1 Amadapụ 3:1 - FỊAFỊA BAỊBỤLỤ

¹ Sọlọmọnị nwẹnị Ijiputi ḅẹ amadaḅọ na gbọrụ ḅụụ sime, ori ẹrẹḅọtụḅọ na sime ḅụ. Ori arị ọkị-ḅo Devidi Opu ama mẹ ḅio anga nwenii tẹ ori ori Amada-opu-warị na, Tamụnọ Tẹkẹ-warị mẹ na, pịkị Jeruselemu gbori ikelema-koro onu mẹ sọ nama famam.

1 Amadapụ 3:1 Iomraidhean Croise

2 Samụẹlị 5:7

Anịsọ Devidi Zayọnị ḅụ kụrọtẹ ḅọị anga mẹ ọkịm, anie Devidi opu ama mẹ.

1 Amadapụ 11:1

Amadaḅọ Sọlọmọnị, ò jen ama ḅẹ ereme ḅẹlẹmam. Fero tụḅọ ma sikima, ori Itayịti na, Mohabụ na, Amọnị na, Idọmụ na, Sayịdọnị na ḅụ ja ereme simem.

1 Amadapụ 2:10

Devidi fịịm tẹ ini ọ̀ kẹ Devidi Opu ama mẹ ḅụ ḍiḅim.

1 Amadapụ 6:1

Izirẹlịapụ Ijiputi koroma-so tẹ kụra gbọrụ ẹndẹ inia si finji (480) ḅọrọ sakị, anie Sọlọmọnị Izirẹlị ḅụ ama-da tẹ inia kụra karama kụra ḅụ maaịn karama akalụ tẹ ịn kẹ Zivụ sịn-arị akalụ mẹ ḅụ mie Sọlọmọnị KỊNỊNYANAḄỌ ḅe Tẹkẹ-warị mẹ ḅụ ḅẹ kọrịnama saakị ye.

1 Amadapụ 7:1

Sọlọmọnị pịkị gbọrụ amada-opu-warị nama ọ̀ ḅụụ pịrịm, tẹ oyi tẹra akụra finji ọ̀ nwẹn kẹ anị nama karamam.

1 Amadapụ 7:8

Sọlọmọnị anga-warị anie, jen warị tẹ Ḅẹrẹkọn Warị mẹ ọḅụjụ osi awarị ma nama ḅara kẹ nama wararị warị. Ọ̀ nwẹnị pịkị anị gbọrụ ḅara mẹ sime warị nama tẹ kẹ Fero ẹrẹḅọtụḅọ tẹ ò sime ḅọ ma pịrị.

1 Amadapụ 9:1

Amadaḅọ Sọlọmọnị KỊNỊNYANAḄỌ ḅe Tẹkẹ-warị mẹ na, amadaḅọ opu warị mẹ na pịkị ọ̀ nama ḅẹ ḅii jaị sọ nama fama tẹso,

1 Amadapụ 9:10

Tẹkẹ-warị mẹ na, amadaḅọ opu warị mẹ na nama mẹ si akụra kẹ Sọlọmọnị ọkịm.

1 Amadapụ 9:24

Fero, Ijiputi ḅẹ amadaḅọ ḅe ẹrẹḅọtụḅọ, Sọlọmọnị ta ma Devidi Opu ama anie Jeruselemu ḅụ saḅa so Sọlọmọnị nama á pịrị amadapụ warị mẹ mu tẹrẹmẹ, mie ori opu ama mẹ ḅụ ịrụa-saakịarị-anga mẹ ḅụ kiri mẹ pịrị pakama ye.

1 Paka-aị 11:7

Devidi nwẹnị kụrọ-tẹịn anga mẹ ḅụ sime, anịẹrẹsị ịn nwẹnị anị sịn. “Devidi Opu ama.”

2 Paka-aị 18:1

Mịọkụ Jehosafatị gburo-gburotẹ ngọ na kụn na nyanam, tẹ ọ̀ nwẹnị ere-sime kẹ Ehabụ na gboloma.

2 Paka-aị 8:11

Sọlọmọnị, Devidi opu ama mẹ ḅụ Fero ẹrẹḅọtụḅọ ọkị-ḅo tẹ kẹ ọ̀ nama á pịrị warị ḅio sunm, ọ̀ kẹ gotẹ ọkọ mịẹ ye, ori mẹẹ, “ị̀ ta Izirẹlị ḅẹ amadaḅọ Devidi warị mẹ ḅio anga ḅịa, kẹ gotẹ ọkọ ḅẹẹarị, KỊNỊNYANAḄỌ ḅe Ọḅọkụ-Igbe mẹ ḅo laa anga laa anga anie fịafịa anga.”

Ẹzịra 5:11

Mịẹ ịn kẹ wa pakịrị pakịrị-ḅịḅị, ‘Wamịnị anie So mẹ na Kiri mẹ na nyana Tamụnọ ḅe afịrịmẹnjịapụ, anịsakị iḅere-iḅerea kụra ḅio Izirẹlị ḅụ gburo-gburotẹ gbọrụ Amadaḅọ nama tẹ nama karama warị mẹ mịẹ wa siin namarị ye.’

Ẹzịra 9:14

wa pịkị ị́ tọn aị ma kan, tẹ mịna tọn-tọn-aị ma kẹ mịẹ-mịẹye sọma tẹ mịẹarị atomi ma na ere-sime pịrịa-pịrịa na-iḅi? Ị́ ịganị wa pịrị nwenii wamịnị-mgba fịị fama tẹ kọọn ḅẹ ḅọ, anịanịa mangị-so ḅẹ ḅọ paka ḅẹ?

Ditẹrọnọmị 23:8

Ini iyi ịn pịrị tẹra ḅụọ karama awọmẹ ma inetẹ KỊNỊNYANAḄỌ ḅe kobiri-ogbo mẹ ḅio sọ-mu ḅa.