1 Amadapụ 3:6 - FỊAFỊA BAỊBỤLỤ

⁶ Sọlọmọnị nwẹnị pakịrị, “Ị́ sakị mamgba gburo-gburotẹ ḅẹlẹma nyanatẹ kẹ ị́ fịrịmẹnjịḅọ ị̀ ḍa Devidi pịrịm, anịsakị ori sọ pịkị ị́yẹrị na ori na gboloma ḅụ iḅi ḅara na, ḅẹlẹma na, minini na, kịnị-inoma-a, furu-a pịkị iruo-a ḅara kẹ ị́nịna simem. Ị́yẹrị sọ pịkị sịkọpẹlẹ-a ḅara kẹ sakị mamgba í gburo-gburotẹ ḅẹlẹma nyana ọ̀ pịrịm, gbọrụ owiḅọtụḅọ kẹ ọ̀ pịrị tẹ mịmgbaa ḅụ ori ò kiri ḅụ ḅẹrẹtọn-arị.

1 Amadapụ 3:6 Iomraidhean Croise

Suku-saakị 24:40

Ọ̀ nwẹnị ị̀ pakịrị, “KỊNỊNYANAḄỌ ḅe, oriḅe tẹ ọ̀ tọrọkọ ḅụ à mẹnjị ḅọ ḅe ori enjẹlị kẹ ị́ ḅụụ sụa fịrịma tẹ ị́ etela mịẹ lọkọlọkọma ḅa; tẹ ị́ ị̀ paka-furo na, ị̀ ḍa warị na ḅụ gbọrụ ẹrẹḅọ sime ḅo ì owiḅọtụḅọ pịrị ḅa.

2 Samụẹlị 22:21

KỊNỊNYANAḄỌ ḅe ị̀ karakara sime-ḅara ḍiki ị̀ gbẹẹm; ori ị̀ aḅara ma ḅẹ fịafịa la ḅara ḍiki ị̀ gbẹẹm.

2 Samụẹlị 22:25

Anịẹrẹsị KỊNỊNYANAḄỌ ḅe ị̀ karakara sime-ḅara ḍiki ị̀ gbẹẹ tẹ, ò ḍiki-tọrụ ḅụ ị̀ fịafịa wẹrịtẹ sime-ḅara.

2 Samụẹlị 7:5

“Mu ḍuko ị̀ fịrịmẹnjịḅọ Devidi pịrịị, mie KỊNỊNYANAḄỌ ḅe ḍuko yee, ‘ị́yẹrị warị nama ị̀ pịrị tẹ àrị anị ḅio anga ḅẹ?

1 Amadapụ 1:48

tẹ nwẹnị tẹkẹ, ‘Ó yee wa KỊNỊNYANAḄỌ ḅe tokinii, Izirẹlịapụ tẹkẹarị Tamụnọ ḅe, oriḅe tẹ mịmgba mịẹtẹ ị̀ ḅụụ paka-ḅo apụ ma ḅẹ gbọrụḅọ ḅo amada-kụlọ ḅụ ì kiri ọkị tẹ minini tẹ yẹrị sọ ì ḍumo sime tẹ anị ẹrị ye mẹ!’ ”

1 Amadapụ 15:5

Gbala Devidi KỊNỊNYANAḄỌ ḅe tọrụ ḅụ kuraye mịẹm tẹ ọ̀ tọn ọ̀ pịrị ye goyegoye ḅụ pịkị jen anga da-a, ò ḍumo-ene mamgba ḅụ, Yuraya Itayịti ḅẹ ḅọ ḅe ḅẹrẹ sikima.

1 Amadapụ 2:4

Ị́ ọ̀ ḅịḅị poki kụma, KỊNỊNYANAḄỌ ḅe ọ̀ karịmam mịnẹ ọ̀ mịẹ ḅarịye mẹ koko ḅa anịsakị mẹ tẹ ò ḍuko ị́ pịrịm mịnẹ ị̀ ḅụụ paka-ḅo apụ Izirẹlị ḅụ ḅẹrẹtọn ḅa ini ịna ḅụụ ẹbị tẹ minini nyana ḅara kẹ ịna ḅioḅẹngbọ na, tẹmẹ na kẹ ọ̀ tọn aị ma ḅụ ọ̀ ḅịḅị poki mu la sakị la sakị la ḅa.

