Biblia Todo Logo
Bìoball air-loidhne

- Sanasan -




1 Amadapụ 3:2 - FỊAFỊA BAỊBỤLỤ

2 Gbọrụ tẹkẹ-warị sọ amụ nama tẹ kẹ KỊNỊNYANAḄỌ ḅe pịrị-a, ọkọẹrẹsị tomi ma paa kịrị-kịrị tọnwa agbamịẹ-anga ḅụ agba mịẹ KỊNỊNYANAḄỌ ḅe pịrịarị.

Faic an caibideil Dèan lethbhreac




1 Amadapụ 3:2
17 Iomraidhean Croise  

In gbala gele anga sọ nama ịna ḅụụ pịrịm, ịḅalị pike, Asịra fụḅara mịẹ koroma gele tẹ tụndụ ọgọnọ goyegoye ḅụ na, eleleinda-tọrụ ḅịa opu sịn suku goyegoye ḅụ;


Kụma gele ayeyọ ma ori arị kan sin-a. Anie mẹmgba, Asa karakara-ḅara-ḅụ ò ḅioḅẹngbọ kẹ KỊNỊNYANAḄỌ ḅe ḍukam ò ḍumo-ene mamgba ḅụ.


Ò ḍa Asa mẹnjị ḅara mẹnjị ḅara mịẹ ò ḍiki mẹnjị ye; ori anị ḅụ pịkị jen anga da-a, tẹ KỊNỊNYANAḄỌ ḅe ḍiki-tọrụ ḅụ kuraye mịẹm; anịsọ in mu-mu sunsin oru pịrịarị gele anga ma ori arị kan-siin-a, tẹ tomi ma paa mu-mu agba mịẹm pịkị kụnụ aị dọkịmam gele anga ma ḅụ.


Jehosafatị Izirẹlị ḅẹ amadaḅọ na ḅẹrẹ sọ famam.


“Ị́ nimi wararị mịnẹ gbala ị̀ ḍa Devidi sakị mẹmgba ori na fịya-a opu asịẹ ma tẹ ori ikelema-koro wararị apụ ma na ọmụgbin-arị tẹ inetẹ gbọrụ tẹkẹ-warị nama tẹ kẹ sunsin KỊNỊNYANAḄỌ ọ̀ Tamụnọ ḅe pịrị-a nwenii KỊNỊNYANAḄỌ ḅe owu-ḅara-iḅi kẹ ọ̀ pịrị tẹ ori na fịya-a apụ mamgba ikelema-koro ḅụ.


Johasị nwẹnị agbamịẹapụ ma ḅẹẹ, “Ịn kẹ KỊNỊNYANAḄỌ ḅe warị ḅoarị fịafịa aị ma ḅẹ igbigi mamgba — anị ịn pẹlẹ tomḅọ sịḅị-sịḅị pịrị igbigi-o, tomḅọ ḅioḅẹngbọ ḅụ pẹlẹ ḅụụ pịrị igbigi-o, tomḅọ ḅioḅẹlẹ ḅụ kẹ KỊNỊNYANAḄỌ ḅe warị-ḅio sọ-ḅo igbigi sọ,


Kụma Izirẹlị ḅụ gele ayeyọ ma ini arị saakị pakama-a. Anịsọ ye kẹ Asa ḅioḅẹngbọ ḅụ ori ọlọ-ọlọ ọkụ ofori ò ḍumo-ene mamgba ḅụ.


Anịsọ tomi ma paa gele ayeyọ ma ḅụ agba mịẹm, kụma in mịẹ KỊNỊNYANAḄỌ ịna Tamụnọ ḅe ngẹrị pịrịm.


Oru tẹkẹ-ayọ tẹ ịn nama ḅụụ pịrị-aị ma ori ịganịmam, ini oru-afụḅara tẹmẹ ye mẹ pịkị kpọma ori ịganị owimam.


Àrị ọmịna geletẹ ayeyọ ma sukuruma-gbin ḅa, tẹ ọmịna kụnụaị ebeka ma pẹlẹ, pẹlẹ-gbin, tẹ ọmịna fịtẹ oju ma saakị, saakị ọmịna fịtẹ akpokobịa ma ọgọnọ gbana ḅa, tẹ ọmịnị ị̀ ḅụụ si ḅa.


Ọmịnị ọmịna aḅụụ ẹbị mịnẹ ọ́ ḅẹẹ-anga ḅẹẹ-anga tẹ ọmịnị ẹrị anga, ẹrị anga ḅụ ọmịna dọkịma-agba ma mịẹ-a.


In nwẹnị pakịrị, Ori emi; ḍikii, mie ọ̀ paa ọmịna tọrọkọ mẹnjị muarị ḅara. Ọ́ fọnya muu, mie ọ̀ paa mịọkụ opu ama mẹ ḅo ḅara, gbala tomi ma mịmgba gele yọ mẹ ọgọnọ agba mịẹ nyana wararị ẹrẹsị.


Lean sinn:

Sanasan


Sanasan