅẹ gbọrụḅọ.

1 Amadapụ 4:24

Sọlọmọnị Yuferetisi Tọrụ mẹ ḅụ ḅẹ ịrụa-ideriarị-anga mẹ ḅụ simearị ama ma ḅụ, Tifisa Yuferetisi mẹ akaka simearị ama mẹ ḅụ sakị ḅẹrẹtọn wenii ịrụa-ideriarị-anga mẹ ḅụ mu Gaza opu ama mẹ lam. Amadapụ mamgba tẹ Yuferetisi mẹ ḅụ ḅẹ ịrụa-ideriarị-anga mẹ ḅụ sime apụ mamgba ò suku-ḅio simem, anịsakị ori na kpekitẹ sime opu asịẹ mamgba ori na dein ḅụ simem.

1 Amadapụ 5:18

Sọlọmọnị na, Hiramụ na kọrịnama kọrị apụ ma na pịkị Bayịbịlọsị opu ama mẹ ḅụ ḅo atomi ma ḍụḅarị ma na opu asịn ḅirima na tẹlẹma tẹ kẹ KỊNỊNYANAḄỌ ḅe Tẹkẹ-warị mẹ nama mẹ pịrịm.

2 Amadapụ 18:8

Ama koru kụrọ gele-warị ḅụ ọkị mu ọmụ-aị kẹ mịẹ kụrọma opu ama ma la ḅụ, ò Filisiteniapụ ma ḅaa nwenii mu Gaza na, anị ḅẹ ye-yọ na lam.

1 Paka-aị 22:9

Kụma ị́ gbọrụ owiḅọtụḅọ iyi ḅa. Ò dein tomḅọ sọ ḅa, tẹ ori na fịya-a apụ mamgba ikelema-koro ḅụ à dein kẹ ọ̀ pịrị ḅa; ịn kẹ ọ̀ sịn ḅarị ẹrẹ Sọlọmọnị, anịsakị à dein na gbene na kẹ ori ene ma ḅụ Izirẹlị pịrị ḅa.

Ẹzịra 4:20

Gburo-gburotẹ opu amadapụ Jeruselemu ḅụ ama-da tẹẹ, tẹ pịkị Opu Tọrụ mẹ akaka simearị ama ma da, nwẹnị pịkị ịna aḅara sịẹ kẹ jen sịẹ gbẹẹarị igbigi na, fịrịma-ḅo ngọ sịḅị ḅẹ igbigi na, opu etela ḅụ mẹnjị-ḅọrọ gbẹẹ-gbẹẹ igbigi na daa-ọkịm.

Devidi-Anume 72:7

Yee ori ama-daarị sakị mẹ ḅụ karakara mịẹ ama mẹ ḅio kama, tẹ lọkọlọkọ pịkị sime akalụ mẹ ḅịya mu la sakị, la sakị la.

Ayịzaya 9:7

Ori ama nyana kụrọ mẹ tọrọkọ-tọrọkọ mu ḅa, Ọ̀ daarị yọ mẹ ḅụ sakị mamgba dein sime ḅa. Ori Ama-da Devidi tọrụ-ḍimaḅọ ḅara kẹ ḅẹrẹtọn ḅa, Ọ̀ kụrọ mẹ kuraye na ọrụḅọ-ọrụḅọ la kiri kẹ mḅọ pịrị na ḅụ sịẹsime ḅa, mịọkụ ọkị mu sakị kunoma la. Kụrọmamgba nyana KỊNỊNYANAḄỌ ḅe tọn pẹlẹ tẹ mịnẹ mie-mẹmgba mịẹ ḅa.

Fịrịmẹnjịapụ 9:31

Tẹ Judiya na, Galili na, Sameriya na mamgba ḅụ sọsị mẹ nwẹnị dein nyana. Fịafịa Tẹmẹ ḅe ḅarasụa ḅụ anị nwẹnị kụrọ sịẹ, tẹ pịkị kịẹn-ḅịḅị ḅụ ḍụḅa, anie anị kẹ KỊNỊNYANAḄỌ ḅe kụn ḅụ anga ḅara ẹrẹsị.

Jọsụwa 15:47

Asịdọdị na anịḅẹ ama ma na kala-ama ma na kẹ anị ḅụ sụa; Gaza na anịḅẹ ama ma na kala-ama ma na kẹ anị ḅụ sụa, mu Ijiputi ḅẹ kuroro mẹ la, na Gburo-gburotẹ Opu Tọrụ mẹ na, anị ḅẹ agara mẹ na kẹ anị ḅụ sụa.