1 Amadapụ 3:14

Anịsakị ị́ ḍa Devidi wẹrịtẹ mịẹ ḅara, ị́ nwẹnị ị̀ ḅịḅị poki tẹ ị̀ oloko ma na à toluma aị ma na koko ḅẹḅẹ, à nangwọ ḍumo kẹ ị́ pịrị ḅa.”

1 Amadapụ 9:4

Ọ́ nwẹnị ọḅụ furu-a ḍumo na karakara ḍumo na kẹ fịrịmẹnjị ị̀ pịrị ḅarị ḅẹḅẹ, ọmịna ḍaḅọ Devidi wẹrịtẹ mịẹ ḅara, tẹ ì oloko ma na à tọn tẹ kẹ ọ́ pịrị aị ma na kokom ḅẹḅẹ,

2 Amadapụ 20:3

“Yei KỊNỊNYANAḄỌ, àrị ị́ tẹkẹm, à minini ḅụ ì ḅioḅẹngbọ mẹmgba kẹ ị́ tọrọkọ mẹnjị tẹ í ḍiki-tọrụ ḅụ iḅiye mịẹ ḅara kẹ ḅiokoroma ị̀ pịrịị.” Hẹzịkaya nwẹnị ye ḅụụ ḅụ akụ ḅara kẹ owu.

2 Paka-aị 1:8

Sọlọmọnị nwẹnị Tamụnọ ḅẹẹ, “Í gburo-gburotẹ jike-a ḅẹlẹma nyana ị̀ ḍa Devidi pịrịm, tẹ ò kiri ḅụ ị̀ kẹ amadaḅọ sọma tẹẹ.

Devidi-Anume 116:7

Ì ḅioḅẹngbọ, ḅiokpọ nyana-a, KỊNỊNYANAḄỌ ḅe iḅi ḅara kẹ ị̀ na mịẹ tẹ ẹrẹsị.

Devidi-Anume 119:17

Iḅi ḅara kẹ yẹrị ị́ fịrịmẹnjịḅọ ḅe na mị, mịẹ tẹ à ḍumo sime tẹ ị́ toluma aị ma poki tẹ mịẹ ḅẹ ḅara.

Devidi-Anume 13:6

Yei KỊNỊNYANAḄỌ, à nume-su í boma ḅa, í iḅi kẹ ị̀ mịẹ tẹ ẹrẹsị.

Devidi-Anume 15:2

Ye goyegoye ḅụ Tamụnọ ḅịḅị pokiarị ḅọ tẹ sakị mamgba kuraye mịẹarị ḅọ, karakara ẹkwẹn kọn-arị tẹ aka na epele na ḅụụ ḅụ ofori ḅọ;

Kịẹn-aḅịḅị 12:7

Ị̀ fịrịmẹnjịḅọ Mozizi ḅụ anị ọkọ sime-a; ì bebe warị mẹmgba à kẹ ọ̀ ḅara sụam.

2 Kọrịntị 9:11

Tẹ Tamụnọ ọ́ mịẹtẹ ọmịnị iḅi ḅara kẹ sakị mamgba ngọ kọn tẹ sakị mamgba ḅara sarasara ḅara kẹ ye ḍie kịnị pịrị, tẹ wamịna ḅara ọmịna ḍiepịrị-aị ma daa-ọkị apụ ma ḅẹ tọnwa-apụ ịmịẹtẹ kẹ Tamụnọ ḅẹẹ ḅa.

2 Kọrịntị 9:5

Anie gotẹ à kuromam anị mịẹ na-iḅi ye, ḍuko kụrọma mịna mịnapụ ma pịrị tẹ ini tarị mu ọ́ la tẹrẹmẹ yẹrị ḅo sakị la, tẹ ọ́ sakị pịrị tẹ ó minini ḍiepịrịye mẹ tẹlẹma wẹrị. Anịtẹso yẹrị ḅo la sakị anị nwẹnị tẹlẹma wẹrị wararị ye sọ, tẹ tomi nwẹnị nimi mịnẹ anị ọmịna ḅụụ-ḅẹlẹ ye sọ kẹ ọ́ pịrịarị; ọ́ pịrị-a so ḅịa nwẹn ḅẹẹ ye-a.