1 Amadapụ 3:3 - FỊAFỊA BAỊBỤLỤ

³ Sọlọmọnị KỊNỊNYANAḄỌ ḅe ḅẹlẹmam tẹ nwẹnị ọ̀ ḍa Devidi kẹ ò toluma toluma aị ma ḍukamẹnjịm, kụma ori sọ nama ḅaa tẹ arị kẹ agba mịẹ tẹẹ, kịrị-kịrị agbamịẹ-anga ḅụ.

1 Amadapụ 3:3 Iomraidhean Croise

1 Amadapụ 11:34

Kụma anị sime-ḅara sime-ḅara sọ arị ọ̀ ḅara ḅụ bebe amakiri mẹ ọkị ḅịa; kụma à mịẹtẹ ọ̀ ḅẹrẹtọnḅọ sọ ḅa ò ḍumo-ene mamgba ḅụ ì fịrịmẹnjịḅọ Devidi, ori ḅe tẹ à sẹlẹ-ọkị ḅọ ḅe tẹ à tọn aị ma na ì oloko ma na koko ḅọ ḅe sịḅị ẹrẹsị.

1 Amadapụ 11:38

Ị́ nwẹnị busunu ḅara kẹ ị̀ ḅịḅị poki, ì oloko ma kẹ ị́ sịḅị saakị, tẹ ị̀ fịrịmẹnjịḅọ Devidi wẹrịtẹ mịẹ ḅara, à tọn ye mịẹ ḅụ, ị̀ mịẹ tẹ à minini ị́ pịrị-pịrị, àrị ị́nịna sakị mamgba sime ḅa. Àrị ị́ kẹ Izirẹlị ḅẹ amadaḅọ mịẹ ḅa, tẹ karakara-ḅara-ḅụ ẹrị ḅa mịnẹ ị́ ḅọrọtẹ so, ị́ ḅụụ paka-ḅo apụ ḅẹrẹtọn ḅa, à mịẹ Devidi pịrị ḅara pembe ḅara.

1 Amadapụ 11:4

tẹ ḅo ori omongi sakị la sakị ò sime-ereme ma ò ḅioḅẹngbọ da-mu sunsin oru-atamụnọ pịrị ḅụ suu tẹẹ. Ọ̀ ḅarị karakara ḅara kẹ ò ḅioḅẹngbọ mẹmgba kẹ KỊNỊNYANAḄỌ ọ̀ Tamụnọ ḅe minini tẹ sịḅị-tuu ọ̀ pịrị-a, ọ̀ ḍa Devidi wẹrịtẹ mịẹ ḅara.

1 Amadapụ 11:6

Anieḅụ Sọlọmọnị nwẹnị KỊNỊNYANAḄỌ ḅe ḅụụ si mịẹ tẹ ḅarị gbọrsịḅị KỊNỊNYANAḄỌ ḅe ḍuka mẹnjị-a ọ̀ ḍa Devidi wẹrịtẹ KỊNỊNYANAḄỌ ḅe ḍuka mẹnjị ḅara.

1 Amadapụ 14:23

In gbala gele anga sọ nama ịna ḅụụ pịrịm, ịḅalị pike, Asịra fụḅara mịẹ koroma gele tẹ tụndụ ọgọnọ goyegoye ḅụ na, eleleinda-tọrụ ḅịa opu sịn suku goyegoye ḅụ;

1 Amadapụ 14:8

tẹ nwẹnị amakiri mẹ kan-siin Devidi warị ḅụ tẹ anị kẹ ị́ pịrịm; kụma anịsọ ị́ paa ị̀ fịrịmẹnjịḅọ Devidi kịka-a, ori ḅe tẹ ì oloko ma koko, tẹ ò ḅioḅẹngbọ mẹmgba kẹ ì ḍukamẹnjị tẹ ị̀ tọrụ ḅụ kuraye ngẹrị mịẹm,

1 Amadapụ 15:11

Asa KỊNỊNYANAḄỌ ḅe tọrụ ḅụ kụra ye mịẹm ori atẹngịḅọ Devidi mịẹ ḅara.

