1 Amadapụ 22:3 - FỊAFỊA BAỊBỤLỤ

³ Izirẹlị ḅẹ amadaḅọ ḅe nwẹnị ori afịrịmẹnjịapụ ḅẹẹ, “ó gbeke nimi mịnẹ Ramọtị-giliyadị sime kẹ wa pịrịm, tẹ wa yaụ-sime wararị tẹ Siriya ḅe amadaḅọ ḅara ḅụ anị ọkị-a?”

1 Amadapụ 22:3 Iomraidhean Croise

2 Samụẹlị 19:10

Kụma Abusalọmụ, oriḅe tẹ wa pulo kẹ sịḅị ḅụ saram ama-da wa pịrị ḅẹ ḅọ ḅe owu ḅụ fịị tẹ. Wa mịọkụ anịẹrẹsị tiegotẹ mu amadaḅọ ḅe pịkịma-ḅo gbolomaye ḅụ ḅarị gberie-sọ ḍuko-a?”

1 Amadapụ 22:29

Anieḅụ Izirẹlị ḅẹ amadaḅọ ḅe na, Juda ḅẹ amadaḅọ Jehosafatị na nwẹnị owu kẹ Ramọtị-giliyadị paka ḅẹ mu.

1 Amadapụ 4:13

Bẹnịgeba ḍikiḍikiarị kpo anie: Ramọtị-giliyadị ḅụ simearị opu ama mẹ na, Giliyadi ḅụ simearị kala-ama ma tẹ sime Jayẹ pụmbụ pịrịị Manasẹ ḅụ paka-ḅo apụ ma na pịkị Basani ḅụ simearị Agọbụ ye-yọ mẹ, inimgba ḍụḅatẹ ama tesi. Ini onu kẹ arị gbori ikelema fama wararị, kẹ arị mịẹ kụrọma gotẹ; ịn pịkị ojo-ikulele kẹ arị ogigo-aḅọkọ ma ḅụ ẹngbẹsẹ ḅara kẹ sụa wararị.

2 Amadapụ 8:28

Ọ̀ nwẹnị Ehabụ owiḅọtụḅọ Joramụ ḅụụ sọ tẹ mu owu kẹ Azẹlị Siriya ḅẹ amadaḅọ paka Ramọtị-giliyadị ḅụ, anịanga mẹ tẹ Siriya ḅẹ apụ ye kẹ Joramụ lama anga mẹ.

2 Amadapụ 9:14

Anịtẹso Jehu, Jehosafatị owiḅọtụḅọ, pịkị Nimisi taa-owiḅọtụḅọ ḅe nwẹnị ḅẹrẹ-ḅiya kẹ Joramụ pịrị. (Mị sakị mẹ bebe Izirẹlị mẹmgba Joramụ ḅụụ sọ tẹ Siriya ḅẹ amadaḅọ Azẹlị ẹbị gotẹ Ramọtị-giliyadị koruarị;

Ditẹrọnọmị 4:43

Ịkpa mẹ ḅio lẹsẹrẹtẹ tụndụ ọgọnọ mẹ ḅụ sime Rubẹnị furo-ḅẹ-apụ ma pịrị opu ama Biza, Gilẹdị ḅụ sime Gadi furo-ḅẹ-apụ ma pịrị opu ama Remọtị, anịsakị Basani ḅụ sime Manasẹ furo mẹ pịrị opu ama Golanị.

Jọsụwa 20:8

Jodanị mẹ ọgọnọ-jụ, Jeriko ḅụ ịrụa-saakịarị-anga ḅụ ịn Biza tọnm ịkpa mẹ ḅio sịḅị lẹsẹrẹtẹ tụndụ mẹ ọgọnọ Rubẹnị furo mẹ ḅụ, na Gadi furo mẹ ḅụ, Gilẹdị ḅio simearị Remọtị na, Manasẹ furo ḅụ Basani ḅio simearị Golanị na.

Jọsụwa 21:38

Gadi furo ḅụ, Gilẹdị ḅio Remọtị, kịnị-ḅaḅọ ḅe ḅụụ ḅọị opu ama mẹ, na anị ḅẹ osuka-akiri na kẹ sụa, Mehananemụ na, anị ḅẹ osuka-akiri na kẹ sụa,

Ḅẹrẹkọn-apụ 16:2

Ịn nwẹnị ḍuko Gaza ḅẹ apụ ma pịrị, “Samụsịnị mịanga ḅo tẹ,” tẹ ịn nwẹnị bebe ḍin mẹmgba kẹ ye-yọ mẹ ikelema-koro tẹ sime ò koru opu ama mẹ ḅẹ ogigo-ḅọkọ mẹ ḅụ. Ịn bebe ḍin mẹmgba kẹ yaụ-simem, tẹ ḅẹẹm, “Ó yee wa koru nwenii ene mẹ finji koro; anịrẹ wa ọ̀ ḅaa ḅa.”

Ḅẹrẹkọn-apụ 18:9

Ịn nwẹnị ḅẹẹ, “Ọ́ saakị tẹ yee wa mu owu kẹ ịn paka; kẹ gotẹ ọkọ ḅẹẹarị, wa ama mẹ ẹrị tẹ, tẹ ḍikii, anị iḅi lamatẹ kiri nyana wararị. Ọ́ mịẹ ḅẹ ye ofori? Ọ́ sakị fama-a ḅara kẹ muu, tẹ sọ-mu tẹ ama mẹ nyana.