1 Amadapụ 3:9 - FỊAFỊA BAỊBỤLỤ

⁹ Anịẹrẹsị à ḅiiarị à kẹ karakara ḅụ ḅẹrẹtọn kẹ ị́ atomi ma pịrị tẹ pịkị kẹ iḅi na si na, kịrị lekiri ḅarị nimi kẹ ị̀ pịrịị. Anieofori à tọ-ḅara kẹ inetẹ ḅẹrẹtọn kẹ mie í gburo-gburotẹ atomi ma pịrị ḅẹ?”

1 Amadapụ 3:9 Iomraidhean Croise

2 Samụẹlị 14:17

Anịsakị à nwẹnị kẹ ḅiokoroma mịnẹ ị́ ẹkwẹn-ḅịḅị mẹ, ị̀ nyanaḅọ, ịnyọsara kẹ ì pịrị ḅa; kẹ gotẹ ọkọ ḅẹẹarị, Tamụnọ enjẹlị ḅe iḅiye na siye na lekiri ḅara mie í sime-ḅara. KỊNỊNYANAḄỌ ị́ Tamụnọ ḅe ị́ na simee!”

1 Amadapụ 10:24

anịsakị bebe tomikiri mẹmgba ḅo-ḅo tẹ Tamụnọ kẹ ọ̀ pịrị nimi mẹ poki ḅẹ ḅiim.

1 Amadapụ 3:10

Sọlọmọnị miemẹ ḅii ye mẹ nwẹnị KỊNỊNYANAḄỌ ḅe ḅụụ-ḅẹlẹ,

1 Amadapụ 3:28

Izirẹlịapụ Sọlọmọnị ḅẹrẹ-pẹlẹ ḅịḅị mẹ naa tẹso, pokolotẹ mangịma nwẹnị ịna ḅio ḅụ ḅin kẹ ọ̀ pịrị, ịn nwẹnị gbala anịsakị rẹ nimi mịnẹ Tamụnọ nimi mẹ kẹ ò pịrị tẹ ọ̀ kẹ iḅi ḅara kẹ ịgbanịya kọn pẹlẹ.

1 Paka-aị 22:12

Yee KỊNỊNYANAḄỌ ḅe ḅarana ye tọn-pẹlẹ kuroma na, ye fie ye naa na kẹ ị́ pịrị, mịẹ tẹ ori Izirẹlị kẹ ị́ pịrị da sakị ị́ KỊNỊNYANAḄỌ ị́ Tamụnọ ḅe oloko koko ḅẹ ḅara.

1 Paka-aị 29:19

Ì owiḅọtụḅọ Sọlọmọnị mịẹ tẹ ori ò bebe ḅioḅẹngbọ kẹ í oloko ma na, ḍuko aị ma na, ị́ kẹẹ koroma wararị oloko ma na, koko tẹ arịmgba mịẹ mẹ kẹ ọ̀ pịrịị, tẹ mịẹ tẹ ori amadaḅọ warị mẹ nama à gotẹ ye tẹlẹma koroma tẹ ye mẹ.”

2 Paka-aị 1:10

Anịẹrẹsị nimi na yefieye naa na kẹ ị̀ pịrịị, kẹ gotẹ ọkọ ḅẹẹarị, tụḅọ inetẹ mie ị́ atomi ma gburo-gburo la ḅara ḅụ ḅẹrẹtọn ịn pịrị ḅẹ?”

Devidi-Anume 119:144

Ị́ ḍukom mịẹ ḅẹ aị ma ḅụ sakị mamgba inoma ye ofori; yefieye naa nimi kẹ ị̀ pịrị, anịsakị à ḍumo ḅa.

Devidi-Anume 119:34

Í oloko mẹ ḍuko giregirema ị̀ pịrị, tẹ àrị anị poki tẹ mị; arị ì ḅioḅẹngbọ mamgba kẹ anị koko ḅa.

Devidi-Anume 119:73

Ị́yẹrị ị̀ tẹmẹm, ị́ pịkị ì koko kpaịnmarị; yefieye naa kẹ ị̀ pịrị, mịẹtẹ àrị ị́ sụa oloko ma ḍawọ ḅẹ ḅara.

Egberima-Ẹkwẹn 14:8

Tiye ẹrẹsị aka-nimiḅọ ye-nimiḅọ sọarị? Ori ọ̀ mịẹ ḅẹ ye nimi wararị ẹrẹsị. Tiye ẹrẹsị oḅori-ḅọ ḅe oḅori-sọarị? Ọ̀ papaa kuromarị ò nimi ye emi.

Egberima-Ẹkwẹn 16:16

Nimi na ḍawọye na nyana kpọma iḅi golu na seleḅa na nyana nẹngịm.

Egberima-Ẹkwẹn 20:12

KỊNỊNYANAḄỌ ḅe tọrụngbọ kẹ wa pịrịtẹ wa kẹ ye ẹrị, pịkị ḅeri na wa kẹ ye naa.

Nimi Tolumaḅọ 7:11

Ḍuu ḅụ fị warị wẹrịma ngọ iḅi ḅara, mie nimi iḅi ḅara; anị iḅi sọ tọrụngbọ kẹ ịrụa mẹ ẹrị tẹ apụ pịrịm.

Nimi Tolumaḅọ 7:19

Nimi ḅẹlẹma ịnyọ kẹ ye-nimiḅọ pịrị tẹịn kẹ oyi ḅẹrẹtọn-apụ gbọrụ opu ama ḅụ sime tẹ ḅẹrẹtọn nẹngịm.