1 Amadapụ 15:14

Kụma gele ayeyọ ma ori arị kan sin-a. Anie mẹmgba, Asa karakara-ḅara-ḅụ ò ḅioḅẹngbọ kẹ KỊNỊNYANAḄỌ ḅe ḍukam ò ḍumo-ene mamgba ḅụ.

1 Amadapụ 15:3

Ò ḍa mịẹ gbọrụ ḅara ḅẹ asi ma mie ọ̀ mịẹ yee, tẹ busunuma sịḅị-tuu KỊNỊNYANAḄỌ ọ̀ Tamụnọ ḅe pịrị-a, ori opu ḍaḅọ ḍa Devidi wẹrịtẹ sịḅị-tuu ḅara.

1 Amadapụ 15:5

Gbala Devidi KỊNỊNYANAḄỌ ḅe tọrụ ḅụ kuraye mịẹm tẹ ọ̀ tọn ọ̀ pịrị ye goyegoye ḅụ pịkị jen anga da-a, ò ḍumo-ene mamgba ḅụ, Yuraya Itayịti ḅẹ ḅọ ḅe ḅẹrẹ sikima.

1 Amadapụ 22:43

Ò ḍa Asa mẹnjị ḅara mẹnjị ḅara mịẹ ò ḍiki mẹnjị ye; ori anị ḅụ pịkị jen anga da-a, tẹ KỊNỊNYANAḄỌ ḅe ḍiki-tọrụ ḅụ kuraye mịẹm; anịsọ in mu-mu sunsin oru pịrịarị gele anga ma ori arị kan-siin-a, tẹ tomi ma paa mu-mu agba mịẹm pịkị kụnụ aị dọkịmam gele anga ma ḅụ.

1 Amadapụ 22:44

Jehosafatị Izirẹlị ḅẹ amadaḅọ na ḅẹrẹ sọ famam.

1 Amadapụ 3:14

Anịsakị ị́ ḍa Devidi wẹrịtẹ mịẹ ḅara, ị́ nwẹnị ị̀ ḅịḅị poki tẹ ị̀ oloko ma na à toluma aị ma na koko ḅẹḅẹ, à nangwọ ḍumo kẹ ị́ pịrị ḅa.”

1 Amadapụ 3:6

Sọlọmọnị nwẹnị pakịrị, “Ị́ sakị mamgba gburo-gburotẹ ḅẹlẹma nyanatẹ kẹ ị́ fịrịmẹnjịḅọ ị̀ ḍa Devidi pịrịm, anịsakị ori sọ pịkị ị́yẹrị na ori na gboloma ḅụ iḅi ḅara na, ḅẹlẹma na, minini na, kịnị-inoma-a, furu-a pịkị iruo-a ḅara kẹ ị́nịna simem. Ị́yẹrị sọ pịkị sịkọpẹlẹ-a ḅara kẹ sakị mamgba í gburo-gburotẹ ḅẹlẹma nyana ọ̀ pịrịm, gbọrụ owiḅọtụḅọ kẹ ọ̀ pịrị tẹ mịmgbaa ḅụ ori ò kiri ḅụ ḅẹrẹtọn-arị.

1 Amadapụ 8:25

Mịọkụ Yei KỊNỊNYANAḄỌ Izirẹlịapụ tẹkẹarị Tamụnọ, à tẹkẹm mịnẹ aniemẹ tẹ ị́ kẹ ị́ fịrịmẹnjịḅọ ị̀ ḍa Devidi karịma ye mẹ tẹ ḅẹẹm mịnẹ, ‘À gbala-gbala ị́ tọrụ-ogbo ḅụ kẹ ị́ gbarịma ḅịa gbọrụ owiḅọ ị́ ḅụụ ḅo Izirẹlị ḅẹ emine mẹ ọgọnọ lẹgị mẹ. Í owiapụ-awọmẹ ma nwẹnị paa ịna ḅụụ ẹbị ịna amịẹaị mamgba ḅụ tẹ ị̀ tọrọkọ mẹnjị ị́ wẹrịtẹ mẹnjị ḅara.’

