1 Amadapụ 3:4 - FỊAFỊA BAỊBỤLỤ

⁴ Agbamịẹ gbọrụ sakị ḅụ ọ̀ nwẹnị so Gibiyọnị ḅụ agba mịẹ ḅẹ mu, gbala anịanga mie ereso tẹịn agbamịẹ-anga mẹ sime ye. Ḅọrọtẹ sakị ḅụ ori anị yọ ḅụ dọkịma-agba maa ẹndẹ oyia asi finji (1,000) mịẹ tẹ.

1 Amadapụ 3:4 Iomraidhean Croise

1 Amadapụ 8:4

tẹ anị dogi Tamụnọ-warị mẹ ḅom. Livayị furo ḅẹ apụ ma na, agbamịẹapụ ma na pịkị KỊNỊNYANAḄỌ ḅe sime anga mẹ ḅẹ Akpụrụ-warị mẹ na anị ḅẹ kọrịnama kọrị aị mamgba na sọ sin tẹ kẹ Tamụnọ-warị mẹ ḅom.

1 Amadapụ 8:63

Sọlọmọnị nambulo maa apuku na jei ẹndẹ (22,000) na, anana jei apuku (120,000) na kẹ gbọrụḅụụ-sime-agba mịẹm. Mị-ḅara mẹ mie amadaḅọ ḅe na Izirẹlị ḅe apụ mamgba na kẹ Tamụnọ warị mẹ finji KỊNỊNYANAḄỌ ḅẹ pịrị ḅara.

1 Amadapụ 9:2

KỊNỊNYANAḄỌ ḅe nwẹnị Gibiyọnị ḅụ ọ̀ wẹrịtẹ ḅụụ kẹ ò ḍie ḅara kẹ ḅụụ pakama ò ḍie.

1 Paka-aị 16:39

Ọ̀ nwẹnị Zadọkụ agbamịẹḅọ ḅe na, ori amịnapụ agbamịẹapụ ma na wẹrịso Gibiyọnị ḅụ gele yọ mẹ tẹ ịn KỊNỊNYANAḄỌ ḅe gotẹ nama tẹ Ọḅọkụ-Igbe mẹ kẹ wẹrị anga mẹ ḅụ,

1 Paka-aị 21:29

Gbala KỊNỊNYANAḄỌ ḅe Ọḅọkụ-Igbe mẹ koko akpụrụ-warị mẹ tẹ ịkpa ḅio Mozizi pike ye mẹ na, dọkịma-agba mịẹ anga mẹ na anịsakị ḅụ Gibiyọnị ḅụ gele ye-yọ mẹ ḅụ emi ẹrẹsị;

2 Paka-aị 1:2

Sọlọmọnị ẹkwẹn Izirẹlị mẹmgba na, ḅẹrẹtọn kịnị maa ẹndẹ oyia asi finji-finji na kịnị sonioa si sonioa si pịrịarị apụ ma na, ḅẹrẹkọn-apụ ma na, Izirẹlị mẹmgba ḅụ tọrọkọ tarị apụ mamgba na, ḍa awarị daarị apụ mamgba na pịrịm.

2 Paka-aị 1:3

Kobiri ogbo mẹmgba nwẹnị Sọlọmọnị ḅụụ sọ tẹ ori na Gibiyọnị ḅụ sime gele ye-yọ mẹ mu; gbala Akpụrụ-warị mẹ tẹ Mozizi KỊNỊNYANAḄỌ fịrịmẹnjịḅọ ḅe ịkpa mẹ ḅio pike tẹ Tamụnọ na bịamarị anga mẹ anịjụ emi ẹrẹsị

2 Paka-aị 30:24

Hẹzịkaya, Juda ḅẹ amadaḅọ owi-nambulo maa ẹndẹ oyia asi finji (1,000) na, anana tẹra ẹndẹ fa si anana oyia asi na (7,000) kẹ kobiri-ogbo mẹ pịrịm kẹ agba mịẹ, tẹ sịḅịdapụ ma nwẹnị owi-nambulo maa ẹndẹ oyia asi finji (1,000) na, anana puku sọnọ ẹndẹ finji (10,000) na kẹ kobiri-ogbo mẹ pịrị. Agbamịẹapụ ma nwẹnị gburo-gburotẹ kịẹn-aḅịḅị ḅụ ịna ḅụụ mịẹ fịafịama.

2 Paka-aị 7:5

Amadaḅọ Sọlọmọnị pootẹ-anambulo maa apuku, jei ẹndẹ finji (22,000) na, anana jei apuku (120,000) na kẹ agba mịẹm. Mị-ḅara mie amadaḅọ ḅe na, tomi mamgba na kẹ Tamụnọ warị mẹ finji ḅara.

Ayịzaya 40:16

Lẹbanọnị opu piri-ḅio simearị anama mamgba sọ boowa kẹ agbamịẹ wamịna Tamụnọ pịrị ḅụ, tẹ anị ḅẹ asịn ma boowa ḅara ḅakam kẹ fịnị mẹ tọnọ ḅụ.

Jerimaya 28:1

Anị gbọrụ kụra mẹ ḅụ, Zẹdẹkaya ama-da tẹ ini karama kụra mẹ ḅẹ sọnọ karama akalụ mẹ ḅụ Azuru tụḅọ Hananaya, Gibiyọnị ḅụ ḅo gbọrụ ịkịankoroḅọ, ẹkwẹn ị̀ pịrịm Tamụnọ-warị mẹ ḅio. Agbamịẹapụ ma na tomi ma tọrọkọ mie ò ḍuko ị̀ pịrị ye

Jọsụwa 10:2

ọ̀ nwẹnị gburo-gburo ḅara kẹ ḅalafa lama, gbala Gibiyọnị anie gburo-gburotẹ opu ama, tẹ amadaḅọ nyana opu ama ma pembe opu ama, tẹ ḍụḅa Ayị nẹngị wararị, anịsakị anịḅẹ owiapụ mamgba ịnyọ nyana opu atomi famam.

Jọsụwa 18:21

Benijamịnị furo mẹ ịna afuro ma wẹrịtẹ sime ḅara ḅụ mịọkụ nyana opu ama ma anie, Jeriko na, Bẹtị-hogila na, Ẹmẹkị-kẹzịzị na.

Jọsụwa 9:3

Kụma Gibiyọnị ḅẹ apụ Jọsụwa kẹ Jeriko na, Ayị na mịẹ ye naa tẹso,

1 Samụẹlị 13:9

Anieḅụ Sọlụ nwẹnị ḅẹẹ, “Ọ́ dọkịma-agba mịẹ ye mẹ na, dein-pịrị-agba mịẹ aị ma na ọkị-ḅo ị̀ pịrịị mị anga.” Tẹ ọ̀ nwẹnị dọkịma-agba mẹ mịẹ.