1 Amadapụ 5:3 - FỊAFỊA BAỊBỤLỤ

³ “Ị́ nimi wararị mịnẹ gbala ị̀ ḍa Devidi sakị mẹmgba ori na fịya-a opu asịẹ ma tẹ ori ikelema-koro wararị apụ ma na ọmụgbin-arị tẹ inetẹ gbọrụ tẹkẹ-warị nama tẹ kẹ sunsin KỊNỊNYANAḄỌ ọ̀ Tamụnọ ḅe pịrị-a nwenii KỊNỊNYANAḄỌ ḅe owu-ḅara-iḅi kẹ ọ̀ pịrị tẹ ori na fịya-a apụ mamgba ikelema-koro ḅụ.

1 Amadapụ 5:3 Iomraidhean Croise

1 Amadapụ 8:19

kụma gbala-gbala ị́yẹrị rẹ anị nama ḅịa. Í owiḅọtụḅọ, ị́yẹrị ḅarana iyi owiḅọtụḅọ, mie ị̀ warị nama ḅarị ye.’

1 Paka-aị 22:8

Kụma KỊNỊNYANAḄỌ ḅe ị̀ ḅẹẹm, ‘Ị́ tọnwa opu ọmụ gbin tẹ ọmbie ọsụma lama tẹẹ; ị́ ḅarị warị nama tẹ kẹ ị̀ ẹrẹ go ḅịa, kẹ gotẹ ọkọ ḅẹẹarị, ị̀ tọrọkọ tomikiri mẹ ḅụ ị́ ọmbie ọsụma sara lama tẹẹ.

1 Paka-aị 28:2

Anịtẹso Devidi nwẹnị saakị sịẹsime tẹ ḅẹẹ, “Ị̀ amịnapụ na, ị̀ atomi na, ọmịnị ì pokii. Anị ì ḅioḅẹngbọ ḅụ simem ịnyọsara warị nama tẹ kẹ KỊNỊNYANAḄỌ ḅe Ọḅọkụ-Igbe mẹ pịrị tẹ anị pịkị sime wamịna Tamụnọ ḅụọ gbana ịkasiye pịrị; tẹ àrị ị̀ ḅụụ tẹlẹma anị nama mẹ pịrịm,

1 Paka-aị 28:3

kụma Tamụnọ nwẹnị ị̀ ḅẹẹ, ‘Ị́yẹrị warị nama ị̀ ẹrẹ pịrị ḅịa, kẹ gotẹ ọkọ ḅẹẹarị, ị́yẹrị anie ḅeri ḅẹrẹ naa-a ọmbie ọsụma tẹ ḅọ.’

2 Paka-aị 9:4

ò dẹbịlẹ ọgọnọ ḅẹ fịye mẹ na, ọ̀ fịrịmẹnjịapụ opu apụ ma lẹgị ḅara mẹ na, ori afịrịmẹnjịapụ wẹrịtẹ fịrị mẹnjịarị ḅara na, in sụa kapa na, ò minji-ḅuuye dogi wararị apụ na in sụa kapa na, KỊNỊNYANAḄỌ ḅe warị mẹ ḅụ mịẹ dọkịma-agba ẹrị tẹso, á tẹmẹ nwẹnị á ḅụụ faa.

Nehimaya 5:17

Jen-a jen-a ị̀ fịye suku ḅụ wamịnị na kpeki opu asịẹ ma ḅụ sime tẹ ḅo apụ sikima, Juu-ḅẹ-apụ na, fịrịmẹnjị-opuapụ na tẹ sime apụ kịnị sọnọma asi oyi finji.

Nehimaya 5:18

Gbọrụ ene ḅụ, ịn kẹ fịye sọarị ye gbọrụ pootẹ-nambulo na, sẹlẹmatẹ sonio anama na; ọḅọkọ pịkị ọkọ kẹ emi tẹ ịn tẹlẹma ị̀ pịrịarị; oyi aḍin goyegoye ḅụ iru kụma ḍuko-ḍuko ọkụ ofori; mie mẹmgba ḅụ anịsọ kẹ ḅẹrẹtọnḅọ pịrị-pịrị fịye igbigi mẹ àrị anị ḅii-a, kẹ gotẹ ọkọ ḅẹẹarị kụrọ-ḅara kẹ tọn tẹ mịna apụ ma kọrịarị ye mẹ ịna ọgọnọ ḅụ iku wararị.

Devidi-Anume 110:1

KỊNỊNYANAḄỌ ḅe ị̀ nyana amadaḅọ ḅe ḅẹẹm, “Mịanga ị̀ ama-ḅara anga lẹgị-sime nwenii à si kẹ ị́ tọn apụ ma kẹ ị́ aḅụọ gbana ye mịẹ sakị la.”

Devidi-Anume 8:6

Ị́ ọ̀ tọnm ori ị́ tẹmẹ ye goyegoye kẹ sịḅịdaa; bebe tẹmẹ ye mamgba ị́ kẹ ò suku-ḅio suum:

Malakayị 4:3

Àrị à mịẹ ḅẹ ye mịẹ ḅẹ ene mẹ ḅụ, ó si-sịḅịḅio-sụapụ ma nẹngịma ḅa, tẹ ịn fọọn kịka ḅa ọmịna aḅụọ suku-ḅio ḅụ.”

1 Kọrịntị 15:25

Kẹ gotẹ ọkọ ḍukoarị, Kịrayịsị ḅẹrẹtọn nwenii Tamụnọ si kẹ ọ̀ tọn apụ mamgba nẹngịma ọ̀ pịrị tẹ ịn kẹ ọ̀ ḅụọ suku-ḅio suu sakị la ḅa.

Ẹfisọsị 1:22

Tamụnọ ye mamgba kẹ Kịrayịsị aḅụọ suku kuroma tẹ ọ̀ kẹ ye mamgba sịḅịda KỊNỊNYANAḄỌ sọma sọsị mẹ pịrị tẹ.

Ditẹrọnọmị 14:5

ḅụọ okuro sụa nama ḅe na, ḍuu ḅe na, tụḅara ḅe na piri-oḅori ḅe na, tụndụ ọgọnọ ḅẹ anana ḅe na.

Jọsụwa 10:24

Ini arị amadapụ ma pakama-ḅo tẹ ini ọkị-ḅo Jọsụwa pịrị tẹso, Jọsụwa nwẹnị Izirẹlị ḅẹ owiapụ mamgba sịn ḅo kobiri, tẹ owu-akọnịapụ ma sịḅịdapụ ma tẹ ori na mu apụ ma ḅẹẹ, “Ọ́ sọma-ḅo kpekii, ọmịnị ọmịna aḅụọ kẹ mịna amadapụ ma akọngọ nanga sịẹma,” Anịtẹso ịn nwẹnị sọma-ḅo kpeki tẹ ịna aḅụọ kẹ ịna akọngọ nanga sịẹma.