1 Amadapụ 5:1 - FỊAFỊA BAỊBỤLỤ

¹ Taya ḅẹ Amadaḅọ Hiramụ anie sakị mẹmgba Devidi ikiaḅọ, ọ̀ naam mịnẹ Sọlọmọnị amada-kụlọ ḅụ Devidi kiri ọkị tẹ ẹrẹsị, ọ̀ nwẹnị ọ̀ sịẹ mẹ tọrụ-ḍima ḅara ḅụ kịnị kẹ ọ̀ fịrịma.

1 Amadapụ 5:1 Iomraidhean Croise

Suku-saakị 15:18

Anị ene mẹ ḅụ, KỊNỊNYANAḄỌ ḅe Ebiramụ na gbọrụ ọḅọkụ fịm tẹ ḅẹẹm, “Mị ama mẹ à kẹ í furo-ḅẹ-apụ pịrịm, Ijiputi ḅẹ tọrụ mẹ ḅụ ọkị mu Opu Tọrụ mẹ la, ọkị mu Yuferetisi tọrụ mẹ la,

2 Samụẹlị 5:11

Hiramụ, Taya ḅẹ amadaḅọ nwẹnị fịrịmẹnjịapụ na, ịn kẹ sida sịn-arị opu sịn-aḅiri na, akanịapụ na, ḍụḅarị warị nama apụ tẹ ama-da gbọrụ warị nama Devidi pịrị apụ ma na kẹ Devidi fịrịma.

2 Samụẹlị 8:10

Toyi ori owiḅọtụḅọ Joramụ kẹ nwẹnị Devidi fịrịma, ori Adadeza na owu sọ, tẹ ọ̀ nẹngịma ye mẹ ẹrẹsị ḅii-ḅịḅị kẹ Devidi pịrị, pịkị ò tokini ḅẹ gotẹ; gbala Adadeza wọlọ-wọlọ Toyi na owu sọ tẹ ẹrẹsị. Joramụ nwẹnị ịn seleḅa kẹ tẹmẹ-aị na, golu kẹ tẹmẹ-aị na, ojo kẹ tẹmẹ aị na kẹ sụa ḅo;

1 Amadapụ 10:25

Ḅoḅọ-ḅoḅọ golu na seleḅa na kẹ tẹmẹ-aị na, opu akapa na, ọmụgbin aị na, ẹnyị na asụ na, kụrọ-sịḅịsụa-asụ na ḍiepịrị-aị kẹ ḅo ḍie-ḍie ọ̀ pịrịm. Miemẹ ọkọ mịẹm kụra fa kụra ḅụ.

1 Amadapụ 5:10

Anịẹrẹsị Hiramụ nwẹnị Sọlọmọnị ḅii ḅara kẹ sida na payịnị na sịn opu aḅiri ma kẹ Sọlọmọnị pịrị,

1 Amadapụ 5:13

Amadaḅọ Sọlọmọnị nwẹnị Izirẹlị mẹmgba ḅụ kụrọ-kọrịnama gotẹ kịnị tẹra puku na jei ẹndẹ (30,000) ọkị

1 Paka-aị 14:1

Taya ḅẹ amadaḅọ Hiramụ nwẹnị fịrịmẹnjịapụ na, in kẹ sida sịn-arị opu asịn aḅiri na, pịkị ḍụḅarị kẹ warị nama apụ na, akanịapụ na kẹ Devidi fịrịma, warị nama ọ̀ pịrị gotẹ.

2 Paka-aị 17:11

Filisiteniapụ ma ḅẹ ja apụ ḍiepịrị-aị kẹ ḅo ọ̀ pịrịm, in pịkị seleḅa oso-oso ọ̀ pịrịm tẹ Arabụ apụ sọ jeia asi ofori ejimina gbọrụ puku (7,700) na, jeia asi ofori ekpe-oḅori gbọrụ puku na kẹ ḅo ọ̀ pịrịm.

2 Paka-aị 2:3

Sọlọmọnị nwẹnị oku kẹ Huramụ, Taya ḅẹ amadaḅọ ḅe fịrịma: “Ị́ wẹrịtẹ ị̀ ḍa Devidi na mịẹ tẹ ịn kẹ sida sịn-arị sịn mẹ kẹ ọ̀ fịrịma mịnẹ ọ̀ kẹ ori anga ḅẹ warị nama ọ̀ ḅụụ pịrị ḅẹ ḅara, ọkọ kẹ ị̀ na mịẹ.

2 Paka-aị 9:26

Anịsakị ò ḅẹrẹtọn amadapụ mamgba tẹ Yuferetisi ḅụ sime apụ ma ḅụụ ọkị mu Filisiteni ḅẹ ama ma ḅụ mu Ijiputi akaka la pịrịm.