Jerimaya 1:6

À nwẹnị pakịrị, “Tẹịn-Ḅẹrẹtọn-Kụrọ-Nyana KỊNỊNYANAḄỌ, àrị ẹkwen-ẹkwẹn ḅara nimi-a; àrị asambịrịma ḅakam.”

Jerimaya 45:5

Í ḅiiarị in sikima ị́ na mị? Ọkọ mịẹ ma. Arị opu ḅụụ-fụka ọkị-ḅo tomḅọ nwẹn sịnḅọ-sịnḅọ pịrịarị, kụma anị sime-ḅara sime-ḅara sọ, kunoma í í ḍumo kẹ pụkọ-so ḅa í mu yọ mu yọ sọ. Yẹrị, KỊNỊNYANAḄỌ ḅe ọkọ ḅẹẹm.”

Danẹlị 2:21

Ori anie ḅẹrẹtọn sakị-sakị ma pịrịarị; ori mie kịnị kẹ ama-damarị pịkị amadapụ sin-arị ori mie nimi na yefieye naa na kẹ kịnị pịrịarị.

Matiyo 3:11

Yẹrị kịngẹ kụma ó si ḅụ pịkị tẹ Tamụnọ daa tẹ nwẹn ḅẹẹ elekima minji mie à kẹ ọ́ sararị ye; kụma ị̀ sakị ḅọrọ tẹso, gbọrụḅọ ḅo tẹ Fịafịa Tẹmẹ ḅe na, kọrị-fịnị na, kẹ minji kẹ ọ́ sara ḅa. Ori ị̀ nẹngị la ḅara ḅụ, ọ̀ kẹ ḅụọ sụarị okuro sọ à dogi gbẹẹ-a.

Matiyo 3:14

Kụma Jọnị nwẹnị Jizọsị ḅioḅẹngbọ ḍima ḅẹ ḅara ḍọkị tẹ ọ̀ ḅẹẹ, “Yẹrị rẹ mie ị́ dama-ḅo tẹ ị́ minji kẹ ị̀ sara ḅẹ ye-a, kụma ị́yẹrị rẹ ị̀ dama-ḅo!”

Jọnị 5:30

Àrị inetẹ ị̀ kụrọ kẹ gberie-sọ mịẹ ḅịa; Tamụnọ ị̀ ḅẹẹ ḅara, ḅẹẹ ḅara mie à ḍikitẹ ḅẹrẹkọn-arị ḅara gotẹ karakara ḅẹrẹ mie à kọn-arị ye, gbala àrị ì ḅiotọn ye mịẹ ḅẹ ḍọkị-a, kụma ị̀ kẹ fịrịma ḅọ ḅe ḅụụ-ḅẹlẹ ye ngẹrị mie à mịẹarị ye.

2 Kọrịntị 2:16

Faarị apụ ma ḅụụ anị fụrụ ḅo kịnị-ḅaaḅa ye sọ wararị; kụma ḅọrọmarị apụ ma ḅụụ anị ḍumo pịrịarị kụnụye sọ wararị. Tụḅọ nwẹnị inetẹ ọkọ sime kọrịnama mẹ kọrị ḅẹ?

2 Kọrịntị 3:5

Wamịna aḅụụ ḅio emi tẹ wa gotẹ wa inetẹ mị kọrịnama mẹ kọrị ḅa kẹ wamịna-aḅụụ ḅẹẹarị gberie-sọ ofori. Wa nyana kụrọ Tamụnọ ḅara mie anị ḅoarị;

Ẹfisọsị 5:17

Ọkọẹrẹsị ọmịnị oḅori atomi ḅara sime ma, kụma ọ́ ḅụụkụrọma tẹ KỊNỊNYANAḄỌ ḅe ḅiiarị ọ́ mịẹ ḅẹ ye mẹ ḍọkị nimii.

Filipayị 1:10

mịẹtẹ ọmịnị inetẹ iḅitẹịn ye mẹ sẹlẹ-ọkị ḅarị ḅara. Anịtẹso fịafịa-a aị na tomi kẹ ọmịna sịḅị sẹịn ḅẹ aị na ọmịna ḅụ paka ḅịa ḅara Kịrayịsị Ene mẹ ḅụ.

Hiburu 5:14

Osi pakịrị anga kẹ anị ḍiki kụma, kụrọtẹ fịye mẹ sime ḍụḅa paka-ḅo tomi la tẹ apụ pịrịm, anie sakị mamgba anị mịẹ ḅụ inetẹ iḅi na si na ḅẹ kịrị lekiri ḅẹ apụ.

Jemụsị 1:5

Kụma ọmịna ḅụ nimi nyana-a ḅọ emi-emii, mḅọ Tamụnọ tẹkẹẹ, ori anị kẹ mḅọ pịrị ḅa; kẹ gotẹ ọkọ ḍukoarị, Tamụnọ anie tọn-a ḅara na ḍiki-ḅụụjịrị nyana ḅara na kẹ ye kẹ kịnị mamgba pịrịarị ye.

Jemụsị 3:17

Kụma, arịmgba ḅụ tarị ye, So-ḅio ḅo nimi mẹ anị wamaye nyana-a, anị pịkị dein wararị, gbene, pịkị ikia kẹ kịnị ḍọkị na; ọkụrụkụrụ anị ḅụ ḅin wararị, tẹ anị pakama ḅoarị mgbọlụ anie iḅi amịẹaị; ḅẹrẹ kẹ ḅioḅẹngbọ sụa wẹrị na, mịẹ tomi ḍie na anị nwẹn nyana-a.