1 Amadapụ 4:1 - FỊAFỊA BAỊBỤLỤ

¹ Sọlọmọnị anie Izirẹlị mẹmgba ḅẹ amadaḅọ,

1 Amadapụ 4:1 Iomraidhean Croise

2 Samụẹlị 20:23

Mịọkụ Johabụ Izirẹlị ḅẹ ọmụ-ogbo mẹmgba kẹ sịḅị-dam; anịsakị Bẹnaya, Jehohada owiḅọtụḅọ ḅe Keretayịtị apụ na, Pẹlẹtayịtị apụ na Devidi ḅụụ-ḍikiḍikiapụ ma kẹ sịḅị-dam; anịsakị.

2 Samụẹlị 5:5

Hẹbụrọnị ḅụ ọ̀ sọnọma akụra na, sonio akalụ na, kẹ ama-da Juda pịrịm; anịsakị Jeruselemu ḅụ ọ̀ kụra asuei, tẹra kụra finji kẹ ama-da Izirẹlị mẹmgba na, Juda na pịrịm.

2 Samụẹlị 8:15

Anieḅụ Devidi ama-da Izirẹlị mẹmgba pịrịm; tẹ Devidi karakara ḅẹrẹtọn na, kịnị na-iḅi ḅẹ ḅara kẹ ḅẹrẹtọn tomi mamgba pịrịm.

1 Amadapụ 11:13

Anị ọkọ mịẹ ḅa ḅẹsọ, ị̀ fịrịmẹnjịḅọ Devidi sịḅị ẹrẹsị na, à sẹlẹ ọkị ì nye mịẹtẹ opu ama Jeruselemu gotẹ, àrị ọ̀ ḅụụ bebe amakiri mẹ kan-siin fama ḅịa kụma à gbọrụ ibe kọnma ọ̀ pịrị ḅa”.

1 Amadapụ 12:6

Anịtẹso Amadaḅọ Rihobohamụ nwẹnị ọ̀ ḍa Sọlọmọnị ḍumo sakị ḅụ daa-karakarama ẹkwẹn kọn ọ̀ pịrị-pịrị omongiapụ ma gbela, “Ọ́ tọ-ḅara kẹ ì daa-karakarama tẹ à kẹ mịna atomi ma pakịrị ḅẹ?”.

1 Amadapụ 3:28

Izirẹlịapụ Sọlọmọnị ḅẹrẹ-pẹlẹ ḅịḅị mẹ naa tẹso, pokolotẹ mangịma nwẹnị ịna ḅio ḅụ ḅin kẹ ọ̀ pịrị, ịn nwẹnị gbala anịsakị rẹ nimi mịnẹ Tamụnọ nimi mẹ kẹ ò pịrị tẹ ọ̀ kẹ iḅi ḅara kẹ ịgbanịya kọn pẹlẹ.

1 Amadapụ 4:2

anịsakị mịna apụ ma anie ori afịrịmẹnjị-opuapụ: Agbamịẹḅọ ḅe anie: Azaraya, Zadọkụ owiḅọtụḅọ.

1 Paka-aị 12:38

Mịna ọmụ atomi mamgba, ọmụgbin ọrụtọn ḅara kẹ ḅụụ tẹlẹma tẹ Hẹbụrọnị ḅom Devidi kẹ Izirẹlị mẹmgba ḅụụ amadaḅọ mịẹ ḅẹ ḅintẹ kuroma ḅụ; anị gbọrụ ḅara ḅụ Izirẹlị ḅụ kirikọn-apụ mamgba Devidi kẹ amadaḅọ mịẹ gbọrụ kuroma mẹ nyanam.

2 Paka-aị 1:13

Anieḅụ Sọlọmọnị nwẹnị Gibiyọnị ḅẹ gele yọ mẹ ḅụ kobiri anga ḅẹ Akpụrụ-warị mẹ simearị anga, tẹ so Jeruselemu mu. Tẹ ori Izirẹlị mẹ dam.

2 Paka-aị 9:30

Sọlọmọnị Jeruselemu ḅụ sime tẹ kụra amesi kẹ Izirẹlị mẹmgba ḅụ ama-dam.

Nehimaya 13:26

Ọkọ sime ereme ḅụụ ḅo ye mie Sọlọmọnị Izirẹlị ḅẹ amadaḅọ kẹ si mịẹ ye anị-a? Mana-mana opu asịẹ ma ḅụ ò pembema Amadaḅọ ofori; ori ḅe ọ̀ Tamụnọ ọ̀ ḅẹlẹmam, tẹ Tamụnọ ọ̀ kẹ Izirẹlị mẹmgba ḅụ Amadaḅọ mịẹm; anịsọ igoni ama ḅẹ ereme mịẹtẹ oriḅe so si mịẹm.

Nimi Tolumaḅọ 1:12

Yẹrị Nimi Tolumaḅọ ḅe Jeruselemu ḅụ sime simem tẹ Izirẹlị dam.