Ẹzịra 4:20

Gburo-gburotẹ opu amadapụ Jeruselemu ḅụ ama-da tẹẹ, tẹ pịkị Opu Tọrụ mẹ akaka simearị ama ma da, nwẹnị pịkị ịna aḅara sịẹ kẹ jen sịẹ gbẹẹarị igbigi na, fịrịma-ḅo ngọ sịḅị ḅẹ igbigi na, opu etela ḅụ mẹnjị-ḅọrọ gbẹẹ-gbẹẹ igbigi na daa-ọkịm.

Devidi-Anume 45:12

Taya ḅẹ apụ ḍiepịrị-aị kẹ ḅo ị́ pịrị ḅa, ngọ-kọn apụ ḅo ị́ tọrụ iḅi ọkị ḅẹ anga ḍọkị ḅa.

Devidi-Anume 72:8

Ori ama-daarị anga mẹ gbọrụ abajị ḅụ mu jen abajị la ḅa, Yuferetisi tọrụ ḅụ ọkị mu kiri kunoma anga ma la ḅa,

Devidi-Anume 80:12

Tiye ẹrẹsị ị́ ị́ kẹ anị gbori onu ma kan sara? Mịọkụ mẹnjị-ḅọrọarịḅọ-ḅọrọarịḅọ inetẹ anị ḅẹ mgbọlụ ma furu kaịn ḅa;

Paka-so 34:24

Kẹ gotẹ ọkọ ḅẹẹarị, àrị ọmịna tọrọkọ opu asịẹ wakị-wakị nguma ḅa, tẹ ọmịna agara ma mịẹ-mịẹ ḍụḅama ḅa; kụra mẹ ḅụ ọ́ tẹra asakị tẹra asakị kẹ iwo-iwo ị̀ tọrọkọ tolu pakarị sakị, gbọrụ tomḅọ sọ ọmịna ama ọkị ḅẹ ḅii ḅịa.”

Ayịzaya 23:1

Mie Taya gboloma oku mẹ. Ọ́ dasịẹma-a ḅara kẹ kururu ḅụ owu pakama, ọmịnị abajị ḅio dọkụarịapụ! Taya, ọmịna ama ḅẹ arụ-agba anga mẹ ịn kan guluguluma tẹ; anị ḅẹ awarị ma na, arụ sọ ḅo lụmọ gbin, gbin ayọ ma na in sima fama tẹ. Ọmịna arụ ma Sayịpụrọsị ḅụ pịkịma-ḅo sakị ọ́ pakaye naa ḅa.

Izikẹlị 19:11

Anị ḅẹ aḅara ma kụrọm, tẹ ḍụḅa paka-ḅo ama-da mkpara-mkpara sọm Kụrọ sịn mẹ ḅo sịn sọ tẹ iwo So-tọrụ mu oḅuto lam; ḅẹḅọ-ḅẹḅọ anị ḅẹ ịnyịnya anị ḅụ pụrụkụ ḅara na anị sịẹ-gele ḅara na ẹrịm.

Emọsị 1:9

KỊNỊNYANAḄỌ ḅe ḍukoarị, “Taya ḅẹ apụ ma si mịẹ-mịẹ-mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. In bebe sịẹ dogi-so mu Idọmụ amakiri ḅụ kun-ḅara ḅio wẹrịm tẹ ịn mịẹ wararị ikia ḅịḅị-kẹ-ogbosọ mẹ sọ in koko-a.

Kịẹn-aḅịḅị 24:7

Minji ori agbakuru ma ḅụ seri ḅa, tẹ ọ̀ sịnmgbọlị tọnwa minji ḅio sime ḅa. Ori amadaḅọ gele Egagị nẹngị ḅa, tẹ ori ama-da saakị gele ḅa.

Luku 7:5

Ọ̀ wamịna ama ḅẹlẹma lamarị tẹ wamịna ama-warị mẹ sọ ori anie ḅarana anị nama wa pịrị ye.”

Ditẹrọnọmị 20:11

Anịsakị dein anie anị ḅẹ pakịrị ḅịḅị tẹ ịn kẹ ọ́ pịrị ye, tẹ ḅọkọ finji ọ́ pịrị, pịrị, anịrẹ tomi tẹ ọmịnị anị ḅio ḍọkị-ẹrị apụ mamgba kụrọ kọrịnama kọrị tẹ fịrịmẹnjị ọ́ pịrị ḅa.

1 Samụẹlị 10:27

Kụma papaa ja atomi mẹẹ, “ḅị tomḅọ ḅe tọ-ḅara kẹ inetẹ wa ḅọrọma ḅẹ?” Ini ò ḍiki-simam, tẹ gbọrụ ḍiepịrịye sọ ọkị-ḅo ọ̀ pịrị-a. Kụma ò dein-simem.