1 Amadapụ 8:61

Yee ọmịnị ori atomi sakị mamgba KỊNỊNYANAḄỌ wamịna Tamụnọ ḅe ḅụụ minini nyana tẹ mịmgbaa ọ́ wẹrịtẹ mịẹ ḅara mẹ kẹ ori oloko ma na ọ̀ tọn-aị ma na poki.”

1 Amadapụ 9:4

Ọ́ nwẹnị ọḅụ furu-a ḍumo na karakara ḍumo na kẹ fịrịmẹnjị ị̀ pịrị ḅarị ḅẹḅẹ, ọmịna ḍaḅọ Devidi wẹrịtẹ mịẹ ḅara, tẹ ì oloko ma na à tọn tẹ kẹ ọ́ pịrị aị ma na kokom ḅẹḅẹ,

2 Amadapụ 12:3

Anịsọ oru mịẹapụ ma gele ayeyọ ma ịna aḅara ḅụụ ini arị ọkị-a tẹ ịn paa agba mịẹ-mịẹ tẹ kụnụaị dọkịmarị gele ayeyọ ma ḅụ.

2 Amadapụ 12:4

Johasị nwẹnị agbamịẹapụ ma ḅẹẹ, “Ịn kẹ KỊNỊNYANAḄỌ ḅe warị ḅoarị fịafịa aị ma ḅẹ igbigi mamgba — anị ịn pẹlẹ tomḅọ sịḅị-sịḅị pịrị igbigi-o, tomḅọ ḅioḅẹngbọ ḅụ pẹlẹ ḅụụ pịrị igbigi-o, tomḅọ ḅioḅẹlẹ ḅụ kẹ KỊNỊNYANAḄỌ ḅe warị-ḅio sọ-ḅo igbigi sọ,

2 Amadapụ 14:3

Ọ̀ KỊNỊNYANAḄỌ ḅe tọrụ ḅụ kuraye mịẹm, anịsọ anị ori atẹngịḅọ Devidi mịẹ ḅara kịka-a; ye mamgba ḅụ ori ọ̀ da Johasị mịẹ ḅara mịẹm.

2 Amadapụ 14:4

Kụma oru mịẹ apụ ma gele ayeyọ ma ini arị saakị siin-a tẹ tomi ma paa agba mịẹ-mịẹ tẹ kụnụaị dọkịmarị gele ayeyọ ma ḅụ.

2 Amadapụ 15:35

Anịsọ oru mịẹ apụ ma gele ayeyọ ma ini arị sin-a; tomi ma paa mu agba mịẹ-mịẹ tẹ kụnụaị dọkịmarị gele anga ma ḅụ. Ori mie KỊNỊNYANAḄỌ ḅe warị mẹ ḅụ ọgọnọ-jụ ḅe ogigo-ḅọkọ mẹ nama ye.

2 Amadapụ 15:4

Anịsọ oru-koroapụ ma agba mịẹ-mịẹ gele ayeyọ ma, ini arị kan-sara-a. Tomi ma paa agba mịẹ-mịẹ tẹ kụnụaị dọkịmarị, gele ayeyọ ma ọgọnọ ḅụ.

2 Amadapụ 18:22

“Kụma ị́ nwẹnị ị̀ ḅẹẹm, ‘Wa KỊNỊNYANAḄỌ wamịna Tamụnọ ḅe ḅụụ sịrẹrẹm’ ḅẹḅẹ — Hẹzịkaya kan siin gele ayeyọ ma na ebeka ma na nyana ḅọ ori ḅị Tamụnọ ḅe-a, tẹ Juda na Jeruselemu na ḅẹẹm, ‘Mị ebeka mẹ tọrọkọ mie ọ́ sunsin ḅarị ye Jeruselemu ḅụ?’

2 Amadapụ 18:4

Ò gele ayeyọ — oru mịẹ apụ ma tẹkẹarị anga — ma kan siinm, ịna ịḅalị ma anyịma, tẹ Asẹra oru-fụḅara mẹ pẹlẹ-gbinm. Ọ̀ nwẹnị ojo oronwi tẹ Mozizi tẹmẹ ye mẹ anyịma kọsịma, ọkị mu arị ene ma la sọ Izirẹlịapụ ma kụnụaị dọkịma dọkịma anị pịrịarị; ini anị sịnm Nehusutanị.

