1 Amadapụ 4:6 - FỊAFỊA BAỊBỤLỤ

⁶ Amadaḅọ ḅe warị ḅẹ fịrịmẹnjịapụ ma kẹ sịḅịdaḅọ anie: Ahisa. Kụrọ-kọrịnama goyegoye kẹ sịḅịdaḅọ anie: Aduniramu, Abida owiḅọtụḅọ ḅe.

1 Amadapụ 4:6 Iomraidhean Croise

2 Samụẹlị 20:24

Adoramụ fịrịma ḅẹ kụrọ afịrị kẹ sịḅị-dam; anịsakị Jehosafatị, Ayiludu owiḅọtụḅọ ḅe ịn kẹ ye kẹẹ sụa wararị aḍiri ma ḍikiḍiki kẹ sịḅị-dam;

1 Amadapụ 12:18

Anịtẹso amadaḅọ Rihobohamụ nwẹnị Adoramụ, kụrọ kọrịnama kẹ sịḅịda ḅọ ḅe fịrịma Izirẹlị mu, tẹ Izirẹlị mẹmgba nwẹnị ḍụḅarị kẹ ò gbin ḅaa. Mịẹ ḅụ amadaḅọ Rihobohamụ nwẹnị fọnya ḅara ḅụ ò kirimẹnjị-arụ ḅụkụlọ tẹ mangị-so Jeruselemu mu.

1 Amadapụ 4:5

Ḅẹrẹtọn kẹ tomi kpọma pịrịarị apụ ma sịḅịdaḅọ anie: Azaraya, Netanị owiḅọtụḅọ. Nimi ẹkwẹn kọn amadaḅọ ḅe pịrịarị-ḅọ anie: Zabudu, Netanị owiḅọtụḅọ.

1 Amadapụ 4:7

Sọlọmọnị Izirẹlị ḅụ ḅẹrẹtọn kẹ tomi kpo kpo pịrịarị apụ ḅụ oyi maa apụ finji tọnm. Ini ịna kpo kpo mẹ ḅụ fịye ọkị-ḅo amadaḅọ ḅe na ọ̀ warị-kpo mẹ na pịrị ḅa Ịna ḅụụ gbọrụḅọ-gbọrụḅọ gbọrụ akalụ onyo-sẹịnm kụra mẹ ḅụ.

1 Amadapụ 9:15

Amadaḅọ Sọlọmọnị kụrọ kọrịnama kọrị ḅara kẹ Tamụnọ-warị mẹ na, amada-opu-warị mẹ na, Jeruselemu na, Hazọ na, Mẹgido na, Geza ḅẹ onu ma na namam tẹ pịkị Jeruselemu opu ama mẹ ḅụ ịrụa-saakịarị-anga ḅẹ kiri mẹ pịrị pakamam.

2 Paka-aị 10:18

Anịtẹso Amadaḅọ Rehobohamụ nwẹnị Adoramụ, oriḅe tẹ kụrọ kọrịnama kẹ sịḅịdaḅọ ḅe kẹ Izirẹlị fịrịma, tẹ Izirẹlịapụ ma nwẹnị ḍụḅarị kẹ ò gbin ḅaa. Mịẹ ḅụ Amadaḅọ Rehobohamụ nwẹnị fọnya ḅara kẹ ò kirimẹnjị-ọmụarụ ḅụkụlọ tẹ ḍumo-mangị kọn Jeruselemu mu.

2 Paka-aị 8:8

Kụma in paka ḅara ḅụ ama mẹ ḅio ḅẹ apụ ḅụụ kọn apụ inima tẹ Izirẹlịapụ ma ḅaa apụ — mịna apụ ma mie Sọlọmọnị kụrọ kọrịnama kẹ pịrị tẹ kọrị apụ; anị ḅara mịẹ in kọrị ḅo mịmgba la ḅara.