2 Paka-aị 15:17

Kụma Izirẹlị ḅụ gele ayeyọ ma ini arị saakị pakama-a. Anịsọ ye kẹ Asa ḅioḅẹngbọ ḅụ ori ọlọ-ọlọ ọkụ ofori ò ḍumo-ene mamgba ḅụ.

Devidi-Anume 145:20

Ọ̀ ḅẹlẹmarị tomḅọ goḅọ-goḅọ, ori mḅọ gbaịn-arị; kụma ò si-sịḅịḅio-sụapụ ma ḅaa guluguluma ḅa.

Devidi-Anume 31:23

Ọmịnị minini nyana apụ mamgba, ọ̀ KỊNỊNYANAḄỌ ḅe ḅẹlẹmaa. KỊNỊNYANAḄỌ ḅe minini nyana apụ ma gbaịn-arị, kụma ọ̀ ḅụụ-gelema apụ ma gbẹẹ fomu-ḅara kẹ ịn pịrịarị.

Lẹvitikọsị 17:5

Miemẹ mu kunoma ḅa, mịnẹ agba ma tẹ Izirẹlị ḅẹ apụ ma ama ḅio paka tẹ ḅaarị anama ma ọkị-ḅo kẹ KỊNỊNYANAḄỌ ḅe pịrị, tẹ kẹ Kobiri Akpụrụ-warị mẹ ḅọkọ ḅụ arị kẹ agbamịẹḅọ ḅe pịrị, tẹ ḅaa tẹ kẹ dein-pịrị-agba mịẹ KỊNỊNYANAḄỌ ḅe pịrị ḅarị ḅara.

Matiyo 22:37

Jizọsị nwẹnị pakịrị, “ ‘KỊNỊNYANAḄỌ, ị́ Tamụnọ ḅe ḅẹlẹma, í ḅioḅẹngbọ mẹmgba ḅụ, ị́ tẹmẹ mẹmgba ḅụ, pịkị í kuroma mẹmgba ḅụ.’

Jọnị 14:15

“Ọmịnị ị̀ ḅẹlẹmarị ḅẹ kụma ọmịnị ì oloko ma koko ḅa.

Jọnị 14:21

“Ì oloko ma ọkị tẹ arị ḅẹẹ ḅara mịẹarị ḅọ, mịẹarị ḅọ anie ị̀ ḅẹlẹmarịḅọ, ị̀ Ḍa ḅe ị̀ ḅẹlẹmaḅọ, ḅẹlẹmaḅọ ḅẹlẹma ḅa, yẹrị sọ mḅọ ḅẹlẹma tẹ ị̀ ḅụụ mịẹfinji mḅọ pịrị ḅa.”

Romu 8:28

Wa nimi wararị mịnẹ Tamụnọ ḅẹlẹmarị tẹ ọ̀ kẹ ye tọn ḅara ḅụ ọ̀ ḅarana sịn ọkị atomi ma ḅụ ye goyegoye iḅi go mịẹarị.

1 Kọrịntị 8:3

Kụma Tamụnọ ọ̀ ḅẹlẹmarịḅọ nimi wararị.

Ditẹrọnọmị 10:12

Anịsakị Izirẹlị, mịọkụ KỊNỊNYANAḄỌ ọmịna Tamụnọ ḅe ọmịna aḅara tiye ḅii? KỊNỊNYANAḄỌ ọmịna Tamụnọ ḅe ḍiki-ḅalafaa, ori etela mamgba ḅụ mẹnjịị, ọ̀ ḅẹlẹmaa, ọmịna ḅioḅẹngbọ mẹmgba na, ọmịna tẹmẹ mẹmgba na, kẹ fịrịmẹnjị ọ̀ pịrịị,

Ditẹrọnọmị 10:13

tẹ KỊNỊNYANAḄỌ ḅe Oloko ma na, kẹẹ wararị oloko ma na tẹ ọmịna iḅi gotẹ mịmgba à tọn ọ́ pịrị aị ma kokoo.

Ditẹrọnọmị 11:13

Anịsakị ọ́ nwẹnị KỊNỊNYANAḄỌ ọmịna Tamụnọ ḅe ḅẹlẹma, tẹ ọmịna ḅioḅẹngbọ mẹmgba na ọmịna tẹmẹ mẹmgba na kẹ fịrịmẹnjị ọ̀ pịrị ḅẹẹm tẹ ì oloko ma tẹ mịmgba à tọn ọ́ pịrị aị ma poki poki,

Ditẹrọnọmị 30:16

Ọ́ nwẹnị KỊNỊNYANAḄỌ ọmịna Tamụnọ ḅe ḅẹlẹma ḅẹ ori etela ma ḅụ mẹnjị, ori oloko ma na, ori oloko ma tẹ kẹẹ wararị aị ma na, kụrọ ọ̀ ḅara ḅio emi tẹ ọ̀ sụa oloko ma na, koko ḅụ KỊNỊNYANAḄỌ ọmịna Tamụnọ ḅe tọn aị ma tẹ mịmgba ḅụ à tọn ọ́ pịrị aị ma koko, koko, anịrẹ ó ḍumo tẹ lolo-kama ḅa, tẹ KỊNỊNYANAḄỌ ọmịna Tamụnọ ḅe nwẹnị ó boma ḅa ọ́ sọ tẹ anị ọkị nyana ḅẹ muarị ama mẹ ḅio.

Ditẹrọnọmị 30:20

Ọ́ KỊNỊNYANAḄỌ ọmịna Tamụnọ ḅe ḅẹlẹmaa, ọ̀ pọkọ pokii, tẹ ori oḅoloo; aniemẹ gbala ḍumo na nangwọ ene na fie ọ́ pịrịarị ẹrẹsị, mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ, kẹ ọmịna aḍapụ Ebira-amụ na, Ayịzịkị na, Jekọbụ na pịrị ḅẹ minini ịn pịrị ama mẹ ḅio ọmịnị anga ḅẹ ḅara.”

Ditẹrọnọmị 30:6

KỊNỊNYANAḄỌ ọmịna Tamụnọ ḅe ọmịnị na, ọmịna aḅụụ paka-ḅo apụ ma na ḅioḅẹngbọ ḅẹ tarị-ḅụụ sin ḅa, anieḅụ ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ KỊNỊNYANAḄỌ ọmịna Tamụnọ ḅe ḅẹlẹma ḅa, mịẹtẹ ó ḍumo ḅẹ ḅara.

Ditẹrọnọmị 6:5

Anịsakị ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na, ọmịnị ịnyọ mẹmgba na, kẹ KỊNỊNYANAḄỌ ọmịna Tamụnọ ḅe ḅẹlẹma ḅa.

Jemụsị 1:12

Ḅioḅẹlẹ sime anị ḅọ mẹ pịrịị, anie ịn sọkịrị ḍiki fama tẹ paa amịna minini ḅụ sịẹ-kụrọ wararị ḅọ mẹ, kẹ gotẹ ọkọ ḍukoarị, ọkọ sime sọkịrị mẹ ḅụ tolu-ḅọrọ tẹ ḅọ mẹ mḅọ Tamụnọ minini ọ̀ ḅẹlẹma apụ ma pịrị gbẹẹ-ye mẹ nyana ḅa.

Jemụsị 2:5

Ị̀ iḅi amịnapụ, ó pokii! Tamụnọ mị tomikiri mẹ ḅẹ igoin-apụ ma sẹlẹ-ọkịm, in ḅo minini ngọ-kọn tẹ ò minini ọ̀ ḅẹlẹma apụ pịrị Ama mẹ nyana.

1 Samụẹlị 9:12

In nwẹnị pakịrị, Ori emi; ḍikii, mie ọ̀ paa ọmịna tọrọkọ mẹnjị muarị ḅara. Ọ́ fọnya muu, mie ọ̀ paa mịọkụ opu ama mẹ ḅo ḅara, gbala tomi ma mịmgba gele yọ mẹ ọgọnọ agba mịẹ nyana wararị ẹrẹsị.